هدهودا

وحشاني والله
واكيد طبعاانا مع البنات
خدي اخواته علي اد عقلهم هو اهم
وبعد كده انتي لما تقربي منه اكتر هتقدري تفصلي بينهم
وتفهميه ان حياتهم حاجة وحياتكم حاجة تانية وليكم حياتكم الخاصة اللي ما تحبيش حد يدخل فيها


وبالنسبة للبرا هسال لك النهاردة وارد عليكي

وبالنسبة ل خطيب اختك
الله يكون في عونك انا جربت مع خطيب اختي السابق
الله يكون في عونك

دي بتبقا حاجة خنقا

لما تحسيه رخم وغلث وشرير واختك بتحبه اوي هي ومامتك
ولازق عندكم علي طول وانتي مش طيقاه وهو حاسس بيكي وعلي طول يحب يضايقك ويقعد عشان يغيظك

وفي الاخر اكتشفوا ده كله


انا ده اللي حصل لي بس كنت ببقا عايزااولع فيه بس بستحمله طبعا عشانهم



بالنسبة للسدر

عشان اللي سالوا عليه


بجيب 3معالق سدر علي كوب بتاع الشاي ماية ساخنة
واحطهم في فروة راسي وانام فيه واصحا اغسله الصبح

واوقات كتير لما يكون شعري مش مدهنن او مزيت مش بغسله ب شامبو

لان السدر شامبو طبيعي

وبعد كده تغسلي شعرك عادي وبعد ما تخلصي تغسليه بماية ساخنة ثم في الاخر ماية باردة عشان تحرك الدورة الدموية في الشعر

واي سؤال تاني هيوني ليكم



مروة
الباقية في حياتك وربنا يرحمه ويغفر له اللهم امين

Nonoo
كبسولات زيت كبد الحوت دى متوفرة فى مصر فى منها انواع مختلفة
النوع اللى قلتى على اسمه انا ما اعرفوش لكن فى نوع اسمه A viton العلبة فيها حوالى 20 حبة صغيرة من زيت كبد الحوت ورخيصة جدا بحوالى 2 جنيه ونص
الدكتور كان كتب لى عليه وأنا صغيرة عشان العشى الليلى ومن ساعاتها وانا باخذه كل ما احس ان عندى نقص فى فيتامين أ وهو فعلا مفيد وممتاز
والف شكر على المعلومات الاضافية عن الزيت وان شاء الله اسال على النوع اللى قلتى عليه واشوف سعره واقولك

اسفة يا nonoo
هما فعلا غيروا الخاصية بعد تحديث الموقع
ان شاء يرحعوها تانى
على فكرة يا حماعة انا ساعات باكتب كلام كتير وبعدين الصفحة يحصل لها اى حاجة والكلام يطير كله
عشان كدة باكتب على word file الاول وبعدين اخدته copy paste على الصفحة
انا قلت اقول لكم عشان لو واحدة النت بيعمل معاها حركات نص كم تعمل كدة عشان وقتها ما يضيعش على الفاضى لان الword بيعمل recovery حتى لو الكمبيوتر كله فصل خالص

نورا عامر انت فييييييييييييييييييييييييييين
ربنا يعينك لو عندك شغل كتير شكلك كدة مشغولة

مروة
انا رديت على رسالتك ولسانى عاجز عن الشكر
وانتظرى النتيجة قريبا

ام احمد حبيبتى
جزاكى الله خير على سؤالك عليه احنا كويسين والحمد لله
بس خطيبى مش راضى يكلم اخته وبيقوللى انه عامل "مقاطعة" مع كل الاطراف ومش عاوز يكلم احد!!
انا زعلانة قوى وحسة ان الموضوع كبر واخته عمالة تكلمه فى التليفون وهو مش بيرد عليها (هى على فكرة اكبر منه ومتزوجة وساكنة بعيد عنه) هما كدة هيزعلوا منى ويقولى انى خليت اخوهم يخاصمهم
انا عارفة انه بيعمل كدة عشان يرضينى بس انا والله مش عاوزة الموضوع يبقى عداوة وخصام دول اصلا اهلى وكمان هيبقوا اهل زوجى باذن الله اعمل ايه؟؟