ولادتي بسعد
طبعاكانت جدا صعبه
كملت التاسع ولا عندي طاري ولاده
صرت اتابع بعدها كل يومين يحطون علي جهاز لقياس الطلق ونبضات البيبي واختكم بالله ماحولها ولاده
كملت ٩ ايام بعد التاسع وقررت لي الدكتوره ادخل بكرا طلق صناعي
طبعا وافقت لاني كنت مره منتهيه من التعب والثقل
رحت الصبح الا كل شي جاهز غيرت ملابسي وحاسو فيني شوي وعطوني حقنه شرجيه ومن بعدها طيران للحمام وانتم بكرامه
خلصت الا تجي الدكتوره تشوف الرحم مفتوح او لا قالت ٢ سم بس لكن راح نركب عليك مغذي ونعطيك ابره عشان تحمي الطلق عندك وباذن الله كلها ساعتين وانتي والده
قلت الزوجي ياحليلهم اجل الموضوع سهل كذا اجل ليه الحريم يكابرون هههههههه
شوي الا مت من الالم
وتجي التقيس الدكتوره قالت لسه
مادريت الا جاني الدكتور عدنان عاشور يقنعني بابره الظهر وانا رافضتها
قال ولادتك بتكون صعبه راح تتحملينها قلت ايه
نسيت اقولكم ليه صعبه لان حجم البيبي فوق ٤كيلو ماشاء الله
وقالو قيصري قلت لا ليه مااقدر اولد طبيعي قالو الا تقدرين لانك طويله والحوض عندك يساعد
فقلت خلاص بجرب واذا ماقدرت نحولها قيصري
حتى زوجي موقع على القيصري ودافع تامين للقيصري
المهم جت دكتورتين يكشفون وانا اصرخ من الالم اثر كانت تحاول توسع الرحم بيدها عشان ينفتح اكثر
وتجي ١١ وانا ميته من الالم والتعب وامي وزوجي عند راسي
وانا دموع وادعي قلت اثر الموضوع صعب والحريم مايبالغون
اذن الظهر وانا لسه نسيت اقولكم ركبو لي قصدره بول وانتم بكرامه لان مايبوني اتحرك بالاضافه للمغذي المشبوك وكل شوي ابره
جاني الدكتور قال الولاده تعسرت والرحم مو راضي ينفتح فلازم يتدخل استشاري ومافيه وقتها الا رجل
قال زوجي كيفه يدخل عادي
وطبعا كمادات ماء حار تحت ظهري من شده الالم ماحسيت انهم موجوده الكماده
وعلى وحده الظهر يدخل الدكتور ومعه ممرضتين تحت عند رجولي و ٢ عند راسي وزوجي امي ماتحملت طلعت
ودكتوره اطفال واللمرضه حقت الاطفال
عطوني ابره بالفخذ والكمامه
ومحاولات دفع ويقول الدكتور ساعديني الراس واضح وشعرر البيبي باين بس ادفعي وكنت اصيح ماااعرف مااعرف طبعا صياح دموع مو صراخ
نسيت اقول انهم فاتحين كيس المويه من حدود ٩ الصبح عشان كذا مايبوني اتحرك
وخلال هالحوسه كلها طبعا مشبوك فيني جهاز تخطيط الطلق ودقات البيبي
ماسمعت الا الدكتور يقول للمرضات جهزو غرفه العمليات قيصري
وانتي يام كوني اخر محاوله لان النبض بدا يضعف والبيبي بخطر مانبي نفقده
وكم دفعه والممرضات يحاولون يرفعون ظهري والحمدلله ولدت بعدها يابنات اول ماطلع البيبي قسم بالله من التعب زي اللي اغمى علي
نمت اسمعهم بس نايمه ماصحيت الا لما صحاني زوجي يقولي حمدلله على سلامتك
سالته عن الولد قالي بخير ماعليه بس بحكم ان حجمه كبير وتعبان من الطلق يسون له فحوصات يتطمنون عليه
وامي لقيتها عند راسي تقولي ارفعي ظهرك يبون يشلون الكماده وانا اقول وش كمادته مير محس ان تحتي شي
واناظر الا الدكتور باقي
قلت توك يادكتور قال ايه ونمت والله ماحس بالخياطه ابدا كنت مستويه
كنت اصحى وانام
المهم خلص الدكتور وجو الممرضات لبسوني البانتي وعطوني فوط فيها زي الثلج يكسرونها وتبرد ويحطونها لي
ومن سريري بالغرفه الي السرير الثاني ماخلوني انزل
طبعا ماكنت ادري عن شي واحسب الحريم كلهم كذا
حتى الحمام وانتم بكرامه قالو ماتروحين له الا لما تدقين علينا جرس
قلت ايه يدلعوني
رحت الغرفتي والبيبي مو معي مازال فحوصات
ارتحت بغرفتي طبعا ولدت على ٢ الظهر تقريبا
جاني الدكتور اللي ولدني وعدنان عاشور معه
قال تعتبرين امره قويه وصبوره اللي تحملتي كل اللي جاك
كان زوجي وامي عندي
قال اللي ولدني طبعا حنا فاتحين للبيبي لكن سبحان الله فتح هو زياده وسبب تشقق بجهه ثانيه
واضطرينا نخيطك من داخل وبرا تجميلي
لكن الوضع مستحيل يترقع بالخياطه العاديه
ولازم كل ١٠ ايام متابعه بعد الولاده نخاف يجيك التهاب
مرت الايام وانا اروح له
كل ١٠ ايام يكشف هالدكتور خلصت ٤٠ يوم وانا لسه مانخاط الجرح كان عندي غرزتين مفتوحه
لان جاني التهاب وهو اللي سبب عدم التئام بالجرح
قال بعطيك كريمات واذا مافاد بنخيط هالغرزتين
والحمدلله عدت الايام ولا احتجت
اخر موعد جلس يكلم زوجي ويقوله بشويش لانها راح تتعب
وصحيح بعد ولدي تعبت حسيت اني اضوق من يوم انا بنت
ومع مرور كم سنه بديت ارتاح شوي ولا ارتحت صدق الا بعد بنتي

هذي هي ولادتي وترا فيه تفاصيل صغيره ماحطيتها مثل سالفتي انا وزوجي والدكتور يسمع قلتها بملفي الاول
وحبيت اطمنكم ولدي كان تمام صحته

السلام عليكم ..

ماعندي شي بس حبيت اسلم عليكم خخخ

ولا تدرون دامي دخلت طرا على بالي سؤال ..

مين تراجع عند الدكتوره محاسن في سعد ؟؟

ودي بها هي تولدني بس قالت انا ما اولد الا قيصري .. و الطبيعي لو كنت مناوبه بس اشرف على الولاده

هل القابلات كويسات ؟

هل الاخصائيات يولدون طبيعي ؟؟

مين افضل طبيب تخدير ؟ لاني ناويه اخذ ابرة الظهر ان شاءالله

كل هذا و ما عندي الا سؤال ههههه

معليش اول مره ادخل تجمع

ام كوني الحمد لله على سلامتك ..

تراك خوفتيني وانا بكريه :(

يالييت تعلمينا مين الدكتور اللي ولدك ؟؟ و مين دكتورك اصلا اللي كنتي تتابعين معاه ؟ ومين الدكتوره اللي جاتك اول شي ؟

وكيف تعاملهم كلهم

ياا كثر اسئلتي ادري هههه

طبعا ليه فوط بارده كانها ثلج لاني نزفت فيبون يوقفون الدم
الخياطه كانت حدود ٢٠ غرزه والله ماابالغ بين داخليه وخارجيه

والله يسلمكم جميعا وهالولاده كانت نهايه ٢٠٠٣

بالنسبه الي يولدون اخصائيات
اغلبهم تمام
القابله تقابلك لين يجي موعد الولاده تجيك الاخصائيه
بالنسبه الابره الظهر ماعندي فكره

اللي ولدني طبعا قبل ٨ سنوات مره عسل
تخيلو معطيني رقم جواله يقول لو احتجتي شي لو اخر الليل دقي
اسمه محمد الحسيني مصري
اللي كنت اتابع عندها اي احد الفاضي
اللي حاولت تولدني وحده اسمها ايمان والثانيه مدري لانها كشفت وراحت
بنظري اهتمامهم حلو
وبالهم طويل لانهم كانو يحاولون يولدوني طبيعي قد مايقدرون مو مثل مايقولون الناس انهم يستعجلون بالقيصري