شخباااركم بنات ......انا الحمد الله بخير بس لابتوبي مادري وش في الشاحن حقه يطلع صوت زي الساعه ولا يشتغل فقلت خليني اطل عليكم من لابتوب زوجي ...............متعوده على جهازي المهم .
فضوليه .......شعلومك ؟؟
والله احسك حايسه مع ولدك الله يعينك ,,
الفجر البعيد .........
سلامتك من وجع الاسنان .
غلاوي ...........
شخبارك مع الوحام ان شالله ارتفع عنك
بنات سعد عندي سوال بالنسبه للاشعه الي تعملها الدكتوره وفاء تعطي سيدي ولا صور واذا ماتعطي سيدي انا اودي لها سيدي تحط لي الصور فيه ؟؟؟؟؟
شخباااركم بنات ......انا الحمد الله بخير بس لابتوبي مادري وش في الشاحن حقه يطلع صوت زي الساعه ولا...
بصراحه انا ماجربت غير الدكتوره رنا وهي انسانه بالها طويييييييل وحنونه مره وطيبه وكلامها مريح ونفسها اطيب
ماضايقتني ابد ولا صارخت ولا هزأت ولا شي وكل الطاقم اللي معها كمان كانوا حبوبين مره سواء الممرضات او القابلات
او المساعدات ماشالله تبارك الله الله يسخر لك مثلهم وماقد سمعت احد ولد في بروكير واشتكى من خشونة تعامل
اي احد من الدكتورات او العاملين فيها بس في دكتوره موفاكره اسمها اتوقع انها مساعده للدكتوره المناوبه اللي تولد هي مو
تعصب وتصارخ لا بس طريقة كشفها تعور شوي لمنها طيبه وحبوبه وان شالله تتسهل امورك وتقابلين مثل اللي قابلتهم
وتتيسر ولادتك وامورك كلها ...اما اسطون ماعندي فكره عنهم وبالنهايه كلها تساهيل من الله
LANA 826
بالنسبه لشركات التأمين اتوقع اغلب الشركات تغطي بروكير حسب فئة التأمين
مونوع الشركه وكل فئه لها سعر يعني الفئه(a)الذهبيه والفضيه والبرونزيه لو ماخاب ظني تغطي بروكير والفئه(b) كمان
تغطي بروكير ...انا تأميني بحملي السابق كان تبع شركة(ميدغلف) وكانت فئة (b+) يغطي بروكير وكل
مستشفيات الخبر والدمام ماعدا مستشفى سعد وقال الموظف لزوجي لوحاب نضيف السعد زود المبلغ تبع
التأمين ...بس انا ماحبيت السعد وارتحت في بروكير فما زودنا وحملي هذا تغييرت شركة التأمين وصارت
شركة (بوبا) كمان الفئه(b) وتغطي بروكير ...يعني على مااتوقع يكون التأمين حسب المبلغ المدفوع
ان شالله اكون افدتك باللي تحتاجينه
LULU CATY23
بالنسبه للدكتوره ناديه ماجربتها شخصيا بس لاحظت كل من تعامل معها مدحها واولهم اختنا (ديالى الفهد)
ولدت على يدها وارتاحت معها وان شالله انتي كمان ترتاحين الله يتمم لك على خير
مجستي
انا بخير حبيبتي والوحام الله لايبلى مسلمه بوحام زي وحامي لانه لسه بدري على مايخلص
يستمر للتـــــــــــــاسع:o
سلامة لاب توبك انعدتي من فاتن وحشتنا الدبه قلنا بسوي قطيه ونشتري لها جديد عشان نشوفها
الملف كله اشتاق لها شكلنا بنحطك مع القطيه ونشتريلك انتي كمان
انا عكسك زوجي لاب توب تبعه خرب واحتل حقي وخايفه عليه منه تعرفين استخدام الرجال الله المستعان
عمت حبايبي
شوفي حبيبتي انا جربت بروكير وماجربت المانع يعني ممكن افيدك عن بروكير خياطتهم ممتازه والحمدلله
والمانع سمعت بنات يمدحونه لكن انا ماعندي تجربه شخصيه عندهم فأنتي استخيري وشوفي وين ترتاحين
ولو مرتاحه بالمانع كملي معهم
الفجرالبعيد@
يحق لك الغياب لو باقي شوي وترجعين لبيتك استغلي الوقت اللي باقي مع اهلك
والله اسنانك حاله كله من الحلا اللي كل يوم مع الجيران والجمعه
ModaWay.com
هلا وغلا ومرحبا نور الملف برجعتك ...الله يبارك فيك حبيبتي ويتمم عليك وعلي وعلى كل حامل يارب
وان شالله السكر يروح بعد الولاده وقدامك العافيه
فضوليه
كيف علاوي الحين ان شالله صار احسن ...حاولي تحطينه على بطنه فوق رجولك يمكن يرتاح
شوي من المغص ...وليه ربنا رفع اجر الام ومكانتها الا من هالتعب والسهر اللي تشوفه
الله يكتب لنا الاجر ان شالله
ام كوني
اي والله المنتدى زي الزفت يعلق كثير والله خايفه ردي هذا ينمسح واموت قهر
احاسيس فياضه
معليه حبيبتي الرجال مايفهمون ان الوحم والهرمونات تأثر على نفسياتنا وتتعبنا زود على اللي فينا
فيهم انانيه يبغون كل شي كامل والتعب كله على روسنا احنا مافي حل غير اللجوء لرب العالمين
والله يعدي هالفتره على خير ان شالله وتقومي بالسلامه
*شهد العسل*
هلا حبيبتي انا بخير دامك بخير شكلها فنانة حب وام مأمون سبقوكي وولدوا الله يسمعنا
الاخبار الطيبه عنهم ان شالله والفال لك يارب لما تقومي بالسلامه
الا صدق ذكريني انتي بكريه والا عندك بيبي ؟؟؟
<<<ترى حامل والزهايمر ماكل مو نص الا كل عقلي فلا تشرهين علي وجاوبيني :p
نداء الى غلاها وفاتن99 وام حسون وام الكمال
طمنونا عنكم يالغايبات