صباح الفلtamatiaa وولجميع سلامي لكم كلكم رغم اني مش عارفه احفظ الاسامي سمحوني
ربنا يخليكم ليا يارب والله وميحرمنيش منكم ولا من دعويكم ليا
شوفي بقه انا جوزي الحمد الله ابو عمر وعلي فاز امبارح والف الف حمد وشكر ليك يا رب واشكركم بس بقه فاضل اخر اخر اخر ماتش يوم الخميس الجي باذن الله ويبقى يا يطلع درجه اولي ييا يفضل درجه تانيه وطبعا اتمنى منكم كلكم تدعولي من قلوبكم تخيلوا انا منمتش من القلق من يوم الخميس وطيعا عندي شغل النهارده جيه عنيا متنفخة طبعا لا وايه الاستاذ عمر وعلي عندهم امتحانات واناكنت بذاكرلهم ومخي مش معايا وبسراحه شغلانه الكورة كلها قلق وعدم استقرار وممكن نبقى في اي وقت في اي حته وممكن لا قدر الله ميجيش عقد من اساسه بس ان ربنا اردا وفاذ بقه تكون فرصه كبيرة ان النوادي القريبه يتعاقدوا معاهخ وهو فايز عارفه دة بيشتغل فر راس الخيمه يعني بيسافر كل يومين ساعتين رايح وساعتين جي تخيلوا بقه وياريت عاجب المهم ربنا يستر بس ويتمها على خير ويبعتله عقد افضل ويكون قريب اما بقه عمر وعلي عمر هابلني رسمي مش عاوز يذاكر ومجنني انا اسفه على الازعاج بس انا مليش اصحاب ونفسي افضفض واشكركم جميعا لكل من تذكرني ودعالي يارب ربنا يخليكم ليا
اختكم اينا القلقانه علطول

دون مرسى جدا دايما تاعباكى بس هو فى انهى حته فى مصر و اسعارة و مواعيدة اخبارها ايه

يا صباح الفل على الحلوات

حاحاول ارد عليكم من تحت لفوق المرة دي!!!! >>>>>> كل مرة باجرب طريقة في الرد عسى اني مانساش بس برضه عارفة اني مسطولة و حتقع مني شوية ردود!!!! شيخوخة مبكرة بعيد عنكم!!

اينا يا قلقانة، سلامتك من القلق يا سكرة و احنا اخواتك فضفضي زي ما انتي عاوزة و ربنا يعينك على القلق ده و ييسر احوال زوجك و يستقر في شغله. بصراحة ربنا يعينك فعلا و يقويكي و يخليلك عموره و علوه يا ستي

تماتيا ازيك وحشتيني جدا، على فكرة حكاية الفازلين و الجليسوليد دي فعلا حلوة بس انا كسلانة مووووووووووووووووووووووووووت بس ساعات اعملها و فعلا بتبقى الرجل بعدها زي رجل البيبي

سكرة هانم، الصور تهبل و خصوصا الاولى بس بجد لو تعرفي اللوك ده يطلع ازاي قوليلي لاني نفسي اعمل حاجة كده، انا باجرب و ساعات بتطلع حاجات حلوة و انا حتى اللي عملت لنفسي ماكياج خطوبتي و كان خفيف و هادي بس كان مناسب ليا جدا، مع اني اصلا بدأت رحلتي مع الميك اب متأخر، انتي عارفة الحدوتة ههههههههههههههه ، صحيح يا سكرة انتي شفتي صور خطوبتي و الا نسيت اوريهالك اصلا؟؟!!!!! يا كسوفي لو كنت نسيت!!! بس الصراحة انا اتعلمت كتير من موضوعات البنات في المنتديات لان فيه ناس خبرة فعلا بس ايدي لسه تقيلة شوية خصوصا في رسم العين الحكاية صعبة اوي

كهرمانتي ازيك يا امورة؟؟ اخبارك ايه؟؟ ان شاء الله بخير

سندريلا، و لا يهمك يا قمر، هي اصل حكاية المجموعات دي كتير ة تخيل بس انا كتبت لكم تحت كل صورة اسم الحاجة عشان انا نفسي باتلخبط احيانا ههههههههههههه و على فكرة عندك في المنصورة فرع لاوريفليم، ده انا مبسوطة ان بعد الجواز ان شاء الله حالاقي حاجة اوريفليم جنبي، هي في مول تقريبا اسمه صن مول او حاجة كده

دكتورة الجامعة ربنا يعينك و يقويكي و يا ستي السكراب تلاقيه في منتجات فروتيني باكتر من ريحة منها جوز الهند و الحليب والعسل و الكرز و الفانيليا و اليوسفي و عندك كمان سكراب من اوريفليم و حاجة فروتيني تلاقيها في محل في اول شارع طلعت حرب من التحرير و في بنات بيقولوا لقوه في اماكن تانية كمان

اسراء، يا ستي انتي بس انزلي مصر و احنا كلنا نستقبلك، و الموضوع منور بيكي

يمنه ازيك انتي يا قمر معلش بارد باثر رجعي بس اصل ما شاء الله الصفحات زادت و الحول زاد معاها هههههههههههههههه ربنا يكرمك و يخليكي و ميرسي على السؤال بس متغيبيش

شيري اعتقد اسماء المحلات مسموح بيها على العام يا قمر يعني ملوش داعي الخاص و قوليلنا هنا بدل ما تبعتي لكل بنت في الموضوع هههههههههههههه لا بجد اسماء المحلات مفيهاش حاجة اعتقد هي اللينكات و ارقام التليفونات و العناوين التفصيلية هي الممنوعة صح؟؟

كل البنات الباقيين، سامحوني لو نسيت حاجة او نسيت حد بس مش عارفة ارد على كل حاجة

عموما لي عودة تاني ان شاء الله

enna
طلباتك كترت كدا بقي
بس أحنا أصاحبك و في الخدمة وانشاء الله ربنا يوفقه في شغله ويباركلك في أولادك يارب

ازيكم كلكم يا ينات وحشتونى جداااااااااا

rihan اهلا بكى معانا
مش هاطول عليكى فى الرد
لكن عاوزة اقول ليه الفكرة دى من كل بنت غير مصرية
احنا لما بنجاوب بنرد على اخت فى الله مش مصرية او عربية لأ اخت فى الله
ويوم الخميس ماكنش فى ONLINE غيرى انا وtamatiaa
وانا كتبت لك رد وقبل ما ابعته قرات رد حبيبتى tamatiaa فمسحت ردى
لان المهم توصلك اجابة على سوالك مش مهم مين وامتى وكام واحدة ردت وكام واحدة ما ردتش
وانا نفسى مع انى عارفة ان كل البنات هنا بيحبونى لكن فى اسئلة كتير بسالها ومش بلاقى اى رد
عمرى ما زعت باقول ما يعرفوش او ما خدوش بالهم او انشغلوا فى الردود التانية
ياريت يا بنات بلاش الزعل بسرعة وخلى صدرنا اوسع من كدة