مرحبا اختي الله يعطيك العافيه انا حلمت كاني حضرت حفل زواج وكانت الحفله فخمه جدا وراقيه ودخلت انا وامي مكان البوفيه وكان منظم ومرتب والاكل كثير جدا وتعشيت انا وامي واختي وبعدها قابلت فتاه اعرفها ويوم شافتني حضنتني وسلمت علي بحراره وانا مستغربه لان علاقتي بهذي البنت سطحيه جدا وبعدها فكت حلق ذهب من اذنها واعطتني واخذته ومشيت ورحت لامي عشان تشوفه واعجبها مره بعدين قلت لامي ودي ارجع الحلق لها خلاص مابيه قالت امي بكيفك وبعدها رحت وعطيت البنت الحلق ورحت من عندها وفجأه قابلت زوجي وعطاني طقم ذهب كبير وجميل جدا وكنت فرحانه فيه مره ....

السلام عليكم ورحمة الله وبركاته


رايت في منامي كاني في مناسبه عند جماعة زوجي واغلب اللي شفتهم بالمنام اعرفهم
وفجأه كاني ادور على اطفالي وما حصلتهم وكاني ماصرخت ولا شي ادور عليهم بكل هدوء مع خوف
بعدين كانه جاء العشاء واريد اكلهم وادور عليهم وطلبت من خواتي يدورون عليهم
وانا ادور عليهم كاني لمحت العشاء واستغربت انو "كباب دجاج" ماكان لحم غنم كاعادة المناسبات عندنا ,, واستغربت
والناس كثير بعدها نزلت انا واختي عند الوالد وسالته اذا ولدي عنده او لا قام ابوي سال اختي قال صح دقيت عليك جوال قلت خذي الولد قالت ايه لكن يوم رحت اخذه ماطلع ولد اختي طلع ولد ثاني (( تقصدني

ولي يعافيك فسريه ولا يحرمك الاجر

الله يجزاك اختي شذا على جهودك معنا
طلبتي انسخ حلمي من حلم ثاني
هذا حلمي الاول

, حلمت اني شفت 3 حمامات تطير بغرفتي و كني اتذكر ان لونها ابيض بعدين راحت عند الشباك و تبغى تطلع مع الشباك بعدين طلعت و الشباك مسكر وانا مستغربه كيف طلعت وبس
انا متزوجه و ام لطفل وكنت نايمه عادي مافي شي مشغل باي



وبنت خالتي حلمت فيني تقول شافتني بالحلم شعري اسود طويل ومره حلو وتقول اني بيضا بالحلم مره كان شكلي حلو وانا قلت ماراح اغير لون شعري خلاص و مغبيه اختي وراي وسالوني ليش قلت لجدتي اختي بتعطيك هديه و بس
جدتي موجوده الله يطول بعمرها و اختي هذي متزوجه و تدرس وانا بعد طالبة

وكتبت لك حلمين ثانيين و قلتي لي بعد انسخها مع احلام اخرى و هي:
الله يجزاك خير انا حاليا حامل و حلمت اني شفت زوج حلق مدور لونه زهري
و امس حلمت ما اتذكر الحلم بالضبط بس اني لابسة زهري و كل شي حولي زهري؟؟


اما احلام اخرىجديده لم اذكرها قبل وهي :
حلمت قبل مااحمل ان صديقتي تقود فيني سياره ( و هي بالحقيقه حامل ببنت)

و حلم اخر حلمته اليوم حلمت اني اقوم بالمعاشرة الحميمه مع صديقه لي:(
واليوم بعد حلمت ان معاي ستاره و رحت لبيت صديقتي و قلت بركبها ببيتك وانا طالعة باخذها و يوم طلعت ماخذتها قلت اباخذها بعدين

شوفي ياعسل حلمت اني ارسلت بنتي لبيتي تجيبلي جزمتي البيضاء الله يكرمك وانا كنت واقفه بالدرج حفيانه بعدين جت وما معها شي شوي طالعت على بيت الجيران لقيت عند بابهم جزمة بيضاء مقاسي بس ماخذتها طلعت وركبت البنت بالسياره بعدين طلعت عشان اخذ جزمتي
يوم وصلت لجزامتي فتحتها حصلت جزم بيضاء كثير كلها واطيه معاد وحده كعبها مرررره عالي بعدين مسكت فردة جزمه بيضا وعليها علامة بالفضي على اساس ادور الفرده الثانيه والبسهم ودورت دورت لين بغيت افقد الامل والبس فرده ماهي نفس الفردة الي معي بعدين لقيت نفس الفرده البيضا الي معي بس عليها شوي وصخ من قدام اصفر ولبستهم ونزلت

الله يعافيك اختي
امي حلمت فيني اني تطلقت بالثلاث والي مطلقني ولد خالتي مع العلم انه مو زوجي
وانا الحين حامل في بدايه التاسع