ماشاء الله عليكم ادهرتوا الله يعطيكم العافية

انا العصر كلة في غرفة عندي حاطتها مستودع كانت غرفة شغالتي الاولى وفيها دولايب مليانه من الغث والسمين

فيها ملابس حملي وملابس الشتاء وهدوم بنتي والنعالات الله يكرمكم وفريزر وجلست اصفيها كل يوم شئ

ويوم اذن المغرب رحت اذاكر لولدي سنه اولى بس مرة متعبني ع الاخر وذاكرت له وبعدين سويت لهم عشاء خبز الجنوب

مع عسل ويوم جيت الا ولدي نايم ع الدفتر وشلته لغرفته وذاكرت للكبير وعشيته ونام وابو الشباب سلق له بطاطس

واكلة وصلح له شاهي وجلس ع التلفزيون وانا قمت اتصلح ولبست بنتي وطلعت عليه قال ماودك تهونين من الطلعة

ماالومه كنت اشتغل وشهباء لهباء دخلت بوجه وطلعت بوجه هههههههههههههههههههههه

قلت الجايات اكثر ورحت لجارتي جلست الين 12 ورجعت اكمل الغرفة وحسست من الغبار قلت باجلها لبكرة لان زوجي

مستلم النهار كلة وسلامتكم

سالفتي مع شغالتي سالفة يوم حملت بولادي الثاني جبت اندونسية لاني حملت والاول صغير مره

وكنت بازة بها مرة واعجبتني الراحة وسلمتها الخيط والمخيط وانا كثيرة طلعة وهجولة فكنت اخليها في البيت

واطلع كل يوم يامع الجيران او مع ابو الشباب وجلست عندي اربع سنين بس للمعلومية عمري ماخليتها مع زوجي في

البيت لاني ادري انه حرام وزوجي من النوع البيتوتي فصارت ترسم عليه وانا موجوده وانا ياغافلين لكم الله وبحكم عمله

كان يجي البيت الفجر فكانت تحاول تقابلة وتطلع له ووحده الله يجزاها خير علمتني عنها وقالت تراها تتمدح عند الشغالات

تقول ان زوجك يحبها وانا انفجعت لاني كنت اثق فيها مرة وقررت اسفرها من غير ماتدري وفتشت اغراضها ولقيت معاها

ملابس داخلية ليه ماخذتها من سلة الغسيل وصور حسبي الله عليها ومعاها ارقام ناس في السعودية وقلعتها مع اني كنت

مدلعتها موووووت بس انذال وتخيلوا سفرتها وانا حامل ببنتي في شهري التاسع وبعدها حلفت ماعاد اجيب شغالة ويوم تعبت

من الشغل شريت شغالة سيرلانكية من وحدة وماجلست معاية الا شهر ونصف كانت تضرب اولادي ع اتفه الاسباب وشغلها

بايخ وتحب تنام اكثر مني وتكذب بكثرة وبعدها هربت الله حسبي عليها قهرررر الفلوس بس الله يعوضني خير

فنه

يؤ يؤ .. وش هـ القصص الاجرامييييييه .. يالله

على كثر شغالات اهلي يارب لك الحمد ماوصلت لهـ الدرجه

بعذرك والله تحرمين الشغلات تحرييييم

.
.
السديم

خلطتي للمسح مو كل يوم يعني مثلا اليوم تمسحين بديتول وكلوركس وبكرى تمسحين بالخلطه العطريه يعني هـ الخلطه

تكون بعد نظافه او اذا كان البيت نظيف ..

ومن ناحية اكتئابي .. لاني مشتاقه لهلي حيل لانهم في الرياض وانا بالقصيم عقب ثالث يوم من العيد ماشفتهم ..

وابو الشباب طينهاااااا معي اليوم :icon33:

غريبين هــ الرجال يغلطوون عليك ويبوونك تعتذرين

صراحه انا كل مره اعتذر حتى لو هو الغلطان بس هـ المره زعلت وبقوه بس والله مافاد معه ونايم بسابع نومه :mad:

مقرره اقوله يحطني عند اهلي اسبوع علشان اريح من الضغوط النفسيه اللي مكهربه بيننا :44:

.
.
جرح وراء جرح

تسلمين ياغاليه

عبائر مبروك اللاب توب الجديد

الله يبارك لك فيه

عاد نبيك تتواصلين معنا زي اول

اول كنتي مو براحتك عشان اخوان زوجك بس كنتي ما ساء الله ممسيه الملف

الحين نبي نفس الشي عشان تنسي وتغيري جو


انا كالعاده اكلم نفسي وما تردون علي
لا تشرهون علي لا غبت عنكم
انا مو زعلانه منكم بالعكس بس مو حلو الواحد يتكلم ومحد يرد عليه

مشكوووره السديم انتي اللي رديتي


الله يقويكم سنعات
وراح اقرا ردودكم يوميا لاني احب اقرا اخباركم ويومياتكم
بس اعتذر عن المشاركه الا بين فتره وفتره

الله يوفق الجميع
تحياتي

هههههههههه نفس الحاله الله يعين بس..
مايقهرني الا اذا شافني عند اللاب توب
يجي ويقول ماما خماس(يبي يشوف ام خماس الي بمسلسل فريج)
يموت عليها..
واحط عليها واخليه يناظرها وهو مبسوط..
الله يهدي اختي محمله كل حلقاتهم وتشغلها
اذا جينا عندهم وينبسط عليهم..
اليوم المغرب بزور صديقتي والده
تروحون معي..؟
امس لبسته كلوت وانبسط مره..
وجالس يطامر ويلمس الي وشسمه:22:
مسيكين وليدي تنفه(تهوى)
هههههههههه
بس القهر فتحت باب الحمام بدخل اتوضأ لقيته بوجهي
قلت تبي حمام وساكت ويناظرني
وسواها على نفسه ياربي قهرررررررررررني
ولبسته بامبرز على طول..
مااتحمل ياربي وش اسوي
ياربي سهل علي تعليم ولدي الحمام
آمين