سلام يابنوتات اليوم فيني كسل متعدي حده الحمدلله المطبخ فيه صحنين وشوي كاسات يعني مايبيله تعب وودي اغسل الملابس واكوي وبرجع اعلمكم وش سويت

انا اليوم داخله معاكم وبقولكم ايش سويت امس
غسلت الملابس واثناء الغساله تدور اكوي وانشر على المنشر
صراحه طريقه حلوه ومرتبه بعدين قمت على الحمام الله يكرمكم وغسلته بكلوركس وصابون على الساعه8 سويت العشا ثم رجعت على غرفتي ورتبتها ورتبت دولابي انا وولدي كنت مزيته شعري لات زوجي مو فيه تروشت ولفيته ونمت
اليوم الصباح قمت الساعه 10 كنست الشقه بعدين مسجت السراميك اثناء المسيح شغلت المبخره عشان تثبت الريحه لان السراميك فيه رطوبه شغلت الفواحه وحطيت فيها عطر ثم رتبت السرير ورشيت عليه مطر مفارش لبست ولدي ولبست وكشخت ثم ركبت الغداءلاخو زوجي بعدين رجعت الغرفتي وشغلت المكيف عشان زوجي اذا جاء تخبرون الجو حاااار جهزت له كريمه كنت مسويتها البارح وسكرت الباب لماتبرد الغرفه بعدين نزلت افطرت اقصد تغديت الحمد لله وصل زوجي بالسلامه ماتصدقون لما دخل الغرفه شافها بارده وريحتها خيال كيف ارتاح على طول اكل الكريمه ونااااااام نومت ولدي الي كنت مقومته بدري لان البابا اذا جا يكوون مرره تعبان ويبي الفراش انا الحين اكتب وهم نايمين الله يخليهم لي
وان شالله العصر بصفط الملابس الي غسلتهم امس مايحتاجون كوي لاني كاويتهم وهم رطبات

وييييييييييييييييينكم بنات
انا توي جديده على الملف ترى اخااااااااااااااااااااااااااف اكون وحدي
احد يجي ولا احط رجلي

انا معك لاتخافين

انا جديده على هالموضوع اول مره ادخل وان شاء الله اتسنع واللحين بقوم انظف المجالس عشان بكره اهلي جايين عندي وبيجلسون عندي كم يوم لان انا بعيده عنهم ودي اخلص قبل المغرب عشان اسوي القهوه واصحي زوجي

حياكم الله يالجديدات
غسلت المواعين وكويت ملابس ولدي بقي اكنس الغرف وارتب تسريحتي واكوي البقيه من الملابس