مسالخير
كيفكم يالسنعات؟؟

الحين قاعده اغسل الملابس
والبيت ولله الحمد نظيف وتوني معشيتهم

وجالسه بغرفتي اتقهوى والملابس بالغساله كلما تطفي اقوم

السلام عليكم
ام حمودي سلامة عيالك ياقلبي والله لايحرمك الاجر

جرووووحه000لا لا خليها تعيش طفولتها عندك علشان لاخذها وليدي مااطفشه وتراهق عنده متأخر خخخخخخخ

انثى000الله يعينا ويعينك انا طريقتي بالكوي اني ادخل الملابس الداخليه والبيجايم بالدولاب على طول
اما ملابس الخروج فأكوي لبستين لكل واحد او ثلاث حسب الفراغه
اما سراويل وفنايل زوجي وولدي الكبير فلما اطلعها من الغساله تكون شبه رطبه اكويها على طول واخليها عالمنشر تتهوى0
وبكذا يكون الكوي مرتين الى ثلاث بالاسبوع بس 000وتقريبا اخذ ثلاث ارباع الساعة فقط كل مره او نصف ساعة

فنه الله يعطيك العافيه ياقلبي
فرعونه 00لاتحكمين على حالك الحين كل اللي فيك بيتغير بعدين ياقلبي0 كلنا كنا كذا واذا فيك روحي لاهلك لحد ماتتحسنين والله
يساعدك ات واختنا ساكون0

السديم حبيبتي 00الله يسخرلك زوجك ويهديه لك ويصب حبك في قلبه صبا00شوفي ياقلبي:
بعد الاستغفار00000ابغيك تشترين كتاب اسمه (السر) لكاتبه اجنبيه وراح تلاقيه بجرير ويجي معاه فيلم عشان تفهمينه مضبوط
ذا الكتاب اذا انت فهيمه راح يساعدك في فهم هالحياه بكبرها ان شاء الله بعد توفيق الله 0 وراح يساعدك في انك تجذبي اللي تبغين بافكاااااارك 0
نصيحه ياسديم اقرأيه اقرأيه اقرأييييييييييه لحد ماتفهمي الزبده0

مولد ي عينااااااك
الله يجزاك خير عالممسحه بروووووووح ادورها تتوقعين الاقيها بساكو ؟؟؟؟

هلا حبيباتي ...ام حمودي سلامة عيالك الف سلامة والله انا خايفة من الشتا ..لان عيالي من النوع اللي كل شتا نفس موالك كده ..حرارة وبخار واستفراغ وفنتولين والله يستر على هالسنة نورة من الان صدرها ماسكها ويصدر اصوات الله لا يوريكم ....عاملتلي حرقة ...
الجمد لله خلص مني الطفش وتنشطت وقلت لازم انتهز فرصة سفر زوجي وغياب عزو عند امي واعمل حملة اسبوعية على الشقة من ..الى .. الاول دخلت غرفة الاولاد فتحتها ونفضتها كلها وشمستها طلعت بطانياتهم والفراشات للشمس اليوم ماشالله حارة ..ورتبت دوليبهم ونظفت الشباك والباب والحائظ وحركت الاسرة كنست تحتهم وكنستها ولمعت الالسجادة بالديتول وشمستها خليتها ساعيتن ودخلت كل شي وهو حار ...
بعدين دخلت على غرفتي رتبت التسريحة ولمعنها ولمعت التحف اللي عليها وحطيت عليها ورود مجففة وشيكت على الدولاب مع انه الحمد لله مرتب ما اتحمله حايس ولا لحظة مايجيني نوم بالليل الا وهو مرتب ...بس بخرته وعطرته .. وعطرت سريري والشرشف وبخرت كل الغرفة وسكرتاه ..وجيت للمكتب رتبت بعض الكتب ولمعت المكتب كله ورتبته واوراق زوجي فرزتها وصنفتها في ملفات ...ولمعت الة المشي بالديتول ..وخلاص بخرته وسكرته ..
كنست غرفة النساء ولمعت شباكها وبابها والجدران ولمعت الصالون والسجادة وبخرتها وسكرتها ...
بعدين الممر والصالة والمدخل لمعت الاثاث اللي فيهم بملمع الخشب وغسلت كل نباتات الزينة ..ولمعت الابواب والالنوافذ والجدران الزيتية بالكلوركس والديتول وكنستهو ولمعت الموكيت والسجاد بملمع السجاد ...وحطيت فواحة فيها عطر زيتي وفواحة فيها فحم وحطيت بخور اسمه تتش مي رووعة ...طبعا نورة نايمة وغرفتها مسكرة عليها ...
مجلس الرجال عملتله مجلس النسا ...
خلاص مازال المطبخ والحمامات اكرمكم الله ..
صليت العصر ودخلت نمت جنب بنتي لعند الساعة 6 ..
راجعت شوية في القران ...لعند المغرب وصليت وابتديت باسمع مع الاخت نرجس على النت ما سمعتني ابدا وانا من يومين ماسمعت لانه خميس وجمعة ما تدخل النت ..والله نفسيتي تحطمت وحسيت بغصة ..كنت متحمسة اسمع بس المايك حلف ما يشتغل مش عارفة ليش ..
نظفت الحمامات تنظيف شامل ورشيت فيهم ديتول ..ودخلت المطبخ على جية عزو.. .اشتقتله حبيبي ...
حطاته امي عندي وراحت على طول مستعجلة بيجوها ضيوف ...لمعت الدولاب من برة وجوة على السريع لانه نظيف ومرتب بس شوية ديتول وخلاص ...والثلاجة نفس الشي شيكت على الخضرا وطلعت اللي مايصلح منها ...ونظفت الغاز تنظيف عميق ..والفرن الكهربائي والميكرويف والكاتل والشفاط ..والطاولة والكراسي من فوق لتحت ..وباب البلكونة وشطفت البلكونة ..ولمعت السيراميك وغسلت شباك المواعين بالكلوركس وسطل الزبالة اكرمكم الله ..ولمعت التحف اللي على الدولاب والصور والساعة اللي على لحائط ..وغسلت المجلى والرخام بالكلوركس وشيكت على الدولاب اللي تحت المجلى ..وكنسته وشطفته ورشيت ديتول سبراي وبس قفلته ..والان الحمد لله كل شي نظيف ومرتب ..عشيت العيال مكرونة بالخضرة والشوفان ..وبدلت ملا بسهم ..باقي اتحمم واقعد ارتاح استنى زوجي باقي ساعة ويوصل ان شاء الله ..

الغالية سوانح : والله ما أدري تلاقينها بساكو ولا لا ، رحت لساكو بس ما دققت هي موجودة ولا لا .. إن شاء الله تلاقينها .. وسعرها حلو 35 ريال .. مستحييييييييييييييييل أستغني عنها .. طريقتي أطلع المنشفة وأحطها بسطل فيه ديتول وكلوركس وماء وبعدين أعصرها نص عصر وأركبها في الممسحة وكل ما توسخت نزلتها شطفتها بمويه بسسسسس وبعدين في السطل اللي فيه الديتول وهكذا ، وتقريبا ما أنزلها إلا مرة لأنها تتحمل .. وبعد ما أنتهي أرميها في الغسالة وتطلع جديدة ..