بنت نوره والنعم

يعطيك العافيه يا عمري على طريقتك بس بسألك تحطين على الصاج زيت لما تحمرينها ؟

نستنى تطمنينا عليك يا عباير ..

السلاااااااااااااااااااااااااااااااااام عليكم

مشكوووووووووورن ياللي ساتوا عني

سنوحه وعبوره واجمل فراشه

الملكه الحمد لله عدت على خيييييييييييييير

بس تعبنا تعب

يالله الاجر على الله

بس فيه شي حاز بنفسي مدري عادي ولا ابالغ

انا يوم الملكه تعبت وانا انظف البيت ومكيجت اخت زوجي (مو العروسه ) وراح الوقت

واهل زوجي من قبل الملكه بيوم قالوا لي نبيك بكره تساعدينا في صب القهوه والشاي والمضايفه انتي و(سلفتي ) يعني زوجة اخو زوجي
قالوا لي نبيكم كلكم تساعدونا بسسسسسسسسس
يوم الملكه انا اصب واضيف وما جلست وسلفتي لما تمسك الدله تبي تصب ام زوجي واخته يركضوون ياخذون منها ويحلفون عليها ما تمسك شي الا تجلس حتى ام سلفتي تاشر لها لا تجلسي قومي معهم بس اهل زوجي مو مخلينها حالفين عليها ترتاح

بصراحه حز بنفسي لان قدام الناس كانهم يقدرونها اكثر وانا جيبي وصبي وحطي وهي لا قممة التقدير

هي مو ساكنه بنفس البلد وانا ساكنه عندهم فوق

بس برضو انقهررت لان الناس ما تدري وعلى بالهم الحين انها اهم وتتقدر وانا لا

وبعد هذا لا حمدا ولا شكورا واحسهم تغيروا علي من ملكت اختهم
صاروا ينافخون كثير وانا الحين بطلت انزلهم وبسوي حدود ورسميات معاهم احسن


بصراحه حتى امي حزنت علي ذاك اليوم وحز بنفسها اللي سووه

وانا ما اقول الا اني تعاملت معهم بطيبتي و لا همني رد فعلهم

هم بصراحه طيبين ما شفت اذيه منهم بس قهرتني الحركه مررررررره

اهليييييين بالغاليه اسفرت وانورت000
اما بالنسبه لسلفتك لاتغاري من تعاملهم معها لانها زي ماقلتي ضيفه ويستحون منها00مو زيك انت بنتهم عندهم ويمونون عليك00بالعكس الا عدم تعاملهم معاك برسميه معناه انك غييييير 000بس برضه الذرابه مطلوبه لازم يشكرونك في الاخير والكلمه الطيبه صدقه00000
اما تغيرهم بعد الملكه فهذا لانك تغيرتي انت فردة فعلهم طبيعيه0000وصدقيني بادلوعه الصراااحه اقصر الطرق لصار قاعدين اتقهوون اكيد بيجي طاري الملكه 00انت عاد هنا تشرهي عليهم وقوليلهم بمزحه اللي بخاطرك وراح يفهمون 000ولاتضيعين اجرك وانا اختك بوسوسة ابليس لك 00اما امك فزعلها لانها تحس بزعلك فبرا بأمك اولا بينيلها ان الوضع عادي وانك مابخاطرك شي وربك بيعدلها من عنده اذا احسنت الظن00000تراي جربت السلايف واخوات الزوج ومالقيت زي الاحسان والطيب 00000بس هااااه ابتعدي عن التحلطم لحالك الموقف لحصل انتقديه على طول وبأسلوب عدل وبيني مافي نفسك 000وكل يوم ابدي صفحه جديده بدون تراكمات000تاكل عمرك00000وسلامتك من الزعل

دلوعه عبودي كل شي بأجره حبيبتي وكلام جرح ورا جرح عين العقل ونفس الي كنت بقوله ..

السلام عليكم ورحمة الله وبركاته


اليوم يا أخواتي العزيزيات ..


بكتب لكم عن بعض التجارب الي اسويها بالبيت والي لاقت نجاح ببيتي


أول شي أحب اني اذكر إن الموضوع منوع بعض الشئ

يعني ما يخص النظافه بس الموضوع يخص عن كيفية إدارة بيتك وبأحسن الطرق ..


نبتدي بعون الله


أممم قرأت بأحد المواضيع بأحد المنتديات عن طريقة تجعل الملابس أكثر بياضا

فحبيت اجرب وبعدين اكتب عن تجربتي ....


لما تنقعين الثياب البيضاء مع مسحوق التنظيف اي كان نوعه ضيفي كاس من الزيت مثل العربي أو العافيه

ولازم يكون الماء المستخدم للنقع مياه حاره ...

كاتبة الموضوع كاتبه ينقع الثياب ليله كامله ولكن انا نقعته لمدة ساعه واحده

وبصراحه النتيجه روعه روعه روعه بعد ما شلت الثياب من الحوض المخصص للنقع خليته بالغساله كالعاده

وبعد ما نشف الثياب يا الله بصراحه النتيجه كانت ممتازه ثياب ناصعة البياض بدون كلوركس ...

إلي غسالتها موصل بمويه حاره ممكن تنقع الثياب فيه وبعد ساعه تخلي الغساله تشتغل وبتحصل على نفس النتيجه

الي غسالتها مو موصله بماء حار ممكن تنقع كل الثياب البيضه عندها بالبانيو وطبعا بالبانيو في مياه حاره بالتأكيد ..

طبعا بعد ما شفت النتيجه الرائعه صرت ما استغني عن هالطريقه لأن الثياب البيضه تكون كريه وهي مايله للصفار


.................................................. ...........................


طبعا في ربات بيوت يحذفون بقايا الصابون المستخدم للجسم لو صار حجمها صغير صح ....

لأن شكلها كريه بالحمام و ما اعتقد ان استخدامه بيكون سهل على افراد العائله لصغر حجم الصابون المستخدم

فأنا عن نفسي اخذ البقايا واخليهم مع الثياب الملونه بالغساله يعطيها رائحه حلوه ونفس الوقت استعملتها بشي

مفيد وتقدرين تقللين نسبة الصابون العادي المستخدم للثياب لأنك حطيتي صابون اضافي إلي هو بقايا صابون الجسم

.................................................. ........................


كان عندي كولونيا للأطفال من بيبي جونسون كنت استخدمه لأطفالي بعد الاستحمام لتعطير جسمهم

ولكن لاحظت ان أطفالي من النوع الحساس يعني جلدهم حساس ما يستحمل الكولونيا المباشر على الجسم

فأستخدمت الكولونيا لبلاط الحمام بعد ما اخلص التنظيف آخر شي كم نقطه على البلاط وخلاص

لاحظت ان اليوم الثاني زوجي يسئلني وش الريحه الجديده بالحمام ريحه مريحه وناعمه

حتى لما خلصت العبوه رحت وشريت عبوه ثانيه وصارت الريحه مميزه صديقتي تقول أيش تستخدمين لتعطير الحمام

وقلت لها الطريقه قالت لي انتي مجنونه لأنها ما توقعت ان السر بكلونيا الاطفال إلي كان بالنسبه لي كنت

راح ارميه لأن ما صار لي به عوزه

.................................................. ..............................

أكيد تعرفون المعطر المستخدم بالمرحاض نفس التعليقه كل ما ينرش عليه الماء من خزان المرحاض يطلع السائل لتعطير

المرحاض بعد كل استخدام ...

بصراحه يوم من الايام خلص عندي تعليقة المرحاض وانا ما احب اني اخلي المرحاض بدون تعليقة المعطر

خذيت العبوه الفاضيه بعد ما غسلتها و عقمتها بالديتول لأني بستخدمها مره ثانيه

تتوقعون شنو حطيت فيه ؟؟؟

حطيت فيه هذا .....



وعلقته بالمرحاض ...


منها كان يعطر لي المكان مو بس المرحاض ...

ومنها ما راح تتوقعون النتيجه الي حصلت عليها ..

احيانا تتراكم الاوساخ داخل المرحاض ويصير لونه كريه صح ؟؟؟

صدقيني ان ما راح يكون فيه هالتراكمات بعد الآن ودائما راح يكون المرحاض يلمع

كأنك توك مغسلته حتى لما يجي دور غسسيل الحمام ما راح تتعبين لأنه جاهز ونظيف وما يحتاج جهد بالفرك والدعك

.................................................. ..............................


إلي عندها حديقه أو مكان صغير ببيتها مزروع أنواع الزرع الي تحبه

وإلي تحب الزراعه والاهتمام بالزرع

بقول لك طريقه سويها ببيتك حتى لو ما عندك مكان تزرعين

جيبي اصيص وخلي فيه السماد الخاص للزرع

ولما تجيبين لك بقدونس او كزبره او نعناع طازج وتبين تحفظينه

انصحك انك تزرعيه بالأصيص هههههههههههههههههه

واقطفي كل يوم من البقدونس و الكزيره الطازجه من بيتك

أو حتى النعناع للشاي دائما بيكون متواجد عندك وتحت يدك بأي وقت

الطريقه عزيزتي لما تجيبين رزمه من البقدونس مثلا اخذي من الرزمه عدد اثنين

واحفري بصبعك داخل السماد وحطيه وارويه ماء كل يوم راح تلاحظين انها ذبلت

لكن بعد ثلاث ايام او اربع ايام متواصلين راح تشوفين انها تعاود اليها الحياه وتكبر

وكلما تكبر قصي من فوق على قد ما تحتاجين وخلي البقايا ينزرع ويكبر ...

طبعا الطريقه غريبه عليكم ولكن صدقيني ان الزرع لما تحطينه بالسماد راح يرجع ينزرع لها جذور ..

استفيدي عزيزتي من هالطريقه ..

راح اقول لك كيف ؟؟

مثلا رحتي بيت صديقتك وشفتي بحديقتها نوع من انواع الزرع وانعجبتي فيها ...

ما يحتاج تروحين تشترين أستأذني منها واخذي من الزرع نفسه ولما ترجعين البيت على طول

حطيه بالسماد وارويه ماء وبتلاقينه بعد ايام ان شاء الله يكبر ويصير عندك الزرع الي تحبينه موجود ببيتك ..

علشان تحافظين على جودة السماد ..

عزيزتي لا ترمين قشر البيض اكسريه صغار واخلطيه باالسماد الي عندك لأن القشر فيه مواد تحافظ على نوعية السماد الممتاز ......

حتى الشاي الي نستخدمه اخلطيه مع السماد وشوفي كيف ان السماد راح يتفاعل مع النبات بالاسابيع القادمه لأنك

جددتي نوعية السماد بالمواد الموجوده بالشاي ..


خواتي انا اتبع هذي الطرق بحديقتي بالبيت واتمنى انكم تستفيدون منها ...


.................................................. ........................


كل يوم نغسل الحمام واحيانا بالفلاش...

وبعد تكرار عملية التنظيف الكثيره بالحمام

أكيد تلاحظون ان البلاط به فراغات بالزوايا صح ؟؟

أنا اقصد مادة الجبس الموجوده بين زوايا البلاط ...

عزيزتي حاولي انك تحتفظين بالجبس البودره تلاقينها بمحلات البناء

كل ستة شهور على الاقل خذي كاسين من الجبس مع كاسين من الماء

واعملي العجينه امسحي على الفراغات

وصدقيني انك راح تلاحظين ان حمامك نور كأنهم توهم مركبين لك البلاط

.................................................. ...................................


هههههههههههههههههههههههههه

أكره شي بحياتي كان لما تجيني بنتي وتقول عندنا اليوم حفظ الدرس

مثل آيه او قصيده ...

كنت اكره قعدتي وانا احفظها ..

ولقيت الحل اني اخليه تجلس على الكرسي بالمطبخ وانا اطبخ العشاء مثلا

اتكلم واخليها تردد وتردد معي الين ما نخلص اشوي اشوي

يعني كل فقره او آيه عشر مرات وانا معها وعشر مرات هي بروحها وانا مشغوله بالمطبخ

يعني أثنين بواحد تكملين شغلك ولا تزهقين من القعده معها ويكون قعدتكم ممله وتحس انها مجبوره على الحفظ

ومنها انها راح تكون مبسوطه بقعدتها لأن البنات او الاطفال عامتا يحبون التواجد بالمطبخ مع الأم

أحيانا وانا اكوي الثياب أحفظ ولدي جدول الظرب مع انه لسه ما عطوه لاحظت السنه بعد ما عطوه تحفيظ جدول الظرب

إن ولدي لسه حافظ الجدول كله كنت حابه اشغله بدل النطنطه على الكنب عرفت ان الاطفال ما شاء الله

ذاكرتهم قويه

.................................................. .................

إن شاء الله الموضوع عجبكم

وشكرا لتواصلكم مقدما

************************************
هذي المشاركه للاخت ترانيم الله يشفيها نقلتها لكم للفائده