اسمحولى أنا رأيى من رأى أختى أم أبيها 74 وكمان فى دلوقتى فرق اسلامية وبتنشد أناشيد اسلامية جميلة جدا وفى نفس الوقت للأفراح ممكن تجيبى فرقة من دى ويبقى فرح اسلامى زى ما بيسموه وربنا يتمم لكى بخير

والله وحتى من غير الفرق انت ممكن تختاري الأغاني اللي تعجبك على الدي جي ونقي بقى براحتك

الف شكر لك يافطومة وحمدالله علي سلامتك ياحبيبتي....ورحومة...وامولة وسمسمة وهدهدة طبعا
انا مش قصدي معملش فرح....لا اعمل زفة وفرح وكل حاجة ان شاءالله لكن في مكان هادي من غير رقص وكلام من دة ومتكلفش كتير لاني انا كمان نفسي افرح بجد
وربنا يسهلنا ويهدينا للي فيه خير لنا جميعا يارب

سمسمة...يابنتي انت اتحسدتي ولا ايه..انت ماشاءالله عليكي عاقلة وتوزني الامور بعقلك بلاش الياس دة مش عاوزة قولك احكيلنا مالك يمكن شئ شخصي...بس اللي هقولهلك انك تدعييييييييييييييييييي كتير ولا تملي من الدعاء لان اللي ربنا بيحبهم بيحب يسمع اصوات دعائهم
والله العظيم مافي اجمل من الدعاء صدقيني "لا يرد القضاء غير الدعاء"
فهمتي ياسمسمة

ربنا يرزقك فرجا ومخرجا عاجلا غير اجلا يارب

السلام عليكم جميعا

ازيكو كلكوة ما شاء اللعليكو حاسة بقتوة قريببن من بعض ربنا يبارك ليكو جميعا يارب

semsema:

مالك يا حبيتى مضايقة اوى لية كدة؟اتكلمى معانا زى ما قالت هدى واعرضى مشكلتك

احسن حاجة اننا منعرفش بعض هنا يعنى تقدرى تتكلمى بدون قلق او خوف لانك حتسمعى نصيحة خالصة لوجة اللة بدون تحيز

فضفضى

hahoda

مادام انتى مصرة على رايك فى موضوع الفرح دة خلاص اثبتى على رايك مامتك بس نفسها تفرح بيكى زى اى ليلة عمر دى الليلة ال بتتمناها كل ام طبعا حاولى متحرمهاش منها واشوفى حل وسط يؤضى الطرفين

وعملتى اية فى موضوع المحل رحتى ولالا؟؟

هى وسام فين يا جماعة؟

رحومة
جزاكي الله خيراا

نانو...
طب بما انك عايشة في اليابان ايه رايك بالتعامل معاهم؟؟
يعني ودودين ولا ايه؟؟
في مسلمين منهم؟؟
يعني احكيلنا شوي عن غربتك في اليابان والبلد حلوة ولا ايه ..
انا اسمع انها جميلة ونفسي ازورها..
كمان غالية وى اسعارهم....اي المميز عندهم في العادات والتقاليد
وفي التجارة ..تكنولوجيا..ملابس...
يعني احب اخد فكرة عنهم لو سمحيتي

سندريلا
اولا حبيبتي بشكرك جدا انك سالتي عني ربنا يكرمك...
ثانيا
ردي على حاجتين زيت كبد الحوت و جي ان سي...
كبسولات زيت كبد الحوت...هي كويسة بس مابتعملش كل الحاجات اللي قالتلك
عليها صديقتك يا نانو...
بخصوص جي ان سي..
سندريلا هو انتي عايشة في مصر ولا فين؟؟؟ولا في جولة خليجية
عموما منتجات الشركة دي انا مانصحش اي حد فيها..
بصراحة عندي بنت خالي كانت بتاخد منهم دايما كبسولات للرجيم و
فيتامينات ومش عارفة ايه كمان حاجات كتيرة..
عندها دلوقتي عدم انتظام في الهرمونات والدورة...
ولي صديقة كمان كانت بتاخد من عندهم كمان ..عملها مشاكل كتيرة
الله يكرمكم بلاش الحاجات دي ....وخليكوا عالطبيعي

هدهودة مش عارفة اقولك ايه
بس برضه لازمي بقى في حل لاختك حرام ..ممكن كيون كويس اولا ...
والظاهر ان من اجماع الكل عليه انه مش كويس..
يعني البنت لازم حد ينبهها....
بصي دايما اي نصيحة ماتكونش مباشرة
انتي حاولي الفتي نظرها ل مثلا عيب من عيوبه بس ..بطريقة انك
ترمي كلمة وتخليها تتنبه ليها وتفكر فيها...
ومايكونش باين عليكي ...ولو هي احتاجات رايك قوليلها ...
شيء اخر خليها تداوم على الاستخارة بشكل مستمر
يعني مثلا قوليلها انك هاتستمري في عمل استخارة بخصوص خطبتك وهي كمان
يعني اللي اقصده ان الاستخارة ماهياش مرتبطة بس بعقد الخطبة وخلاص
لا يعني ممكن نعمل استخارة حتى ليوم الفرح...
والله حبيبتي انا في مواقف كتيرة بعمل فيها استخارة وحتى لو كنت واخدة قراري...
بس كدة احسن
ولجوئها لربنا اكيد اكيد هايظهر لها الخير
انا بصراحة بتعصب عليا البنات لان البنت هي اللي بتخسر...
ليه ..لو حدث طلاق هاتتلام من المجتمع اللي بيسوده تخلف ظاهر ونفاق شديد
وماحدش هايقول انه هو اللي وحش ..لان المجتمع زي ماقلت متخلف
لكن لو الناس بتفكر بطريقة الاسلامية الصحيحة توقعي رقي وحضارة ...
لكن المجتمع هو عادات وتقاليد بالية غبية...وانا هافضل ضدها دائما وابدااا وعلانية...
يعني بصراحة انا شايلة هم اختك بجد والله ...
تصدقوا يا بنات انا من كتر مابضايق على البنات والمدامات بفكر اني ادرس حقوق..
بس هيهات ينفع ده في مجتمع متخلف ...

خليها تستخير كتير وربنا ييسر لها...


نووودي
ازيك يا بطوطة ..انتي فين يا ستي..سلامات طيبون
اشربي سخن..ونسكافيه ...و شاي بالليمون...
وكتير من الليمون...بصي في طريقة وهي التالي
اعصري الليمون عادي في كوباية وبعدين خدي الشقر وغليه اغليه
كتير هايطلع السبيرتو اللي فيه ..هاتاخدي مغلي ده وتضيفيه لعصير الليمون
اللي عصرتيه...
وبلاش الغيبة دي ربنا يكرمك..

كنتوا بتتكلموا عن الاجهزة الكهربائية
عارفين انا ناقصني حاجات كتيرة ...بس انا قررت اني مش لازم كل حاجة اجيبها دلوقتي
يعني حتى لو بعد الزواج ماعنديش مشكلة...
حتى في ااثاث البيت...وانا مش بيهمني المظاهر ...يعني لو حد جه عندي البيت مثلا
وفي حاجة ناقصة سجادة تربيزة ستارة ...اي حاجة
ماعنديش مشكلة ...اكملها بعدين في وقتها...ومن غير ماستعجل واجيب
اي حاجة عشان تقضي الغرض...
كمان مابحبش اجيب حاجة ما استفديش منها..
كنت في الحسين زي ماقلتلكم الاسبوع اللي فات وعجبتني حاجات للبيت..
اكسسوار ..مزهريات..حوامل للشمع...
ورحت مول الهيلتون كمان في حاجت حلوة...بس ..هاتاني كتير في اختياري
وعلى مهلي ...
والمهم يكون البيت متناسق ومرتب ونظيف ...
وده بيحتاج تاني كتير

نوودي حبيبتي
طحينة وعسل عالصبح جميل جدااا للكحة...
اخلطيهم وخدي معلقة...
هايل


عطر الشموع
معلش حبيتي سامحيني اني اتاخرت بس عندي صديقتي من حلب
ومش بلحق ارد ..معلش سامحيني وهابعتهولك دلقوتي عالخاص ...
معلش اصل اختك بتنسى اليومين دول كتير سامحيني...