مساء الخير رجعت لكم بقصه ولادتي انا ولدت في مستشفى الحياة الوطني واللي ولدتني دكتورة ناديه كانت مناوبتها المهم انا كان عندي موعد يوم الخميس الظهر عند دكتورة فرحات وكنت تعبانه مررة احس بالام دورة قويه والم في ظهري وتحجر مؤلم في بطني وقلت لها كشفت عليه لقته فاتح 3سم قالت تنويم خلاص ولادة انا رفضت لأني بحملي السابق كان مفتوح نفس الشي وجلست يوم كامل عندهم وطلق حااااار تعذبت فخرجت ع مسؤوليتي وجلست طول ذاك اليوم تعبانه كل شوي يجيني الم طلق واقول خلاص بولد ويروح ويرجع بعد ساعه او ساعتين يعني غير منتظم ويوم صار يوم الجمعه قلت خلاص بروح الصباح اذا ماجا طلق منتظم وسبحان الله في عصر الجمعه بدأ الطلق وجلست احسب له كان كل ربع ساعه بعدين عشر دقايق يوم صارت الساعه خمسه صار متقارب مرررة جهزت شنطتي ورحت المستشفى مالقيت الا الدكتورة المناوبه مو ناديه طبيبه عامه واستدعوا ناديه لكن الله يسامحها تأخرت مرررةبس مالومها وقت فطور هههههه دخلوني غرفه الولادة وكشفت عليه هذي الدكتورة لقته مفتوح خمسه سم وجلست مع ذا الطلق الله يكتب الأجر لساعه 8ونصف طلبتهم كمامه او ابرة عضل تخفف الألم رفضوا يعطوني ابرة عضل يقولون خلاص قربتي ماينفع والكمامه عطوني اياها لكن والله ماخففت الألم نفسه وبعدها وصلت مرحله الدفع قلت لدكتورة خلاص بولد قالت نستنى الدكتورة قلت ماعاد اقدر ويوم شافتني خلاص منتهيه قامت فتحت مويه الجنين الا واحس بدفع خلاص بولد على دخلت الدكتورة ناديه سبحان الله وربع ساعه بعدها ولدت الحمدلله بس طلعت بنتي زرقاااااا خفت مرة لأن عيالي ماكانوا زيها لما طلعوا طلع الحبل السري ملفوف على رقبتها لكن الحمدلله ربي ستر وخلوها تحت الملاحظه 24ساعه خوفوني والله يقولون نراقب اجهزتها الحيويه هل تأثرت ولكن الحمدلله طلعت سليمه من فضل ربي الدكتورة ناديه كانت رائعه صراحه صح انها تأخرت لكن كان اسلوبها حلو مررررة يشجع ويحمس هههه وطلبتها خياطه مضبوطه بس شدتها مرررة احسها تألمني مرررة مااقدر اجلس زين الله يعين اما العنايه في المستشفى كويسه بس صراحه ماعاد صار فيه اهتمام كثيرررر زي اول يهتمون بس مو مرة حسيت فيه فرق وكلفتني الولادة مع غرفه خاصه وتحاليل صفار لبنتي 5600 جلست يومين في المستشفى علشان تحاليل الصفار وبعدها طلعت ولله الحمد والشكر وعقبال كل الكروشات الباقيات والله يعين نخلص من هم الثقل والألم نجي في هم البيبي والسهر والرضاعه والخياطه الله يكتب أجرنا
ألماس
الحمدلله على سلامتك
وألف شكر على سرد قصتك...
أفدتينا جميعاً
وأتوقع قلة الإهتمام بسبب زحمة الإجازة ودوام رمضان
إن شاء الله يرجعون مثل أول
لأن مشكلة أدفع فلوس وألقى قلة إهتمام
الحمدلله على سلامتك
وألف شكر على سرد قصتك...
أفدتينا جميعاً
وأتوقع قلة الإهتمام بسبب زحمة الإجازة ودوام رمضان
إن شاء الله يرجعون مثل أول
لأن مشكلة أدفع فلوس وألقى قلة إهتمام
الصفحة الأخيرة
كيفكم بنات
حبيت اسالكم عن الدكتوره سوسن في مستشفي حسن البار
انا ع حساب جميع المستشفيات اللي رحتها كل 18 من كل شهر ادخل شهر جديد
رحت لها امس صدمتني تقول انتي توك في الاسبوع 31 يعن توي ادخل الثامن باربع ايام
وولادتي تكون في 4-11 هجري
وانا اخر دوره لي كانت في 4-1 هجري ؟
هل ممكن جهازها حسب غلط مع انها اشعه رباعيه