مشكوره حبوبه يعطيج العافيه
والله يخلف على ولادتي الاولى .. لعبوا فيني لعب حسبي الله عليهم







ماتشوفين شر حبوبه .. والرمد منتشر لأنها بالربيع تنتشر حبيبات التلقيح بالجو
حطي عليها كمادات شاي ليبتون او اي شاي .. خليها شوي دافيه وحطيها على عيونج
مااااآآآآآآره مفيده وتريّح وزينه .. وقدامج العافيه

وبالنسبه للمكياج الناعم عندج دنيا المرأه حلو مكياجهم ورايق
وشارمن فتوح الفهد لو قلتي لها ابي ناعم تحط حلووو
وازهار شيك .. هذي رووووووعه بالمكياج بس مو ناعم مرره







انا نفس حالتج جتني سدة نفس عقب العمليه اسبوعين
بس كنت آكل لحوم عشان يساعد على التئام الجرح بسرعه
ربي يهونها علي ان شالله وعالجميع
مشكوره خيتو

ام كوني
الله يعينك
يالله سوي لنا مسج تبشير مرة وحده معك ينفع لولد وينفع للبنت

ام الفراشتين
اقسم بالله اني كنت مانام من ازعجها ويسبب صدااااااااع لي الله يهديها هي وعيالها
حتى زوجي جاني الفجر قال شفيك قلت الاخت ازعجتني ماخلتني انااام بتلفزيونها وانا ياقلبي علي كاتمه الصوت بس صورة

نسيم
ربي يهونها عليك يارب

اذكر كانو كل شوي يدخلون علي يسالون في غازات خرجتي غازات الله يعزكم عشان يسمحون لي بالاكل
والله يهون علينا يارب ويقومنا بالسلامه

فجوره عندي مسج بنتي رسيل
الكل انهبل عليه
بس مايصلح الا اذا بتجبين بنت وتسمينها رسيل لان المسج فيه معنى الاسم

هلا ام كوني ربي يخليها لك
ابي مسج ينفع للإثنين عشان مااتوهق لان احتمال كبير مااشوف جنس البيبي

ذكرتيني بولادتي بولدي كنت حاطه مسج بتليفوني ولما ولدت كان عندي جهازين رجلي خذالجهاز الي فيه التبشير وخلا عندي الثاني وتوهقت ههههه هالمرة بحط عند اختي نسخه وبجوالي نسخه احتياط

نسيم
طمنينا عليك عسى ربي يفتحها عليك يارب

نسيم000
يا عمري اتخلصين من شئ وتدخلين في شئ ثاني
الله يهداكي توكلي على الله وربنا ييسرها ليكي
وان شاء الله تجيكي ولادة سهلة وماتحتاجين لا ابرة ولا غيرها
وان شاء الله البنات الي جربوها يعطونك تجربتهم
انا بصراحة فكرت اخذها خلاص بس على اخر شئ
قريت موضوع هنية عن وحدة اخذت ابرة الظهر وصابها شلل يا ساتر يا رب
وخفت حيل وتراجعت عنها حتى اذكر بالولادة كلما شفت ابرة تبي تعطيني اياها اقول لها شنو هذي تقول
تخفيف الالم اقولها لا مابي ابرة الظهر تقول لا هذي بس تخفف الالم مش ابرة ظهر
مع ان سالتني قبل تبين ابرة ظهر قلت لها لااااااااااا
بس كنت وايد خايفة
وانتي خليها على التساهيل وربك كريم
وانا بصراحة قرأت تجارب كثيرة نجحت معاهم ابرة الظهر ويمدحونها وكمان قرأت لناس يذمونها
وان شاء الله الي جربتها تفيدك

الفجر00
ياعمري الله يعطيكي العافية
مادري اشلون جاء السؤال على بالي
الله يهنيك يا قلبي وماتحسين بطعم الغربة
بس اتعرفين ليش سألتك!!!
انا اتغربت >>>>اعتبرها غربة خخخخ
4 سنوات يوم كنت بالجامعة في جامعة الملك سعود
وبغيت انجن كل يوم اقول مرة خلاص بطلع ومرة بسجل انتساب
مو قادرة اعيش بعيد عن اهلي ولو دقيقة وحدة
وعيوني تورمت منة كثر البكى بالليل على مخدتي
احس نفسي مثل السمكة اذا طلعت برا البحر تموت
مع اني ساكنة مع مرت اخوي و2 من بنات خالي و2 من اصدقاء الدراسة
وكنا فالينها فل بس ما على الاهل شئ الله يخليهم لنا
يالله الحمدلله الكويت مو بعيدة عشان الواحد يفكر كلها مسافة 4 ساعات يعني كانك رايحة الرياض
والله لا يحسسك بالغربة يارب

انا اتصدقين ماحب اخيط ابدا
عندي الف السوق لف ولا اخيط واتورط اذا اخترب
بعد الخراب شسوي وماعندي وقت
عشان شدية مالي الا الجاهز

بعدين حبيبتي لا تفكرين ولا تحاتين من الحين لين الولادة يحلها ربك
لا تفكرين في القيصري وتحطينها ببالك من الحين ان شاء الله ما تحتاجينة
بنت خالي الولادة الاولى كانت قيصري بس الولادة الثانية طبيعي الحمدللم
يعني لا تحاتين وربك يسهله

ام كوني000
اذا تولدين بشعبان بصراحة يحق لك بس انا اقول انتظري الى رجب عشان التخفيضات
بتكون او خذي بدلة وحدة والباقي برجب ان شاء الله اذا امداكي عشان على الاقل تضمنين حقة العيد
قبل التعب
والله يكون بعونك
والله يسلمك ياعمري اليوم اشوف تحسن في عينة الحمدلله
بس مسكين من تجي الليل يبكي بقوة حتى بكاة غريب يكسر الخاطر واضح ان شئ يألمة ياعمري يكسر خاطري


القلب الحنون0000
الله يعين على الملابس وغثاها
انا من لفتي الى السوق من تقريبا قبل شهر لاقيت في الجمعة بلازا في المصمم اللبناني فساتين سهرة رايقة
تبدي تقريبا من الف وشوي وطالع
وبصراحة لاقيت في الحياة بلازا كمان فساتين سهرة حلوة اسعارها من 600 وطالع طبعا الي عجبوني والا هو فية حتة على 300
وفية ناعـــــــــــمة حيييل يعني تصلح الى حفلة خطوبة والا زواج اقارب يعني شدية شفت في الحياة بلازا محل اسمة ليال
لة فرع في المارينا هذا المحل اتعنى لية لانة تعجبني اغراضة يجيب اشياء نعومة وحلوة
فية فستان ناعم حيل لونة بيبي بنك فية منة قصير وطويل وايد عجبني نعووم بس ماخدتة لانة مايناسب زواج احسة يناسب حفلة او مثل ما قلت لك زواج لاقارب مثلا يعني زواج اخوكي او اختك مايناسب
مع اني ماحب الملابس الخربطة والغريبة والعفسة بصراحة احب الناعم بفخامة
وانتي لفي وشوفي
ويمكن الحين جابوا فساتين جديدة
لانهم على طول يجددون