كهرمانة
انا مش ناسية الاتفاق يا حبيبتى بس عندى ظروف صعبة اليومين دول
اعذرينى واعذورونى كلكم لو غبت عنكم شوية
اصل بنت عمى مريضة جدا كانت حامل والجنين توفى فى بطنها
لا اراكم الله مكروه ابدا وحفظكم من كل سوء
هى دلوقتى هلكانة جدا وياريت يا جماعة تدعوا لها تقوم بالسلامة علشان حالتها سيئة جدا
كمان اخوية الله يسامحة غرق الشقة اللى فيها عفشى الجديد وانا محتاسة على الاخر
ربنا يستر على الاجهزة والسجاجيد وغيره
يعنى مش ملاحقة بجد غير ظروف الشغل
معلهش الواحد برده يحمد ربنا بس انا باعتذر لكهرمانة

عطر الشموع
الف الف سلامة عليكى ربنا يكتب لك السلامة يارب وبرزقك بالذرية الصالحة
بس نصيحة ليكى ما تهمليش فى نفسك ابدا وتابعى مع اكتر من دكتور وربنا معاكى
ارائك جميلة وعلى فكرة يا جماعة انا ما حدش بيدخل فى حياتى فعلا طول عمرى
للاسف الا فى الموضوع ده لان مامتى فرضة سيطرتها علينا جدا لان توقيت خطوبتى كان نفس توقيت وفاة والدى الله يرحمه فماما اول ما بدأت بفرض السيطرة ما لقيتش غيرنا امامها.!!!!!
بس والحمد لله احنا بنقدر نتغلب على كل ده وفعلا ما حدش بيعرف اى حاجة خالص عنا
لكن مثلا انا ان شاء الله هاسكن فى شقة فى بيت عمى والد خطيبى فللاسف كل اللى رايح واللى جاى عاوز يدخل يشوف ويتفرج وطبعا خطيبى مش هيقدر يكسف اخواته واقاربه
بس هما ما لهموش رأى فى حاجة هو بيمشى كلامى انا وبس وبيقولى دى شقتك انت وبس وانت الوحيدة اللى من حقك تعملى كل حاجة فيها حتى السباكة وغيره بيأخد راى فيها وبيقول ان حتى رايه هو مش مهم
بس انا طبعا باعرف ذوقه فى كل حاجة واحنا الحمد لله اذواقنا متغقة
حتى ان خطيبى حبيبى انتهز فرصة زيارتى لاخته المريضة شفلها الله وعفاها وقال لى ننزل نشترى العفش علشان انت لوحدك دلوقتى (لانى دايما بروح له مع ماما وماما عمرها ما تسيبنا نخرج مع بعض لوحدنا ابدااااااااااااا) وصممت ان الوقت غير مناسب قال لى احنا هنتفرج وندفع الفلوس وهانقل الحاجات فى البيت بعدين لان دى الفرصة الوحيدة اللى ممكن الاقى لوحدك
وفعلا نزلنا واشترينا ودفع الفلوس كلها وانا كنت فى منتهى السعادة وحسة ان ده اسعد يوم فى حياتى
المهم عاوزة اقول لكم ان مش كل الناس ظروفها ذى بعضها بس اهم حاجة الواحد يتقبل ظروفه ويحاول يتعامل معها بمهارة وحكمة واهم حاجة الاتفاق بين الطرفين

معلهش طول عمرى رغاية معكم!!!!!

اهلا بكى معانا يا فرط الرمان
ومرحبا بكى فى كل وقت

ازيكوة يا جماعة

وحشتونى واللة

shayma elsayed
وانا مسلمة

شكرال لتعازيكم لا اراكم اللة مكروها

وانا مسلمة اهلا بيكى معانا ومبسوطة انك شرفتينا

فرط الرومان_

اهلا بيكى تانى انا فاكراكى طبعا كنتى معانا فى الاول خالص نورتى

وياريت كربوجة وزهرة الحنان وكل الحلويين بتوع زمان يرجعوة تانى

عطر الشموع:_

الف سلامة عليكى وخلى بالك من نفسك ومتتعبيش نفسك نفسى اعملها انا كمان بس خايفة اعيد الكرة تانى

hadhoha:_

سلامة بنت عمك ويارب تقوم بالسلامة والحمد للة على كل شى وتعوضة ان شاء اللة
وخلى بالك من حاجتك كويس

blond dove:_

انتى ال وحشتينى ازيك عاملة اية

اهلا بكى معانا تانى يا مروة
نورتى موضوعك وربنا يستر انا رايحة اشوف ايه الحكاية النهاردة!!