HGAL,O :

مســـــــــــــاء | صبـــــــــــاح الخير لاحلى بنات في احلى تجمع جيتكم وجبت معي قصة ولادتي في مستشفى الحياة عند الدكتورة فرحات عشان افيدكم لاني استفدت منكم كثير واعذروني ع التأخير بس مافضيت ماشاء الله كل يوم ضيوف بسم الله نبدء بالقصة كان الموعد المتوقع للولادة يوم الأثنين بتاريخ 19/12/2011 المهم اني ماتوقعت اصلا اكمل التاسع قلت اذا مره باخذ اسبوعين بس من التاسع لاني بحملي الاول ماكملت التاسع ولدت بنصه وكمان بطني كل من شافه قالي نازل وكمان يقولون مارح تطولين لين اقنعوني وصرت واثقه اني رح اولد بدري وياشين الإنتضار نصيحة لاتصدقون احد ماعليكم من الناس سببوا لي حالة نفسيه عاد حامل وفي الشهر التاسع وكل شوي وحده تدق تقول ماقد ولدتي آآآآه اكره ذيك الأيام توبه ماعاد اعلم احد بموعد ولادتي من يوم دخلت التاسع وهم يسألون المهم ياطويلات العمررحت للدكتوره يوم الأربعاء اللي قبل موعد الولادة وقالت لو جاء يوم الأثنين وماقد ولدتي لازم تجين عاد انا خفت قلت ان شاء الله مايجي يوم الاثنين الا انا والده وجاء يوم الأثنين ولافيه أي بوادر ولاده عاد بديت افكر في الأعشاب لاني اخاف منها بس يوم طفشت قلت خلاص وسويت العصر ترمس لخلطه اليانسون اللي حاطينه بالمنتدى والله اني اشربها وانا خايفه المهم جاء الليل وقال زوجي ياله ع المستشفى عاد انا خفت لاتعطيني طلق صناعي قلت بستخير اول واستخرت وحسيت ما ابي اروح المستشفى قلت له لا ما ابي المستشفى بس ودني الممشى ومشيت خطوات متباعده وبسرعه لمدة ساعه ورجعت البيت ولافيه امل بالولاده جاء الثلاثاء قلت خلاص انا من يوم دخلت التاسع ذبحت عمري بالمشي اليوم مارح امشي ولاعاد بأفكر بالولاده ,رحت لهوم سنتر وجلست اقضي تحف وقرابيع للبيت ابي انسى من الولاده المهم واحس بألم في السوق مثل ألم الدوره في اسفل ظهري وبطني وطنشت ورجعت البيت ونمت لانها كانت خفيفه جاء الصبح قومني الألم برضوه ماكان مره قوي قلت اكيد اني باقي مطوله المهم رحت لدورة المياة الله يكرمكم ابي اتسبح الا وينزل مني دم عاد شوفوا الابتسامه ع فكره انا كنت ناويه اروح للدكتوره الاربعاء لو ماجاء طلق بس الحمدلله اللي جابه . يوم شفت الدم قلت اكيد ولاده ا وجلست للظهر ثم دقيت ع زوجي قلت تعال ولاده المهم جاء مبسوط حتى هو طفش من الإنتضار يوم جاء اختفى الألم يمكن نص ساعة قلت نام شكلي مطوله وجلست امشي بالبيت من الظهر الى المغرب حسيت الطلق بدء يقرب صار كل ثلاث دقايق , سويت ترمس حليب محلى بعسل وشربت نص كوب ثم رحت المستشفى طبعا انا صبرت لأن المستشفى قريب من البيت وما ابي اروح الا وانا واصله فرحت للطوارئ ثم ع طول دخلوني ع الدكتوره وكشفت قالت خلاص البيبي قريب مفتوح 4 ونص تنويم طلعت لغرفة الولادة ولبست لبس الولاده وركبوا الاجهزه والمغذيه وانا ماني مصدقه اني بولد ثم جت وحده مصريه كشفت قالت خمسه الله يسامحها كشفها مره يوجع مو مثل فرحات ماشاء الله اصابعا طويله ماتوجع في الكشف ثم رجعت بعد عشر دقايق وجت تكشف مره ثانيه قلت وش تبين توك كاشفه قلت لا الدكتوره تقول لازم افتح موية الجنين عشان ماتطولين قلت خلوها تنفك من نفسها قالت كيفك ترا بتطولين بالولاده قلت خلاص افتحيها فقالت اذا جاك الألم قولي عشان افتحها وفتحتها وفعلا اشتد الطلق مره فجلست اطلق والممرضه والقابله يدخلون مره ويطلعون قلت للمرضه حطي الزر عند ايدي لاني مارح اقدر اوصل له من الالم وفعلا اشتد علي وحسيت بالدفع ومافيه احد عندي فضغطت الزر ع طول جو قلت خلاص نادوا الدكتوره انا بولد جت المصريه كشفت قالت خلاص ولاده ودقت ع الدكتوره ع طول جت وكشفت مره ثانيه وقالت اذا حسيتي بالم ادفعي وكل ماجاء الم ادفع وهي تقول شاطر ياله قوه والحمد لله طلع ولدي بالسلامه تخيلوا كان الحبل السري ملفوف ع رقبته مرتين بس الحمد لله اللي خرجه بالسلامه قبل ما يخرج الرا س قالت لي تبين خياطه قلت ايه فوسعت ثم عطوني أبره اتوقع عشان الخياطه بس ماكأني مبنجه والله اني احس فيها وهي تخيط واقولها توجعيني تقول انتي مبنجه بس انا حتى في ولادتي الاولى ماتبنجت ما ادري ليش واللي والدين معي يقولون ناموا بعد الولاده ولا حسوا بالخياطه انا مانمت ولاتبنجت اصلا بعد الولاده عطوني تحميله عشان تطلع كل شي وماخلوني اقوم من السرير الابعد ساعتين وخلوني اكل قبل لا اقوم عشان الدوخه نصيحه ياحلوات اذا اشتد الطلق خذي نفس سريع انا اكتم وكان يضعف نبض الجنين بعدين قالتلي الفلبينيه خذي نفس لا تكتمين وفعلا لما اخذ نفس حتى الالم يخف انا قريت هالمعلومه قبل الولاده بس من التعب نسيت كل شي وكمان قالتلي نامي ع جنبك ونمت ع جنبي اليمين وزاد الطلق وحسيت بالدفع وهذي قصة ولادتي كانت يوم الأربعاء 21/12/2011 باحلى ولد بالدنيا الله يخليه لي وأي سؤال انا حاضره بس ياريت يكون بالخاص لاني ما ادري متى ادخل

مســـــــــــــاء | صبـــــــــــاح الخير لاحلى بنات في احلى تجمع جيتكم وجبت معي قصة ولادتي في...

ام طرووطلو02 :

ام الحلا كله لولي مشكورة انا عارفة ان غسان خايس التنويم فيه بس فيه دكتور ممتاز استشاري اسمه يوسف رتجعت عنده كذا مره

ام الحلا كله لولي مشكورة انا عارفة ان غسان خايس التنويم فيه بس فيه دكتور ممتاز استشاري اسمه يوسف...