اهلا يا بنات ، ازيكم عاملين ايه؟؟

معلش انا اليومين اللي فاتوا كان فيه مشكلة في الكمبيوتر و مكنتش عارفة اتواصل معاكم

اهلا يا مصراوية يا وحشة!! فينك يا بنتي؟؟ هو اللي لقي احبابه نسي اصحابه يعني يا ستي؟؟ وحشتينا يا غلباوية هههههههههههههههه

هدهودة، شوفي يا ستي هي شنطة المعالق كانت ب 900 جنيه او 1000 مش فاكرة بالتحديد، بس بقية التفاصيل حتأكد لك منها، خصوصا اني مشترتهاش من محل، دي واحدة قريبتي جابتها لي و انا حاسبتها، يعني مش انا حتى اللي نقيتها، بس هي عارفة ذوقي و عشان كده جابت لي اللي انا عاوزاه. هي المعلقة لونها فضي و الحواف بالذهبي، واخدة بالك من الشكل ده؟؟ انا شفت نفس الرسمة صناعة تركي و الماني بس كانت الاسعار ضاربة من 1400 و انتي طالعة، ده اللي فاكراه دلوقت، و زي ما قلتلك حتأكد من باقي المعلومات و اقولك. بالنسبة للكتشن ماشين، طيب انا عندي بالفعل مفرمة لحمة ناشونال لسه بابا جايبهالي هدية في عيد الام (بصراحة كانت مفاجأة جميلة جدا متوقعتهاش!!) يعني انا مش محتاجة مفرمة تاني، في الحالة دي في كيتشن ماشين حجمه اصغر مثلا مفيش فيه المفرمة او فيه بديل لها؟؟ اصل حرام اجيب مفرمة تاني، انا مش حاعمل ام المفارم! بالنسبة للمعرض يا هدهودة انا اليومين دول استحالة اعرف اروح معارض خالص، لان المشكلة اني باسافر كل يوم من طنطا للقاهرة رايح جاي، و عندي شغل كتير بالاضافة اني باخد كورس كمان، فللأسف مفيش صحة اني اقعد يوم تاني مخصوص بعد الشغل اروح فيه معرض و الف. كمان يوم الجمعة صعب جدا، عشان كده مش عارفة لحد دلوقت حاجيب الكتشن ماشين من طنطا، و الا انزل يوم اجازة مخصوص القاهرة عشان اجيبه. اخويا بيقول لي شارع عبد العزيز الاجهزة فيه اسعارها احسن من المحلات، بس انا مش عاوزة ينضحك عليا و اجيب حاجة صيني و الا ماليزي و الكلام ده، تنصحوني بايه يا بنات؟؟

كهرمانة يا قمر، الحمد لله ان فترة الزعل عدت على خير، و زي ما قلتلك يا قمر مهما حصل خليكي انتي برضه صبورة و متعمليهاش وحدة بوحدة لان العناد بيجيب مشاكل اكتر. و ربنا يوفقك و يسعدك و يهنيكي و نفرح بيكي قريب

بقية البنات كلهم و سكرة هانم و مروة و سماح و نهى و مشمش و برايد و وسام، لكم مني احلى سلام

mishmish و مصرااوية و Blond Dove
ألف شكر على الترحيب والدعوات

حبيبتى Blond Dove انا للأسف ما اعرفش البرا التريومف ده شكله ايه بالضبط بس حاسة كدة من وصفك انه كويس وكمان سعره معقول
ممكن استأذنك تبعتى لى على الخاص وصف دقيق للمكان اللى اشتريتيه منه علشان أجربه؟؟
عندى سؤال مهم يا جماعة ياريت تفيدونى
حد يعرف البرا السوارية؟؟
أنا اشتريت انواع كتييييييير من البرا فى جهازى ومنها الجامد ومنها العادى القطن بس كل ما اقيس فستان سوارية البنات فى المحل يقولوا لى هيضبط مع البرا السوارية مع انى بأكون لابسة واحد جامد
لما سألتهم عليه واحدة قالت لى اشتريه لكى انك وانا بصراحة ما احبش حد يشترى لى حاجة كدة
بس كان نفسى اعرف شكله ومواصفاته علشان نفسى فى حاجة تضبط فستان الزفاف ان شاءءءءءءءءءءءءءءءءء الله وخاصة ان صدرى صغير جدا!!!!
انا شفت واحد جميل قوى أبيض مبطن من تحت وبحملات شفافة عند شهبندر فى العقاد مول ب 17 جنيه عجبنى قوى بس خفت ما يكنش هو ده واشتريه على الفاضى لانى بقة عندى كتيييييييييييييير قوى
لا تنسونى بالرد الله يخليكم وما تنسوش ان انتم اللى فتحتوا الموضوع وانا ما بصدق

Blond Dove منتظرة الرد

حبيبتى كهرمانة وحشانى جداااااااااااااااااااااااااااااااا
خلى بالك من خطيبك الله يخليكى
دول غلابة وربنا معاهم ويصبرهم
والله الرجال دول أطفال صغيرين والمسئولية عليهم كبيرة فربنا معهم

فينك يا أم باسل وحشتنى قوى قوى فين نورك المشرق على الصفحات وهداكى اللى بتنشريه للجميع
حرمتينا منك ليه

مروة طال غيابك يا جميل
عسى ان يكون المانع خيرا

اهلا امولة حبيبتي...ربنا معاكي ويعينك في سفرك كل يوم
blond dove من فضلك ابعتيلي مع هدهدة محل البرا...بقالي يومين بسال علي الموضوع دة ولا حد كان رد علي غير لاروز تقريبا كتر خيرها

بس علي فكرة انا كنت بسال علي اللي بيتلبسوا تحت اللانجيريهات..لو حد يعرف ياريت يجاوبني
ومتشكرة لكم جميعا