مساء الخير
كيفكم كلللللللللللللكم
..
هذي تفاصيل ولادتي اسدحها لكم
بس الله يعينكم على قرقرتي
........
اول شي الخميس كان عندي موعد وقالت لي د رنا لازم تجين بكره الجمعه بعد نص الليل على الطوارئ وقولي لهم عندك ولاده
..
رحت الجمعه طبعا
الجو كان حلوووووووو والشوارع فاضيه طبعا اخر الليل وحده ونص بالليل
ووصلنا بعد 10 دقايق تخيلوووووو الدمام الخبر عشر دقايق في هالزمن !!
طبعا كنت ميييييييته خوف
رحت ودخلت الطوارئ وقلت عندي تنويم ولاده
قالي روحي فوق
رحت ولقيت دكتوره هنديه اسمها فايزه
قالت بتتابعني الين ينتهي دوامها
وبعدين قالت لي يالله بعطيك تحميله طلق وبقوس لك عنق الرحم
طبعا عليها اصابع تقل صواريخ ذبحتني ذبببببببح
وقالت لي 1 سم
والعنق لسى طويل والبيبي فوق
وقالت يالله تجهزي بعطيك التحميله
طبعا قمت صليت وقلت لهم يالله
وحطت التحميله
بهالوقت عاد زوجي نام
وانا قعدت اصارع الالام
واسمع صراخ الحريم بالغرف اللي جنبنا وزوجي قمط اكثر واكثر
المهم
من 4 ونص الى 10 وربع
جت الدكتوره مصريه اسمها سكينه اعتقد او سهير
ترى ضيعت من كثر اللي مرو علي
المهم قاست لي وقالت 1 سم ومافيك ولادهوهذا مايعد طلق مع اني كنت مرررررررره اتالم
وعطتني جرعات احباط
وقالت بعيك التحميله الثانيه
المهم
قلت بروح للحمام وانتو بكرامه
وقعدت اصييييييييح وادعي وقلبي محروووووووووق بصراحه من كلامها
وطلعت وشربت نص غرشه مويه زمزم قاريه فيها ورد الولاده وسوره مريم والزلزله
وبعدين عطتني التحميله وراحت
وغفيت ربع ساعه الا حسيت بشي ضغط من تحت بقوه وحسيت بشي داافي نزل مني
طبعا كانت عندي ممرضه هنديه وجت قالت هذي المويه وراحت نادت الدكتوره وجت الدكتوره وقاست قالت 3 سم
وقامت قالت سبحان الله حالتك دالوأتي بأت ولاده سبحان الله
..
المهم
بعدين طلبت ابره الظهر قالت لي طيب بقولهم
جتني دكتوره لبنانيه وسالتني كم سؤال طبعا حقت التخدير وقالت بنجي نركبها لك الحين
كانت الساعه 11 الا ربع وفيه وحده تصاااااااارخ وفجأه اسمع الممرضات يصارخون ينادون دكتور محمد
المهم الحرمه نزل ضغطها وودوها العمليات وراح دكتور التخدير اللي كان جاي عندي
وقعدت اعااااااااااااااااني من الطلق الين وحده ونص
وبعدين قلت لهم ابي الابره بمووووت ماعاد اتحمل وجا الدكتوره اسمه كمال مصري وعطاني الابره وبصراحه يده خفييييييييييييييييييييفه الله يسلم يدينه
..
المهم قالي نامي على جنبك اليسار وشوي حسيت اني غفيت
الا سمعت صراخ الممرضه تنادي الدكتوره وجت رنا ومعها المصريه ووحده باكستانيه و3 ممرضات
وقامت د رنا تقولي انقلبي وتناديني باسمي بسرعه انقلبي
انا طبعا مت خوف ومدري وش السالفه
المهم
قعدت اصيح اقول وش فيه
وهي تقولي تنفسي تنفسي
المهم البيبي نبضه ضعف والاكسجين عنده قل وانا نزل ضغطي
المهم قالت لاتخافين انتي بالمستشفى يعني اكثر شي بندخلك العمليات
..
المهم قاست وقالت 6سم
وبعد شوي قاست قالت 7
وبعدين 9
وبعدين 9 ونص
المهم وانا خلاااااااااااااااص انتهبت اقول ابي اولد جات على النص !!
طبعا طول الوقت الدكتور كمال واقف عند الباب يدخل يتطمن وبعدين طلبت منه د رنا يوقف مفعول الابره
لما صارت الساعه 6 وربع بعدين احس بحراره تحت ودفع
قلت للدكتوره رنا وجت قاست قالت 10 يالله ولاده
وجت من هنا ومن هنا ومن هنا والحمد لله شرررررررررررررررف حبيب قلبي الساعه 7
وقامت تخيط ونظفت لي الرحم وطبعا كنت احس بكل شكه ابره بس ماكانت جدا مؤلمه
وراحت
الساعه 8 جاني دكتور مصري وقالي اسمه بس انا ماكنت مركزه وحتى ماشفت شكله كنت معطيته ظهري من دخل الين طلع شال الابره من ظهري ورقوني غرفتي على طول نممممممممممممممممممممت لاني كنت مواصله قبلها ومنهده تعب

اخر شي
..
بقولكم رايي بالمستشفى
الغرفه طبعا خاصه بس كان فيها سرير ثاني طلبت منهم يشيلونه ثاني يوم لاني طلعت ثالث يوم
وكان الاثاث زيتي والسرير فستقي وماحبيت اللون كنت حاطه ببالي مشمشي ومجهزه كل شي على هالاساس
..
الممرضات بقسم الولاده حنونااااااااااااااااااااااااااااااااااااااات بشكل يقرون علي ويمسكون يدي وقت الطلق ووقت الابره
وخاصه هنديتين كبار بالعمر اما الفلبينيات فعادي جدا بس حريصات
..
الاكل اللللللللللللللله يكرم النعمه يسد النفس وماينأكل
..
الخدمه حلوه
..
طبيب التخدير بصراحه يده خفيفه ومتفهم لاني طلعت روحه كل شوي اقوله اصبر جتني طلقه وهو يقعد يهديني ويعلمني كيف اتنفس
..
الطبيبات الباكستانيه حليله .. المصريه مو ذاك الزود .. الهنديه حبوبه مره بس يدها صواااااريخ هي والمصريه
..
من الاخر مافي زي د رنا يدها خفيفه واسلوبها حلو ومطمنه مررررررررره
..
اللي يقهر الحضانه يذلوني على ولدي ذل على مايجيبونه
امي جت تزورني من 4 العصر وانا طالبه الولد الين الساعه 7 وهم ماجابوه لما راح اخوي وتهاوش معهم جابوه
..
والحمد لله تمت الولاده على خير يااااااارب لك الحمد والشكر

اناامل


الحممدالله على سلاامتك ومبروك ماجبتي



بسألكم بنات دكتوره سهير ايش جنسيتها !!؟ <<< بدت تووسوس


وبسالكم بعد << مصختهاا


الحين يحسبون الحمل بالاسابيع من يوم اول دوره ولا يحسبون من اول ماتجي الدوره وعليها اسبوعين



يعني مثلا انا اخر مرا جاتني الدوره قبل 5 اسابيع


يعني الحين لي 5 اسابيع حامل او 3 اساابيع <<< بالتحيليل الهرموني قبل اسبوع قالولي لك اسبوعين



وسؤؤال ثاالث


اذا رحت لموعدي بيكون لي 6 اسابيع ان شالله << على حساب الهرمون


فتتوقعون يباان نبض الجنين او لا !!؟

كوتيه بينبع
وين تابعين انتي يمدحون الهئيه الملكيه

القلب الحنون
هلابك اكثر
والله مدري وش ذا وانا اختك <<<<ليش تردين اجل لقافه خخخخ

انامل
الحمدالله على سلامتك
والله انك تحفه بوصفك الهنديه صواااااااااااااااااريخ مت ضحك
عسى هي العجوز ام نظارات؟
الدكتور المصر محمدعالم حق التخدير ياخف يده هو اعطاني الابرة الظهر مرررة مريحه
كيف تجربتك معها ان شاءالله تمام
وش الي خلاك تحطين بصلي بس الفستقي مع البصلي يمشون خخخخ
نموله الله يقطع ابليسك اشوف توقيعك اقول قبل اسبوع توقيع حمل والحين قطاوة ههههههههههههههه
غريبه الحضانه انا لما كنت كل شوي اطلب ولدي اخر شيء قالو لا مابنجيبه مو زين الحضانه دافئه ونطلعه لك كل شوي الممرات والغرف بااارده خايفين عليه يمرض

غلاها
اشتغلتي بالوسوسه
يابنت الحلال قدامك شهور الله يهونها عليك
حطي تاريخ اول يوم دورة بموقع الحسابات الحمل وبيطلع لك كم لك اسبوع

بالنسبه للدكتوره
اتذكر المصريه اسمها سكينه وسهير باكستانيه بس والله مو مثبته مره
والباكستانيه حضرت مع د رنا الولاده بس كانت واقفه وماسكه فخذي يعني مال وجودها اهميه
بالنسبه لي حسبت لي من اول يوم دوره



والله ياقلبي ابره الظهر حقتهم رهيييييييييييبه
ماتوقعتها كذا
مفعولها غير عن الابره اللي اخذتها بسعد
..
الفرق اللي بسعد الرجول تنشل وتفقدين فيهم الاحساس وكنت احس بالام الطلق كلها بس ماحسيت بالولاده وكنت احس من ثقل رجولي ان ظهري بينكسر
..
الابره ببروكير احس برجولي وبكل شي الا الطلق وطلعه الراس يعني كنت اقدر انقلب من جنب لجنب عادي
وحسيت بس بالخياطه والتوسيع مثل شكات الابره لانها طلبت من الدكتور يوقف مفعول الابره
..
وانا والله على الحضانه بالعكس اطفي المكيف قبل لااطلب الولد بنص ساعه بس كانو يطفشوني على مايجيبونه مدري عارفين انه غالي ويبون يجننوني عليه :35:
..
وانا استعديت على ان الغرفه لونها على مشمشي والكنب سكري
وبالنهايه تفاجأت باللون ماكان على بالي ابدااااااااا كان زيتي وفستقي