صباح الخير على الجميع

وحشتــــــــــــوني كثير...الف شكر لكل من سأل عني بدون استثناء...والله انكم غاليات علي

سامحوني على الغياب ...غصب عني عندي ظغوط اجتماعيه صعبه مره

مخليه وقتي ضيق ونفسيتي اصعب ...عشان كذه ماقدرت ادخل اشوفكم

محتاجه دعواتكم يابنات الله يصلح الاحوال ويحقق لي مناي ويريح بالي يارب

وان شالله بكون معكم دايما كل ماقدرت وبرد على الجميـــــع

غلاوي الله يصلح حالك ويحققلك مناك ويريح بالك يارب ومابعد العسر الا اليسر ان شالله

عديده : اعرف وحده ماشاء الله مره متينه ومايصلح لها الا بنج نصفي والحمدلله شوفيها بخير ماشاء الله انتي توكلي على الله وهونيها وتهون وان شاء الله يقر عينك بشوفة ضناك وانتي بصحه وسلامه
فضول: عمر ولدك قريب من عمر ولدي اعطيه دواء حق المغص توه جديد نازل السعوديه من فرنسا هو اذا بغيتي اسمه قولي لي يهديه اشوي من المغص ماالومهم مساكين المغص يذبح الكبير مايتحمله
فجورره : عندك بعد الخباز حلو حلوياته وفيه اللي يشتغلون بالبيوت بعد واعجبني بعد مره وحده قدمت لنا ضيافه ايس كريم عود بس كبر الاصبع وروووعه طعمه
ام كوني: البخور مرررررررره ممتاز للهواء انتي تقولين ماانتي مقتنعه قريبتي كنت انا معاها نفاس تخيلي مسكينه جاها هواء نفاس وهي بداية نفاسها مااااااااااااتت من الالم اعطيتها من البخور اللي عندي ماشاء الله تبخرت تقول الحمدلله ارتحتا حييييييل
اعرف وحده من قرايبي تمرخ تسولف من الحريم اللي جوها وحده ماحملت 10 سنين وهي مابقى شي ماجربت وسبحان الله مافاد تقول اعطيتها البخور واستخدمته ثاني يوم للدوره جتها الحرمه تقول لما تبخرت تعرفين حنفية المويه لما تفتحينها وهي علىالبخور ينزل منها مويه ومو راضي يوقف الماي استخدمت البخور وقت الدوره والشهر اللي بعده هي حامل طبعا طلع السبب المويه مانعه الحمل سبحان الله
غلاوي: الله يسهل امرك يارب ويفك ضيقتك ويرزقكك ماتتمنين يارب
احاسيس : هو حلو تسافرين تغيرين جو قبل النونو واللي موحلو بالسالفه الثقل والمشي ولو لاقدر الله تعبتي وين تروحين لازم تروحين للدكتورهوقولي لها عن وضعك

صباح الخير يا حلوات شلونكم ؟

اول شي .. غلاوي الله يصلح حالك ويحقق لك مناك ويريح بالك يارب

و ثاني شي .. أمس رحت حجزت زينة غرفة المستشفى من بارتي لاند و خليتها بسيطه و ناعمه لأني بسوي زينه ثانيه بالبيت اذا طلعت ان شاء الله .. و رحت بمبينو و بستاني
بمبينو حليو بس غالي و صراحه مو على سعره يعني لو بدفع هالأسعار باخذ لي من باتشي أكشخ و أوجه و نفس الأسعار تقريباً ..
و بستاني عجبني شغله بس قال لي اذا بتطلبين تشوكلت أسامي لازم أقل شي كيلوين بـ 550 أظن و قلت صراحه ماتسوى لأني طالبه من باتشي و أكيد بتجيني شوكولاتات كثير فما طلبت من عنده .. و انقهررررررت لأنه قال ما نقدر نسوي توزيعات الا بعد شهر لأن بتجينا اغراض التوزيعات الجديده بعد شهر :(

و التوزيعات للحين محتاره صراحه .. بس شكلي خلاص باخذ من باتشي و أفك عمري ..

و ايييه صح نسيت أقول لكم أمس بالليل نزل علي شوي دم الله يكرمكم و خفت رحت المستشفى و ركبولي جهاز التخطيط ساعه الا ربع تقريباً و قالولي مافي طلق و النبض زين الحمدلله و الرحم مسكر .. و قالولي روحي البيت و اذا نزل عليك مويه او حسيتي بألم تعالي لنا .. و الله يسهل يارب

ام الفراشتين الله يسهلها ان شالله

راجيه الجنه

الله يقومك بالسلامه يارب ولاتخافين الله معك


بس بغيت اسالك بكم كلفتك زينة المستشفى وعباره عن ايش بالونات على الباب او ايش