صباح الخير للكل .

عبائر


اتمنى الشهريين تروح بسرعه وترجعين لاني مااتهنيت فيك وربي يوفقك **** الله


ساكون


الله ييسرلك **** الله في ولادتك والله حاسه فيك


السديم وسميحه خانم

كيفكم حبايبي شكل الكل نائم بس انا وياكم .انا اليوم صاحيه من الفجر وطفشانه ماعندي شغل لاني امس نظفت البيت تنظيف عميق بس باقي لي الحمامات الله يكرمكم وغسيل مفرش وغسلت المفرش وباقي الحمامات وعندي كوي كثير.

صباح الخير ..

عبائر..الله يستر عليكم.. حتى الثابت ما فيه!!!! طيب الثريا لا سلكي!! شي للطوارئ الله يحفظكم..

سأكون باذن الله.. الله يسهل عليك ويفرح نظرتك.. ما فيه اشين من الانتظار.. توني مجربه:09:

سوانح.. بصفتك خبيرة عندي لك سؤال... الرجال اللي ثقيل وما يكلم زوجته.. ما اقصى مده ممكن اني ارص عمري ما اكلمه.. لأن الاسبوع يمر بالراحه وهو ما جا على باله يرفع السماعة!!!
__________________
يومياتي..

السبت..سويت الغدا وغسلت مواعينه ولبست بنتي وراحت مع ابوها للمصتوصف..تشتكي من اذنها..

وانا رحت ارتب بالمطبخ واحوس و سويت اعادة ترتيب لبعض الدواليب وصورتها قبل وبعد عشان اتحمس بالشغل.. وان شاء الله بنزلها بموضوع واحط لكم الرابط..

ودق علي ابو الشابات وقال بيجيني رجال يتقهوون عندي.. رحت شيكت على قسم الرجال والحمد لله كنت منظفته من كم يوم..
وركبت على القهوه وجهزت الصينية.. والشاي وخلافه.. وما راح الرجال الا الساعة تسع.. وبعين طلع زوجي من البيت..

ما عنده وسط.. يا يبلط في البيت وازهق من وجوده.. يا كل شوي طالع!!!

عشيت بنتي ونامت..الصغيرات الله يصلحهم قعدن لي الى الساعه وحده!!

وفي هذي الاثناء رتبت دولاب زوجي وسويت له اعادة تصنيف.. واللي يبي كوي حطيته على جنب واللي يبي غسيل بالسلة..

واليوم.. فطرت بنتي وراحت مع ابوها للمدرسة.. وانا شغلت اغسالة على تيشرتات زوجي البيضاء..حسيتها محتاجه تنقيع بالخل..

وكويت ملابس البنات اللي غسلتها امس.. بعد شوي بكوي ملابس زوجي..

اشوفكم على خير ان شاء الله..

سوانح
كتبت رد امس دخل زوجي قفلت الجوال بسرعه وطار الرد..على العموم مشكوره على سوالك عن الوالد الاسبوع الجاي بيبدا بالكيماوي..الله يشفيه والحمدلله على كل حال
يومياتي برد وصداع مستمر..قمت الفجر صليت وعلى المطبخ
صلحت قهوه ونوعين فطور على روجي وجهزت عيالي افطروا وراحوا كلهم الله يحفظهم
اعطيت بنتي رضعه ونظفت المطبخ ولمعت الفرن
كنت مسويه كميه كبيره فول دخلته بعلب وبالفريزر..طلعت دجاجه للغدا وجبت فطور لي وبنتي رتبت غرف عيالي عالسريع وقفلتها عشان ما تسوي فيها شي زي امس!
هي نامت الحين باذن الله بريح شوي بعدين بقوم لغداي

جرح وراء جرح

اسال الله الغظيم رب العرش العظيم ان يشفي لك الوالد ويقومه باالسلامه لكم

مولدي عيناك

ما عاش يا قمر من يطردك من الملف انتي زينته وما نستغني عنك ابد..
أخبارك مع الدراسه ؟

عهد الأصدقاء
ضحكتيني مرره أجل المطبخ اشتكى منك ههههههههههه

الى متى ؟
حياك الله يالغاليه وخلاص انتي سرتي وحده منا

وحده كيووت
حياك الله وتوقيعك ماشاء الله حلو والله يرزقك يارب ..

ayma
حياك الله ويسعدنا وجودك بينا

ندى المطر
هلابك ولو أنا أذكرك بعد والحمدالله انك رجعتي لنا

عبائر
الله ييسرلك وين ما رحتي ويردك لنا بالسلامه ومن جد بنفتقدك ..

في ديرتنا
سلامتك يالغاليه وما تشوفين شر

ميمو
الله يعينك وييسرلك ..

جرح ورا جرح
والله كنت فاقدتك والحمدالله طليتي علينا والله يشفي الوالد يارب

السديم
واحنا بعد اشتقنا لك ..