صباحكم ورد صبايا
سامحيني ام لين ع التأخير بس تعرفين النفاس وشغل البيبي وغير كذا أنا قاعدة ببيتي وكرف ع أصوله
أنا حكايتي حكاية يوم السبت الماضي خلصت التاسع وكان عندي موعد فأجلته ليوم الأحد والنفسيييييية كانت زفت مره يارب لك الحمد إتصلت ع الدكتورة هدى وحجزت موعد ع الساعة عشرة لأن دايم آجي وزحمة موووت وللعلم أنا بحكم عمل زوجي ساكنة بمحايل يعني ساعة ونص مسافة الطريق المهم قمت يوم الأحد وصليت الفجر وسويت ثلاجة قشر وزنجبيل وحليتها بعسل ورجعت أنام الساعة ثمانية صحيت زوجي ولبست ولدي وخذيت شنطتي وأغراض الولادة وطلعت وأنا ناوية أطلب الدكتورة طلق صناعي وف الطريق قعدت اتقهوى من القشر لعل الله ينفعني به ويجيني الطلق وصلنا المستشفى ع الساعة عشرة وكان زحمة مره بالأستراحة وأكلم الممرضة قلت عندي موعد عشرة وتطنش وأرجع أكلمها بالأخير دخلتني بعد ساعة وتجي الدكتورة تسوي أشعة وقالت كل حاجة كويسة روحي وإذا جاك ألم تعالي قلت مكاني بعيييد مره وع ولدي الأول ولدت ف العاشر بطلق صناعي قالت تبغين أكشف عليك وأشوف إذا الرحم مهيأ او لا خفت بالبداية بعدين قلت خل أخلص أحسن وكشفت وكانت الصدمة قالت إنتي ماتحسين بألم قلت مغص خفيف مره مايذكر قالت ماتصدقين لو قلت لك الرحم فاتح ستة وبعد الكشف وصل سبعة يلا تنويم قلت خلاص بأطلع وأرجع قصدي أحط ولدي عند أختي لأنه ثلاث سنين ومتعب الله الله يصلحه قالت لا خلاص تنويم طلعت للتنويم وبدأ الألم دخلت الغرفة وجات الدكتورة منى وخذت مني دم وركبت لي المغذية وشوي جات الدكتورة تكشف قالت يلا غرفة الولادة ويارب لك الحمد ولدت ببنتي جوانا ع الساعة وحدة إلا ربع بالنسبة للمستشفى فصراحة الغرفة والحمام خايسة وأثاثها معفن والكرسي يكسر الظهر ويتعب ف العظام صحيح ريحة المطهر تملى المكان لكن كل شوي يدخل ذباب والحمام فيه صرصور من أول ماتنومت لين خرجت وهو موجود أما بالنسبة للكادر الطبي فلا يعلى عليه وهم مظلومين بوجودهم بذاك المبنى الخايس الدكتورة والممرضات وممرضات البيبي والمنظفات يعني إهتمام ع الآخر بس المشكلة بالمكان طبعا"أنا بولدي البكر ولدت ف محايل الأهلي ولما وصل الرحم ثمانية دخلوني غرفة الولادة وعطوني كمام بنج وماحسيت فيه لما طلع لكن بالرحمة لا تألمت كثيير وحسيت بخروج الراس وهذا إللي ماكنت أبغاه عذاب نفسي فنصيحة إللي ولدت ببكرها وخذت بنج لا تروح عندهم لأنها راح تحس بكل شي الدكتورة شاطرة وخياطتها جدا" مريحة وحلوة وهي تسأل إذا ابغى تضويق او لا وصراحة الله يعطيها العافية ماقصرت فرق بينها وبين خياطتي ع بكري يارب لك الحمد ف الأول والآخر وشكرا جزيلا" لكل وحدة دعت لي وردت علي
وتراي مانسيتكم ودعيت لكم كلكم وخصيت ألماس لأنها طلبتني وأعذروني ع الأطالة وسامحوني وإدعوا لي يصلح لي ربي زوجي وعيالي
وأستودعكم ربي الذي لا تضيع ودائعه

ماشاء الله يا درر عقبالنا ياااااارب والله اني في هم من الولاده كل مايمر يوم يزيد خوفي احس اني قربت الله ييسر على كل حامل وتولد بالسلامه

بنات عادي اللي بالنفاس تقوم تشتغل بالبيت وتكنس وتطبخ يعني مايأثر عليها ولا على الخياطه
معليش ع السؤال لان بولادتي الاولى كنت عند اهلي وهذي ودي يكون نفاسي في البيت

درر الله يعطيك العافيه والله هذا اللي خايفه منه لحظة خروج الراس وانا ناويه اولد بابها الخاص وافكر اطلبهم يبنجون لي المنطقه قبل الولاده والله ييسر
لولي الصغيره عادي انا ولادتي ببنتي كنت ببيتي اول اسبوع ماتحركت بس بعدين اشتغل بس شغل خفيف يعني اذا فيه احد يساعدك خصوصا الكنس والاشياء الكبيره يكون افضل لك والله ييسر لك

عادي يالولي .......بس بدون ارهاق اوكرف يعني شي بسيط على قدحالتك وخلي ابوالشباب هوالي يسوي وش وراهم