يا جماعة عملت الجزء الثالث ياؤيت نشارك فيه و دا اللينك بتاعة
http://forum.hawaaworld.com/showthread.php?p=3471594#post3471594

صباح الخير على احلى بنات مصر :27:
والله مش عارفة اقولكم ايه على الترحيب الفظيع دة ........... بس ربنا يخليكم وميرسى خالص
ونظراً لطلب الجماهير وخاصة كهرمانة وشكر خاص ليها احب اعرفكم على نفسى
انا ياستى زوجة من 7 سنين وعندى ولد وبنت وبموت موت فى جوزى وطبعا هو كمان
وعلى فكرة احنا اصلا اتجوزنا عن قصة حب رهيبة شهدت تفاصيلها اروقة جامعة القاهرة ومش هتصدقونى لو قلتلكم انى كل ما مريت من هناك ببصلها بحنين قد ايه (كانت اجمل ايام حياتنا ) بصراحة كدة زى مابيقولو عندى ربنا فى السما وجوزى فى الأرض وبحب اولادى جداً بس مش قد ابوهم هو الأصل ههههههههه.
وعلى فكرة انا ربة منزل ومابحبش الشغل وبصراحة جوزى كمان بيغير عليا موت ورافض حكاية الشغل دى . لكن بحب جداً القراءة وتصفح النت وقنوات الأفلام ومليش قوى فى الرياضة
والحمد لله انا رشيقة مش محتاجة ليها . اه كمان انا بحب الميكب جداً وبحب اتفنن فى الوانه وطريقة وضعه وبحط لبنات العيلة ولأصحابى فى المناسابات يعنى الى تحب تسأل فى حاجة انا موجودة ورنا يسهل وعنى شوية صور للشادو تجنن اكيد هبقى اوريهلكم.
واشكر مروة وان شاء الله اكلمك على الخاص علشان لفات الطرح
واسفة ان كنت طولت عليكم يلاااااااااااااا بااااااااااااااى

على فكرة بالنسبة لموضوع الكعب
انا سمعت من امينة شلباية ان اهم حاجة لمعالجته هو دهن الزيت او الكرم المغذى باستمرار كذا مرة فى اليوم ومش لازم حكاية الكيس دى قالت ان الشراب النايلون احسن خاصة عند النومة .

تسلمي علي المعلومة وربنا يخليلك زوجك وولادك ويباركلك فيهم

يا محبة زوجها اسفة نسي اضيف اسمك