السلام عليكم ورحمة الله وبركاته
بصراحة يابنات تجبوني وايد وابغى انضم وياكم ..عساني اصير سنعة مثلكم ...
الله يحفظج ياوفاء من العين وشرها ..بصراحة انتي عسل ..ارقي نفسج وبيتج وعيالج ..اكيد اللي صار اللي بنتج عين ..الله يحفظ ..
خصوصا انك كنتي تقولي انك متضايقة ..وولدك مرض ..
عشان تعرفوا اني بتابعكم بس ماكنت اكتب وما كلفت على نفسي حتى اسجل بالمنتدى ..بس انتم حمستوني ..
ام حبيبة الرحمن ..سلامة بنتك .ومبروك ساكون البنت ..والسديم الله يعطيك العافية على اكيك ..
وباقي البنات ما يهونون ..الله قويكم ..
السلام عليكم ورحمة الله وبركاته
بصراحة يابنات تجبوني وايد وابغى انضم وياكم ..عساني اصير سنعة...
المهم ..نفك غلافات فراشات بتاع سريري واسرة الاولاد وغلافات جلسة غرة المعيشة ونغسلهم ونرجعهم ونخيطهم ..
تنظيف الدزاليب حتى اللي ماتسعمليها بكثرة ..نطلع كل اللي فيها ونرتبه من جديد ونهوي الدولاب ونمسحه من جوه بالكلور والديتول والكمفرت ..ونشوف اللي مش محتجة ليه ونتصدق بيه ...
اطفاء الفريز وتنظيفها والتخلص من الاشياء اللي مطولة وواكل عليها الدهر وشارب ...
تنظيف الثريات ..غسل الاطقم اللي في البوفيه بالفيري والكلور ووضع قطرات من الخل الابيض مع ماء الشطف تصير تلمع لمع ..مع تنظيف البوفيه من الداخل وترتيبه ...عمل فلاش للحمامات اكرمكم الله وتنظيفهم تنظيف عميق بجميع انواع المنظفات اللي اعرفها ...
تنظيف ادراج تسريحتي والكمدينات ..وتنظيف المكتب وفرز الاوراق اللي فيه ومش محتاجة لها ..والمطبخ تنظيف الغاز تنظيف عميق من الداخل والخارج لين يصير كانه جديد بمنظف الافران..وتنظيف الفرن الكهربائي بمنظف الافران ..والثلاجة نفس الشي اطفاؤها وغسل كل انش فيها وفك ارففها وغسلهم وتنشيفهم ..الدولاب اخراج كل اللي فيه وتنظيفه بالمنظف تنظييييفه تشيل الغم والهم ..ولا تنسي من فوق هو والثلاجة ووضع جرايد عليهم علشان الغبار او اي نايلون مايكون باين للعيان ..غسل كل التحف والصور اللي في المطبخ وجلي كل الطناجر التيفال او الالومنيوم بالسلك وصابون الغار ..واذا كان سلستين نقعهم في كلو ساخن وجليهم بالسلك والصابون بس لازم من بعد ماتستعملي السلك والصابون تشطفي بالماء وتعاودي الغسل بالفيري والكلور لانه ييصير لون الطنجرة اسود ..تنظيف الاجهزة الكهربائية والشفاط بالكلور وتجفيفهم بفوطة جافة ...بعد ماتحسي ان كملتي كل شيء في المطبخ ..اشطفيه بالفلاش ومن بعده بالكلور والصابون وبخريه وسكريه ماتفتحيه لين تخلصي باقي الشقة ..
نجي للشقة ..نلمع اسطح غرفة نومي الدولاب والتسريحة والشباك والباب ونكنسها بالمكنسة الكهربائية ونلمع السجادة بمنظف السجاد ..انا غرفتي نغسل في السجادة كل سنة ..لاني محافظة عليها ..هي وسجادة مجلس النساء والرجال لاننا مايجينا ضيوف كثير واللي اقارب نستقبلهم في غرفة المعيشة \..
المهم غرفتي بعد ما نكمل نبخرها ونسكرها ..
ومجلس النساء نفس الشيء ..
نجي لغرفة الاطفال نغسل ارضيتها بالصابون والكلور وشباكها وبابها ونطلع الماء على الحمام ..ونخليها تجف ..ونطلع لمجلس الرجال نغسل الارضية والشباك والباب ونطلعه للحمام الخارجي ونغسل المدخل ونشطب عليهم كلهم مع بعض ونخليهم يجفوا ..يبقى الممر والصالة وغرفة المعيشة لانهم يفتحوا مع بعض في حمامهم ..نغسلهم مع ابوابهم وشبابيكهم غسلة وحدة ونشطف بالماء ونطلعه على الحمام ونغسل الحمام بالكلور غسله حلللللوة ونخليه كله يجف بعده نبدا في تفريش السجاد ..نفرش السجاد ةنحط الاثاث ونكون ملمعته من قبل ونحط التحف والصور يكونوا نظاف وملمعين واشجار الزينة يكونوا مغسلوين ..ونبخر ..وشعوووور لا يوصف ..ونكوووون هلكانة من التعب بس الحق انا في التنظيف السنوية نجيب في وحدة او اثنين يساعدوي بس يكون اعصابي تعبن من التعليمات واكون معاهم يد بيد عشان احس ان الحاجة فعلا نظفت ..
هذا كل 6 اشهر واحيانا 8 اشهر ...
وفي تنظيفة شهرية اخف من هكي ...تكون في تنفيض الفرش العجمي وتلميعه بمنظف السجاد وتشميسه وغسل الدواسات ..واطقم الحمامات والمطبخ ..وتنظيف المطبخ كللله على بعضه زي التنظيفة اللي ذكرتها بس بتكون اخف لانه بيكون نظيف ومش متعب بس تنظيف من الغبار والدهون ...والثلاجة مافي داعي انك تطفيها لو مايكون فيها ثلج بس لازم انك تفضي الخضروات اللي فيها وتشوفي اذا في شي خربان ..والغاز تنظيف من برة وجوة بس بيكون اخف لانه نظيف ..وخلاص الاسطح والصور والتحف ..والحمام تنظيف الجداااار لعند السقف وتنظيفه بالفلاش ..
غرفة نومي الدولاب والتسريحوة وغرفة الاطفال غسل العابهم ووضعها في الشمس ..تشميس مجلس النساء والرجال ومجلس الصالة ..تلميع البوفيه والاثاث اللي في الصالة وكنس الفرش وتلميعه بمنظف الفرش ..وتشميس اللي مافي فوقه اثاث ثقيل ..
والتنظيف الاسبوعي يكون بالتشييك على كل شي من اللي فات بس اخف لان الحوسة اقل مادام كل شهر بتمري عليها ..والتنظيف اليومي ..لازم ماتخلي شي متراكم الغسيل يومين بالاسبوع والاحسن ثلاث ايام ..والمواعين ما اخلي كوب بالمجلى يعني مش حنتعب ابدا بعد الوجبة .. اذا توسخ شي اغسله على طول بيكون تنظيفه سهل ..والكوي نكوي كل يوم بيومه اسهل لي ..مانحبش الوقفة على المكوى وزوجي لبسه كله رسمي ..معظمه الكوي في المغسلة ..
دولابي ودولاب الصغار كل مانحط غسيل مطبق نشيك عليه يعني مايحوسش ..ودولاب زوجي يوميا مع ترتيب الغرة لانه فوضوي ..
دولاب الاحذية اكرمكم الله لازم يوميا لانه لو في حذاء فيه ريحة يتنظف ويشمس ..وتنظيفه من الغبار من الداخل ولاخارج ...
ايش كمان ..؟؟؟ الجدران والابواب والنوافذ على حالة الطقس اذا مطر ومافي عبرة عادي حتى كل شهر بس لو جي عجاج على طول تنظيف ..الدرج والبلاكين ايضا حسب الجو لو الجو كويس اسبوعيا او كل اسبوعين والدرج انا وجارتي نتعاون عليهم ...
اتمنى اني نكون مانسيت شي ..ونتمنى نكون افدتك ..ولو في اي استفسار انا حاضرة ...