بنات لو سمحتوا سؤال بسرعة بس عشان عندي صديقة جاية زيارة لمصر وعايزة اعزمها

حد يعرف البواخر اللي عالنيل الكويسة واللي اكلها كويس
وفين بالضبط يعني اروحلها ازاي....

واذا تعرفوا الاسعار يبقى خير

مصراوية انا كمان عايزه اسم المحل اللى بيبيع البرا السواريه وشكله ايه بالزبط؟
والمحل اللى فى ركسى اللى بتقول عليه بنت ابيها اسمه رسمية فى شارع الاهرام وانا كنت قلته لكهرمانه اول ما سالت عن براهات تريامف وفى محلات تانية زى اللى فى اول بطرس غالى مش فاكرة اسمه بس هو اول محل فى الشارع على الشمال بيبيع التقليد بتاعه ب 30 جنيه ةحلو قوى برضه
وبالنسبة للسدر انتى شجعتينى بس اوصفيلى بالزبط استعمله ازاى يعنى احط ميه سخنه قد ايه على كمية قد ايه واسيبها شويه زى الحنه ولا احطها على راسى على طول؟
ولما اغسلة اغسله بميه بس ولا شامبو كمان؟
يعنى اختصار عايزه بالتفصيل الممل
وهل يا ترا بيكثف الشعر بس ولا كمان بيشيل القشر؟

من فضلكم يابنات ويامتزوجات...
حد يقدر يساعدني في موضوع ايجاد شقة تمليك بسعر مناسب وطبعا مش كاااااااااااش
والمساحة تبدا مثلا من 120م
في اي منطقة كويسة حتي لو بعيدة شوية...
الله يخليكم لو حد عنده معلومات او حتي يعرف حد عنده شقة وبيبع يقولي وربنا يكرمكم
انا قلت اسالكم يمكن حد يقدر يفيدني

ازيكم يا جماعة
بالنسبة لموضوع البرا اللى طلبوا منى المكان ..هو شارع احمد عرابى فى عين شمس الشارع ده عامل شوية زى العتبة و زى الموسكى يعنى شوية..هاتلاقوه على العربيات فى الشارع هو تقليد التريومف و مكتووب عليه تريومف برده و يا جماعة انا برده صدرى صغير يعنى نفس المشكلة..بس مقاساته d..وعموما انا برده فى الخدمة لو فى اى اسئلة... و على فكرة انا جبته ب 11 جنيه بعد الفصال...بس هو اشكاله مش وهمية يا جماعة يعنى هو عادى بيظبط الهدوم بس مش شكله يجنن ..طبعا الكلام ده للناس الى ناوية على الجواز ان شاء الله.هههههههههههه

مصراوية
انتى بتحطى السدر مع الميه و بتسيبيهم على شعرك و تنامى ازاى؟؟؟ اشرحى ارجوكى!!!!!

سكره هانم،،
في بواخر كتيييييره أوي دلوقتي،،أنا أعرف نايل سيتي الزمالك،في كذا مطعم،أنصحك بالمأكولات الشرقيه أو الأسماك،،المينمم بيكون غالي و حسب كمان كل مطعم،، في كمان هابي دولفين في المنيل،،ده غالي شويه بس مش عارفه إيه نظامه دلوقتي،،ممكن تكلميهم و تسألي،،في طبعا فرعون النيل و دي بتمشي،،بردو إتصلي و إسألي على الأسعار و الحجز،،يا رب أكون أفتدتك،،