امين يارب
الله يرزقك الذرية الصالحة

احلام ورديه
حمدلله على سلامتك ربي يحفظه ويرزقك بره

امل
الله يفرحك ويرزقك الذريه الصالحه

الله يسلمكم جميعا ..
ولدت في الاحمدي عند الدكتوره فوزيه
يابنات لاتنسوا هذا الدعاء ( ربي يسر لي الخير وسخر لي عبادك الصالحين )
ولاتخلوا تفكيركم بدكتوره او مستشفى !
انا كنت كل حملي ادعي بهذا الدعاء وسبحان الله يوم الخميس في الليل شفت بقعة دم من غير الم ولاطلق
ورحت المواساه لأني كنت مرتاحه للمواساه والاحمدي ..
كشفت عليا الدكتوره غاده وكان الرحم مفتوح 2 سم وكانت راح تكتب لي دخول بس انا رفضت ّ
قلت لما احس الم اجي لأني كنت خايفه اطول ..
رجعت البيت وانا خايفه وشايله هموم الدنيا ومانمت الليل كله من القلق والخوف !!
ويوم الجمعه الظهر وصلت حدي شوي وابكي من تعب الانتظار والقل النوم طبعا الى هذا الوقت وانا مامعايا الام ولااحس بطلق قلت لزوجي خلاص ابغى اروح اطلب عمليه ابغى واتصلنا ع المطبقاني وقالنا سعر العمليه 10 الاف
ولبست وسلمت على بناتي وطلعت ع اساس رايحه المطبقاني ..
وفي الطريق قلت لزوجي خلينا نروح الاحمدي بما انو قريب من بيتي ماادري ايش غير رأيي فجأه !!
رحت الاحمدي واول مانزلت من السياره نزلت عليا مويات !!
وطلعت للدكتوره فوزيه وكشفت عليا كان الرحم مفتوح 4 سم سوت لي سونار واخذوا مني عينات للتحاليل لأني ماكنت اتابع عندها وماتعرف عني شي على كلامها وسألتني اذا كنت ابغى تجميلي والا لا قلت لا لأني وقتها بس ابغى اولد واخلص وندمت بعد ماولدت ..
دخلوني الانتظار وحطوا اجهزتهم وولدت قبل العصر والحمد لله ..
احلى شي انهم حطوالي منوم بعد ماولدت مباشره ماحسيت لابتنظيف ولاخياطه .. ماصحيت الا وهما يودوني غرفتي
المستشفى روعه بمعنى الكلمه من ممرضات ودكتورات ( مروا عليا دكتورتين بس ماعرفت اسماءهم ) ومسكنات بعد الولاده ..
كنت اسمع انو قسم التوليد في البدروم !! بس لما رحت كان في الدور الثالث
الشي الوحيد اللي ضايقني فيه انو الغرفه اللي انا فيها مافيها شباك ماتعرفي انتي بليل والا نهار اللي تحب تولد فيه تنتبه لهذي النقطه لأن فيه غرف على الشارع ..

احلام ورديه الحمد لله على سلامتك والحمد لله ان ربي سخرلك الدكتوره فوزيه

لانها سيئه جدا وماديه لاابعد حد كنت اراجع عندها بحملي اللي قبل وكانت تززززعل وتعصب اذا سويت التحاليل برى وتقولي مايصحش وكنت انزف بداية اجهاض وبتدخلني تنظيف وهي مهي متأكده الجنين نزل والا لسى غير رحت مستشفى ثاني

عشان لها نسبه من المستشفى وقريبه لي وربي مات ولدها اول ماولدت بسبب الدكتوره فوزيه خطأ طبي

وقريبه لي ثانيه كان كيس الجنين مخروم بالشهر السادس وماقالتلها وجاتها ولاده وتوفى الطفل

وربي هذا اللي صار معاي ومع قريباتي مازدت ولاحرف بس حبيت انبهكم

احلام وردية الحمد لله علي سلامتك وسلامة البيبي 
تصدقي نفسي اولد في الاحمدي بس مترددة 
بس ياريت تقولي كم كلفتك الولادة انا اراجع فيها عند الدكتورة رحاب