فاقدة :

هلا بكم خواتي انا ولدت ولله الحمد والمنه من 27 يوم وجيت اليوم اقولكم ولادتي مثل ما وعدتكم اولا هذي ولادتي الثالثه ... ولدت في بروكير ..كنت اراجع عند فادي تعامله جدا راقي بس عجل شوي كل ولاداتي السابقه اعوشر فكنت خايفه من العاشر كنت اقرا بالنت كثير عن التحريض فقررت اسويه واحاول ... قلت لفادي قالي اوكي بس نسوي اول اسبوع بالتاسع وسالني تبغين معه طلق صناعي فقلت لابس تحريض فرد علي وقال((يعني بس حركشه)) علشان يبدا عنق الرحم بالاستعداد للولاده من بدري وفعلا رحت اول التاسع موعدي وسالني اذا عادي يكشف علي يقيس قلت له لا ابغى دكتوره واتصل على سهير وجات وقاست لي وقالت واحد سانتي وحركت شوي بعنق الرحم (( شوي يالم مو كثير) وقالت لي ان شاءالله اسبوع وتولدين في نفس اليوم بالليل نزلت علي السداده وجاني شوي الم وراح ,, ومارحت للمستشفى وكانت تنزل علي افرازات بيضاء جلست لين موعدي بعد اسبوع وقلت للدكتور ابغى تحريض وسوت لي مره ثانيه واستمرت الافرازات تنزل اشكال منها الشفافه والبيضا فمارحت المستشفى الي ان نزل علي دم صافي وكان قليل فما رحت المستشفى (( اسوي قويه وراعية خبره)) بعده بشوي بدء الطلق يجي ويروح كل ربع ساعه فخفت لايجي البيبي شي ليش الدم ؟؟ فشربت يانسون وعسل ورحت المستشفى طلعوني للولاده كان ثاني العيد كانت مناوبه الدكتوره رنا طبعا مو موجوه فيه سلام ومعها هنديه وفلبينيه وباكستانيه المهم تعاملهم مره حلو دخلوني الغرفه وحطولي قياس الطلق ونبض البيبي وقاست سلام الرحم وقالت بس 2سانتي والا النبض مو مره تمام قالو لاني جايتهم وانا ما افطرت شربوني عصير وضبط الوضع والطلق مو مره حار وطلبتهم ابره ظهر قالوا مو الحين لين يبدا الطلق معها قوي فقالوا لي بدل جلستك هنا ايش رايك تروحين البيت وتفطرين زين وتمشين واذا جاء الطلق قوي مره تعالي ان شاءالله بالليل الولاده كان الساعه 10 الصباح رحت بيتي وافطر وامشي وانا مشغله سوره مريم وادعي ويزيد علي الطلق وكل ما جاتني طلقه مسكت في اي شي قدامي وهزيته (( اخذت هذي الفكره من الايه بسوره مريم وهزي اليك بجذع النخله...)) جات الايه وجاتني طلقه فسويتها عفويه ولاحظت سبحان الله ان الالم يتشتت لما انشغل بشي ثاني ما كملت ساعتين الا رجعت لهم وانا خلاص منتهيه قلت ابغى ابره ظهر الحين قالوا طيب تعالي على السرير ونقيس الرحم جات سلام وقاست قالت 6 وانا وقتها قمت ابكي من الفرحه(الي يشوفني يقول ولدت خخخخ بس فرحت لانه فتح الرجم بسرعه ومو بالعاده)) وقالت ماتنفع الابره الحين لانها قربت الولاده نحطها اذا الرحم 4سانتي المهم وشوي شوي لين صار 8 وجات دكتوره رنا عاد بدء الجد ويرفعون رجولي ويفتحون مويه البيبي ويجي الدفع وادفع كم مررررررررررره لين شرف ولي العهد الله يحفظه ويخليه لي ويحطونه على بطني وبعدين اخذو البيبي ينظفونه والمهم وتخيطني سلام وراحت على طول رنا ,,, و بعدين جابوا البيبي وحطوه بحضنه قالوا احضنيه وبوسيه وجات الفلبينيه تسوي مساج لبطني منها يطلع دم كثيييير,,, خلوني شوي ارتاح وطلعوا البيبي للحضانه ,, وبعدبن طلعوني غرفتي وكانت غرفهم حلوه نظيفه وهذي قصتي مع بروكير .... تقييمي لهم ممتاز من متابعه حملي الا ولادتي ما عاد متابعه ما بعد الولاده قالوا الموعد بعد اسبوع وبالموت لقيت بعد 10 ايام عند سهير ورحت لها تشيك على الخياطه وقالت ممتازه بس فيه كم غرزه خليها اسبوع ونفكها ... جاتني الالام بعدها ورحت مستوصف اثق بالدكتوره الي فيه قالت لي الالام اللي عندكمن شرخ جاك من الولاده ..وعندك غرزه انفكت من البدايه والتئم الجرح وهي مفتوحه (( وطبعا هذا كله ماانتبهت الاخت سهير)) رحت للمستشفى بدون موعد ودخلت عند دكتوره ناديه وشرحت لها انب ابغى اشيك على الخياطه ومافيه مجال الا عند فادي وانا ما ابغى فوافقت وكشفت علي طبعا ما قلتها ان سهير ما قالت لي شي واني شاكه بتشخيصها بس قلتلها اني رحت لدكتوره برا المستشفى و و و و وفعلا نفس الكلام والطامه الكبرى قالت بنعيد لك الخياطه الخارجيه الاسبوع الجاي تجين فوق غرفه الولاده وبعد كم يوم خياطتي (ادعوا لي الله يهونها علي ويشفيني) قولوا امين واي سؤال انا حاضره لاتنسوني من صالح دعائكم الله يسخر لي زوجي ويصلح لي النيه والذريه ((طول فتره الطلق انا مشغله بجوالي سوره مريم وفتره الولاده مشغله البقره وحاطتها عن راسي لين ولدت وهي باذن الله سبب تيسير ولادتي))..

هلا بكم خواتي انا ولدت ولله الحمد والمنه من 27 يوم وجيت اليوم اقولكم ولادتي مثل ما وعدتكم اولا...