ما شاء الله عليكم بنات نشطاء فعلا

مش ملاحقة عليكم

لكن ممكن افيدكم في موضوع البرا

يا جماعة فاتكم ان تريامف بيكون كله مقفول تقريبا يعني بينفع الناس اللي صدرها كبير شوية فهمني

ممكن تلاقوا ترياموف الأصلي في محل في شارع الأهرام قبل الحرية مول لكن مش فاكرة اسمه محل لانجيريهات هو تقريبا في قبل دالي دريس وانت جايين من روكسي

انا بقى الحقيقة باحب الحاجات الصيني والماليزي اللي بتكون صغيرة

البراهات السواريه ممكن تلاقوها في الوكالة وبتكون عبارة عن برا الكب بتاعه ناشف زى الكرتون تقريبا وله حمالات شفافة ممكن تتخلع منه ويتلبس من غير حمالات

اتمنى اكون افدتكم في البراهات

طبعا المعرض بيقفل يوم 25 مارس واللي موجود دلوقت هو معرض البواقي يعني مش هتلاقوا فيه غير حاجات سوري وصيني ومصري وانا رحته السنة اللي فاتت

أهلا بكى يا أم دندونة وان شاء الله موضوعنا يعجبك
المعرض يا ستى فى أرض المعارض بمدينة نصر أمام الاستاد وقاعة المؤتمرات
تقدرى تروحى من أى مكان كل الناس عارفاه

mmm
أنا اللى قلت يا حبيبتى ان المعرض من 15 الى 25 مارس بس هو امتد حتى 7 ابريل بس لسة مش عارفة هل كل المعرض ولا قاعات وقاعات
هاروح قريب ان شاء الله واجيب لكم الخبر اليقين

هدهدة حبيبة قلبي...متشكرة علي كلامك اوي فعلا الرجال اطفال وعقلهم اصغر كمان

انا كنت جايبة حمالات سورية بتكون عريضة اوي وحقيقي كان رائع جدا وكان سعره جنيه50 من محل اسمه كاستيلا هنا في مدينة نصر
واكتر حاجة نفعت معايا وفرق كتيييير في شكل الملابس وبنصح بيه اي واحدة المنطقة دي عندها كبيرة نسبيا لانه بيلم جامد
ونشوف كدة الوكالة يافطومة بيبقي فيها حاجات حلوة برضو

الف شكر يا ام ابيها على الرد
من وصفك كدة اظن التريومف ده مش هينفعنى
بس مافيش مانع اشوفوه برده
انا فعلا بحب الحاجات الصينى والماليزى بالوصف اللى قلتى عليه وعندى منه كتير
بس هو ده فعلا اللى ممكن يضبط فستان الزفاف؟؟
ياريت العروسات الحلويين عطر الشموع ومروة (أنا باعتبرك لسة عروسة) يفيدونا
ومصرااوية هتقوللى حبيبتى فين بيتباع البرا ده اللى تمنه تمن 6 من البرا العادى
ههههههههههههههههه