سوانح
ان شاء الله زوجك يوافق على سفرك ان كان لك خير فيه..

دلوعة بريدة
ما شاء الله سنعة الله يرزقك بالرجل الصالح ونحضر عرسك بهالاجازة بس علمينا هاه نفصل فساتين ..

عبائر
مشكورة على السؤال..وجايتكم باخباري هاليومين..

سميحة
ياحليلك اجل السمك عطاك مفعوله واشتغلتي رقص طول الليل خخخخخخ
بنجيب سوق السمك كله اجل ونشوف..

دلوعة عبودي هالضيفة الي دقت عليك ذكرتني بضيفتي الي جتني الاسبوع الي فات خخخخ بس انا عندي اكشن وحركات ..

قبل امتحان ولدي بكم يوم دقت علي زميلتي وقالت بجيك الخميس او الجمعة وبسهر عندك قلت حياك الله لكن خليها الثلاثاء او الاربعاء عشان ولدي عنده امتحان
نهائي
مادتين يوم السبت (مجاملتها والا المفروض اعتذر)
قالت خلاص الثلاثاء بجيك..عادي هي اعتبرها زي اختي وما تكلفت لها نويت اسوي قهوة وحلى وبعدها عشاء وخلاص..
دقت علي من بكرة تقول تراي عزمت فلانة ووافقت تقول خلاص بجي!!

تذكرون قلت لكم ان المجلس مفضيته لعيالي وما عندي مكان للضيوف وما استعديت بشي لان هذي الضيفةالثانية رسمية مرة ..واستحي ما اتكلف لها ..
والصالة ما تكفينا فيها صوفا وكرسي جلستنا الخاصة..
بصراحة انحرجت مرة وانصدمت !!

قمت من بكره (يوم الثلاثاء ) من الساعة ست اقوم ولدي للمدرسة وبنتي تاخذ نتيجتها وعلى طول بالمطبخ..

عجنت عجينة وحشوات منوعة للسمبوسة نوعين لحم وجبن
فطاير بدجاج
بيتزا صغيرة
فطاير جبن
وسويت حلى وقعدت اركض اول فطور زوجي وقهوته.. اسوي الغداء وارتب السلال للتقديم..
وانا بيني وبين نفسي اقول الله يسامحك يا فلانة وشلون استقبل وحدة ببيت فاضي على الزولية!!

طبعا حنا بننقل قريب يعني ماله داعي نأثث..
يوم دخلت زميلتي بكل برود قالت لي وين جلستكم ان شاء الله بتجلسينا بالارض!!

تمنيت اني ما عرفتها لانها احرجتني بجد..على بالي فهمت غلطتها؟؟

الجدران الي قلت لكم اني نظفتها قبل اطلع من الشقة قاموا عيالها بالواجب وكملوا الناقص والله الدرج من بدايته الا نهايته بقع شوكولاته والاخت مفهية تسولف ..
الصوفا كنت غاسلتها قبل بيوم والله ما وصلت الضيفة الا تقولون البيت محد نظفه جزمتها وجزم عيالها من بداية الدرج الى الصالة منثورة
والالعاب استلموها
لا احد يفهمني غلط هي دايما تجي وما اهتم بس استحيت بالي بتجي وتتفاجأ بالوضع بتحسبني مهملة ما راح تدري عن ظروفي..


معليش ما ودي اتكلم عليها بس من جد كنت حاسبتها اخت لي طلعت مثلها مثل غيرها نفسي نفسي..
وما طلعت الا بعد ما احرقني زوجي بالاتصالات بيجي يتعشا والاخت متونسة هي وعيالها تبي تسهر خخخخخ
والله طحت مريضة من بكره وحلفت ما استقبل احد الا ظروفي ونفسيتي تسمح..خلاص

طبعا غير التنظيف الروتيني ما احب اقوله ملل خخخ
ناوية باذن الله
ارجع امسح الجدران من جديد الله يصبرني بس..
ابشيل فرشة الدرج موكيت واغسله من السطح واشيل الاغراض الي مخزنة فوق عند باب السطح..

المطبخ ابجرد الي فيه واطلع الي ما ابي للجمعية

المستودع تحت مليان وما اقدر احرك شي الا باذن من زوجي لان اغلبه اغراضه الي مو راضي يرتبها او يشيلها..
ابحاول انه يعطيني من وقته شوي ونرتبه على الاقل نخفف الزحمة قبل نطلع..

اشيك على البيت اي شي بيحتاج صيانة انبه زوجي عليه عشان نسلم البيت بحالة سليمة مع اننا ما قصرنا فيه..خسرنا فيه اكثر من صاحب البيت لان الكهرب حقه زفت..كل يوم محترق شي..

ناوية اسوي كليجا ومعمول احطه بالفريزر لحالات السفر والروحات
اجهز شنط لاغراض السفر من اغراض سباحة لعيالي ومكياجي وعدتي ..لاني احتمال اروح لاهلي الاسبوع الجاي..

وسلامتكم..ادري طولت بس مبطية عنكم خخخخ

اهلين حبيباتي وحشتوني اشكر كل اللي سال عني كانت عندي شوي ظرووف وتزاعلت انا وزوجي على ترتيب البيت فقررت اسوي له تعزيل كامل واليوم الحمد لله خلصت كل اموري اااااه تعبانه صار لي ثلاث ايام مانمت زين من التعب ومن ولدي الصغييييير ان شاء الله هالتعب يبين بعين زوجي المشكله زوجي دقيق وموسوس نظافه يعني يبغى كل شي 10 على 10 الله يعيني

يومياتي لليوم
*****************************

صحيت الساعه 7 صحيت زوجي وسويت له فطوور ويعدين مارجعت نمت قلت اتعب اليووم واكمل تعزيل البيت ولا اني كل وم ااجل طول الاسبوع خلصت الصاله والمجلس وغرفة عيالي
واليوم كملت غرفة نومي رتبت الملابس اللي بكل مكاان شلت العاب ولدي الكبير من تحت السرير لان كل شوي يدخل حاجه هناااك رتبت تسريحتي وشلت الاشياء الزايده اللي مالها داعي وزينتها بالشمع والووورود المجففه طلعت مره حلووه اكتشفت اني كنت حاطه اشياء مااستخدمها الا نادرا.........
نظفت الحمامات تنظيف عميق حمام الضيووف وحمام العائله سويت الغداء رز ودجاج بالفرن اسهل حطيت الدجاجه بالفرن ورحت اشوف شغلي هههههههه
باقي لي اغسل مواعين الغداء والحمد لله يكوون كل شي تمااااااااام يارب استمر على هالنشاااااااااط والرتيتيب وابتعد عن الفوضى بحاوووول اللحين انام شوي بس المشكله عيالي كل مانام واحد يجي الثاني يسليني ههههههههه


احنا ان شاء الله قريبا مسافرين كماان بس ادعوا ان اهلي يسافروا معاانا عشان يريحوني من عيالي شوي