بنات مين جربت سعد بعمليه ربط عنق الرحم
عند الدكتور عدنان عاشور وبكم تكلف
الله يخليكم ردو علي

سلاام بنات شخباركم
والله ودي ارد عليكم وحده وحده بس اعذروني يالغاليات ولدي تعبان
والي عندها علاج للاسهال عزكم الله غير رز مصر ونشا وزبادي وعلاج كابكت الي من الصيدليه والبطاطس المسلوق تقول لان كلهم جربتهم مع ولدي مانفعت

اهلين يا بنات
شخباركم وشعلومكم طمنونا عنكم
وحشتوووووووووووووووووووووووووني

والله صج صج وحشتوني واااااايد
حاولت افتح النت في بيت اهلي بس للاسف الرقم السري لملفي ناسيتة عشان شدية ماقدرت اطمنكم
ويوم قلت لابو الشباب يجيب لاب توبي جابة والاتصال ماساعد ان يفتح النت الاتصال كان وايد بطئ
والحين قلت لازم اكلم خواتي ياعمري عليكم كلكم والله انكم صج خوات

بنااااات
اخيرا صرت بدون كرشة كرشتي صارت في حظني الله يخلية لي ان شاء الله
صج احساس الامومة شئ
بس الولادة اااااااااااااااة منها اااة
والله مو كثير ان تكون الجنة تحت اقدام الامهات
قبل ما اكتب قصة ولادتي ابي اسلم عليكم وحدة وحدة بس اشلون ؟!!!
ماشاء الله البنات في الملف زادوا الله يزيدهم ان شاء الله

غلاوي والفجر شخياركم وشمسويين
الفجر00 غلاوي00
منو تتوقعون الي ولدتني؟!!!>>>>>خخخخخخخ

الفجر000
هاااة بشري حملتي والا في الانتظار

غلاوي00
شخبارك حبيبتي مع الوحم الله يخفف عليكي يارب ويسهل عليكي يارب
وتكون ولادتك مثل شرب الماي
وتقولين لنا مدام هذي الولادة شدية بهالسهولة ابحمل مرة ثانية>>>خخخ شكلي بنطرد من الملف كامل
غلاوي00
يامجرمة0000
اش هالقرار الي مو حلو ابد ابد ابد ومالة طعم
كاني انا تو والد وبرتز ان شاء الله معاكم خلاص الي يتعود عليكم مايقدر يترككم
وانتي الي مأسسة الملف تبي تطلعين اقول اركدي لا اجي لك بيتك واولدك>>>>>خخخخخ هذا حماس مابعد الولادة

فاتن000
شخبارك حبيبتي هاة لساتك على قرار تأجيل الحمل والا فكرتي كويس في الموضوع
ترانا مانبي غير الصالح لك >>>خخخخ قلت لكم بعد غيبة شكلي بنوي على نفسي بالطرد

انامل واحلام ونور وام حسون وغلاها ومجستي والكل الكل مابي انسى احد ويزعل مني
كلكم وحشتوي واااااايد

انا ولدت 11 صفر الحمدلله رب العالمين
وولاتي كانت في سعد
وجبت علالي >>>>> انتو حلوها هذا اسم الدلع اسمة الي من غير دلع شنو؟؟؟؟

ان شاء الله قصة ولادتي اشوي واكتبها لكم
بس حبيت اطمنكم اني ولدت بالسلامة
ومشكورين لهالدعوات الحلوة والطيبة والله انكم فعلا خواااات

يابعد عمري يافضوليه

اخيرا اخيرا جيتي بشرتينا...الف الحمدلله على سلامتك ومبروووووووووووووووك وصول العريس بالسلامه

ويتربى بعزكم ان شالله ويرزقكم بره يارب والفال لباقي الكروشات

شكل الولاده عجبتك ....تعالي ارتزي بالملف وفالك الولاده مره ثانيه<<<امحق تشجيع خخخخخخخخخخخخ

شكلها الدكتوره لواء ولدتك...اهم شي مو الدفشه نيفين






حبيباتي والله كلكم رفعتوا معنوياتي وحسستوني اني مهمه بينكم ...تدرون مع الوحم حاسه باحباط من قوته

وحالتي النفسيه خلتني افكر بهالقرار وشكلي بخرب الملف لاني اشوف

ام الكمال تفكر مثلي .....بس اللي يعرف خوات مثلكم ممكن يغيير رأيه وبسرعه

الله يديم المحبه بينا ...وانتوا اساس الملف ونجاحه ومن غيركم انا مااقدر اسوي شي

ادعولي بالعافيه وان شالله دوم اكون معكم


فجوره حبيبتي عطي ولدك سفن وحطي فيه شوية ملح عشان يوقف الاسهال وان شالله من اول مره يروح منه

جربي وقولي لي وش صار معك

أحاسيس فياضة..
الله يخلي لك فتونتك يا ربي و تشوفينها أحلى عرووسة..
فضولية..
الحمد لله على سلامتك حبيبتي و مبروك عليك علالي..و يتربى في عزكم يااارب..
يلا قولي من ولدتك..عسى بس مو نيفين هع..
فجورة..
ما يشوف شر ولدك طيب وديه المستشفى أحسن أخاف عنده فايروس الروتا..
روحي خل يسووا له تحاليل أحسن..عشان لا سمح الله لا يجيه جفاف..خصوصا لو كان عنده ترجيع و حرارة..
غلاوي..
الله يهون عليك و يخف وحمك و بإذن الله راح تتحسن نفسيتك..أنا بوحمي كنت خلااااص باموت من التعب و النفسية غير كذا كنت بدوام...و كارهة بيتي و زوجي يا عمري ههههه
أغلب يومي عند أمي و البيت بس للنوم هع..غير كذا بس أدخل البيت على طول و انت بكرامة الحمام ترجيع هههه <<كأني قصيت قصة حياتي..هههه معليش أواسيك بس عع
أم كوني لسة حاطتنا باللستة ههههه و لا يهمك خلينا للتفائل هههه بس خليني أعوض سفرتي اللي انلغت و يصير خير ههههه
حلومة..
هلا و غلا يا عمري..شخبارك إنت و كيف الأمامير؟؟
عسى تعدل نومها الكتكوتة؟؟
<<<معاناة مع ولدي نايم لي 5 الفجر اليوم..الله يعين
باقي لسة كروشاتنا هع الله يسهل عليكم يا رب و تقومون بالسلامة مع كتاكيتكم..