محتارة جدا بين المواساة والدار
ولما فكرت في اﻻلماني زوجي رفض
والمطبقاني ولدت فيه زمان وكرهته لانهم عذبوني وولدوني بالشفط
المواساه متغير بس وﻻداتي اﻻخيره فيه يعني حافظه طريقتهم واسلوبهم وغرفة الوﻻده وكل شي
والدار تجربه جديده بالنسبه ليا واحسن وحده فيه نجوى وربي ما اراد اني ادخل عندها ابدا فخايفه اجربها واندم

المشكله ما عندي وقت كتير خلاص يومين واخلص التاسع وانا لسه ماقررت
اللهم اني وكلتك امري فكن لي خير وكيل ودبرلي اموري فأني ﻻ أحسن التدبير

يابنات الحقوني وشورو عليا انا ف الاسبوع 36
رحت موعد مراجعه ف المستوصف الحكومي معا اني اتابع ف الالماني بس دكتورتي اللي ف الالماني قالتللي مايحتاج اسويلك تحالليل جيبي اللي مسويتهم في المستوصف
المهم رحت موعدي ودكتورة المستوصف سوتللي سونار وقالتللي مويه الجنين مرا نازله واعطتني تحويل مستعجل على مستشفى الولاده وعلى الطواري حتى فجعتني وقالتللي على طول حتى البيت لا ترجعيه وخرجت من عندها طيران على الولاده كشفو عليا الرحم مقفل وسوللي تخطيط الحمد لله نبضات الجنين كويسه وحجمو كمان الحمد لله
ونوموني يومين وسوللي سونار وقالو مويه الجنين 7 ونص انا مو عارفه الطبيعي كم اصلا ولمن اسالهم يقولوللي مويه الجنين لووصلت 5 يعني خطر بس ماقالو الطبيعي كم ؟
وخرجوني وقالو لو نزلت مويات كتيرة تعالي على الطواري
واعطوني موعد بعد 10 ايام
انا اصلا مانزلت عليا مويات ابدا وقلتلهم يقولو متاكده انا متاكده اللي كان ينزل عليا افرازات شفافه زي المويه العاديه قد نص الملعقه الصغيرة بس وانا احسبها افرازات عاديه
وعندي مغص بسيط زي مغص الدورة
المشكله دحين خايفه استنى احس 10 ايام كتير واخاف على البيبي وتنزل المويات وانا مدري
والا اروح موعدي ف الالماني بعد يومين كدا واسال عن نسبه المويه كم وصلت واسوي سونار عندهم والا ايش اسوي والله محتارة
وامي حبيبتي بدات تزن وتقول بلاش الالماني وتقولي روحي مستشفى الولاده افضل واضمن والله مخي صار يودي ويجيب
معليش طولت عليكم ياريت تشورو عليا انتو زي اخواتي واكتر لو كنتو مكاني ايش حاتسوو واللي تعرف كم نسبه المويه الطبيعيه تقوللي

المفروض سألتيهم روحي موعدك في الالماني واطمني
وحاولي تشربي مويا زمزم كثير ان شاء الله مافيك الا العافيه

روحي واتطمني لاتستني عشره ايام كتير
واستخيري في اﻻلماني