بسم الله الرحمن الرحيم

هدهوده...........بصراحه عاوزه رأيى بلا اختبارات بلا وجع قلب مادام انتى بتحبيه ومقتنعه بيه يبقى توكلى على الله سيبى كل حاجه بطبيعتها خالص عشان ماتعمليش لنفسك قلق لان حاجه زى كده لازم تبقى بينك وبينه وبس من غير ماحد يعرف منعا للمشاكل لكن بتهيألى صعب اوى انكوا تعملوا خطوه زى دى من ورا البيت عندك فلو لا قدر الله طلع فيه حاجه حتى لو محتاجه علاج هايقلقوا فى البيت يا أما يشيلوهاله ومادام فى كلتا الحالتين انتوا لبعض ان شاء الله يبقى خلى كل حاجه تيجى بطبيعتها بعد الجواز حتى لو لا قدر الله محتاجين حاجه هاتبقوا ليكوا مطلق الحريه طبعا فى السريه التامه والمسانده المعنويه لبعض

ممكن الكلام ده لو الاتنين ارتباطهم تقليدى اوى يعنى بدون سابق معرفه خالص بحيث ان اى مشكله طبيه فعلا ممكن تأثر على حياتهم بعد الجواز

أنا كنت مقتنعه بالموضوع ده من زمان وكنت ناويه عليه وبعدين بعد التفكير غيرت رايى ورفضتها تماما يعنى هما اللى ماكانش عندهم زمان كان مالهم يعنى بلا تكنولوجيا بلا وجع قلب هيا فيه حاجه جابتلنا الامراض والقرف غير الست تكنولوجيا هانم دى

ربنا يجمع بينكم على خير ويجعلك خير زوجه ليه ويجعله خير زوج ليكى ويرزقكم بالذريه الصالحه ويهدى سركم يا رب ان شاء الله

سماح

سمسمة...علي فكرة انا اللي كنت بسال علي الفحوصات مش هدهدة
عموما انا وهدهدة واحد

وانا مع سمسمة يا كهرمانه ورأيى من رايها

بسم الله الرحمن الرحيم

كهرمانه........انا اسفه يا قمر انا عارفه والله بس اتلخبطت عشان كنت بارد على هدهده قبلها علطول والعتب على لخبطة دماغى يا جميل اصل بعيد عنك دماغى ده مستحمل حاجات كتير اوى لما بيصعب عليا والله ربنا يستر بقى.........بس برضه انا عند رايى بصراحه ابعدى عن وجع الدماغ ومش ناقصه قلق يا بنتى اشترى دماغك وادعيلى الله يخليكى احسن انا محتاجاه اوى قبل ماعمل فى نفسى حاجه اهىء اهىء اهىء

سماح

la rosa
لا روزا حبيبتي ايوة ..انا عايزة اعرف المطاعم الحلوة ...في مصر
البواخر اللي في النيل بتمشي ..وفيها مطاعم ...
لاني مش عارفة ...
وياريت يبقى بالوصف



tamatiaa

محمد عشوب ماكيير سينمائي ..صح؟؟
ماعرفش نمرته بس لو عرفت الاقيها هاجيبهالك..

هدهودة معلش ولو اني متاخرة بس ..هاقلك رايي ...
اولا استخيري ..وماتستعجليش في قرارك
تاني حاجة...ماشاء الله كل الاخوات كفوا ووفوا بالنصيحة
انا كتبت لك رد طويل عريض بس بما ان الحبيبات قالوا ...اراء جميلة ونصايح
خلاص مافيش داعي نكرر
شيء اخر..بس اعتبيرها نصيحة
ياريت ياريت تتعملي ان لما حاجة نزعلك ماتكتميش في نفسك وتصارحي الطرف التاني
انا كنت زيك ...لكن قررت اني اتغير ...لانها كانت بتيجي عليا ...

ناني...
الف سلامة عليكي انتي والعائلة ...
بس طمنينا ..كان مالكم؟؟؟
وخلكي عللا الرقية الشرعية...
انا شفت ايمي الكاشف مع امينة...ولو قدرتي تفيدني بنمرتها اكون شاكرة لك
جزاكي الله خيرااا....

في يا بنات ماكييرة كانت في برنامج عالفضائية المصرية الاسبوع اللي فات
بصراحة هايلة ومكياجها لطيف جدااا....



عطر الشموع حبيبتي اكيد فاكرينك وانتي ماتتنسيش ابدااا
..وفاكرة انك ساكنة جمب جرين بلازا ..ومقررة ان ان شاء الله اتعرف عليكي
وسعيدة انك في اسكندرية ...
وخليكي معانا ماتمشيش...
قصتك فيها عبرة كتير ومعاني انسانية...
تخيلي بقى لو طلعتلك اخت زوج تعمل نفس اللي عملتيه مع زوجة اخوكي
هايبقى الموقف ازاي...
ولو انك مش شريرة ..
بس خير انكم بقيتوا صديقات شيء جميل....
واتوقع الصداقة والمحبة في الله تكفر عن اي شيء بدر منك...
على فكرة كتير من العلاقات القوية بتبدا كدة ...
انا عندي صديقات عزيزات جدا عليا ...كنا في الاول غير كدة خالص ..


رحومة...
الشركة جنسيتها ايه؟؟؟
واحكيلنا التفاصيل...لو سمحتي

من يومين رحت على الحسين ..
ولقيت محل مش عطار لا هو عنده زيوت عطرية وبخور
خدت من عنده عطر بريحة البنفسج للفواحة بصراحة جميل ..
هو عنده انواع كتيرة بس انا قلت هاجرب..
ولقيت عنده مسك حجر بس مطحون وقالي الجرام بتاعه ب 1 او 1 ونص
حبيت اقلكم ...يمكن يهمكم..سجع..
سؤال بقى اللي بيروح الحسين والازهر بتشتروا ايه من هناك...
انا عجبني النجف اللي هو زي الفسيفساء ..
واكسسوارات للشمع و البيت حلوة..انا مش عارفة اسم المادة بتاعتها
اللي هي شبه المرمر ...دي حلوة
كمان الصدف حلو..بس انا بفضل الصدف القدسي والسوري ...
في محلات بدوية يعني تطريزات تقليد للتطريز الفلسطيني...
و سجاد....ومرايات فضة لطيفة ..
بس عايزالها لفة يعني مش من مرة ...
وبس..
بنات لو سمحتوا ممكن تفيدوني ..باماكن مطاعم عالنيل
سمعت عن مطعم اسمه تي جي فرايديز صح كدة؟؟؟
وبعدين فين المطعم الصيني اللي اتحرق ده..؟؟؟
والفيش ماركت؟؟؟
والسيتي سنتر ده فين؟؟