الملف العــــــــــــ 10ــــاشر لــ((خبرتي+خبرتك)) بمستشفيات المنطقه الشرقيه

غلاوي22 :

وهنا مجموعة اقتباسات لتجارب بعض اخواتنا العضوات تجربة العضوه(ام كوني)...بمستشفى سعد التخصصي...ولاده طبيعيه راح اذكر لكم تجربتي بسعد يوم الثلاثا بدا معي اسهال وترجيع وانتم بكرامه ومن شده التعب كانت معي دوخه تحملت ولا رحت المستشفى الا الاربعاء بالليل دخلت الطواري جاني الممرض قالي ولاده قلت فال الله ولافالك قام يضحك المهم حطوني بالعربيه وسالوني كم سوال ورقوني قسم الولاده حطو لي تخطيط طلق ودقات قلب البيبي جتني دكتوره فاديه كم سوال سالت قالت بحط لك مغذي وادويه بالوريد وبنشوف اذا معك طلق بنكشف وجلست الى 3 ونص الفجر تحت الملاحظه جت الدكتوره قالت معك تقلصات وطلق خفيف قلت بطلع قالت خلاص كملي المغذي ونطلعك رحت للبيت نمت بس حسيت معي طلق بس مو منتظم صبح الجمعه بدا الالم والطلق ينتظم كل 10 د رحت للمستشفى على طول رقوني قسم الولاده فوق طلبو تحت رقم الملف جتني الدكتوره لوا بربر قاست الرحم وقالت ولاده نقلوني غرفه الولاده طبعا على 8 ونص صار الطلق كل 3 د وانفتح 10 سم بس البنت مو راضيه تطلع وانا من التعب ماكان عندي قدره لدفع كان معي 4 ممرضات ودكتوره لوا وقابله فلبنيه ولان معي مشكله بالظهر مره تعبت وبديت ادوخ احس الغرفه تدور فيني قالت الدكتوره بنشفط البيبي خلاص الام ماتدفع شفطوها بس ماكنت اعرف ان الشفط مولم تحسين روحك بتطلع من تحت كانت ولادتي على 12 الا الظهر المهم ولدت وعلى طول ابرتين مع الفخذ وابره تحت وبدت خياطه لما خلصت حطت لي تحميله فولتارين والبنت فحوصات والاشيا المعتاده خلصت حطوني تحت الملاحظه الى العصر ونقلوني الغرفتي عنايه روعه حنيه بالدكتورات والممرضات بغرفه الولاده اللي تطبطب علي واللي تقولي لاتخافين حنا خواتك طبعا ماحسيت وهم يخيطون لان فيه مخدر خدمه الغرف حلوه الممرضات اطلبهم ويجون بسرعه بصراحه ماتغير سعد الا للافضل دكتورتي صبا لبى قلبها زارتني الاغراض اللي بالحمام فوط صحيه وبانتيات ومعقم للمنطقه والحوض لتنقيع وقطن الصدر والبلاستك اللي ينحط تحتك اول ماتدخلين الحمام لازم يجون يوقفون عندك يخافون من الدوخه تجربة العضوه(LANA826)...مستشفى بروكير..(ولاده طبيعيه) هيه تجربتي في الولاده في مستشفى الرعايه كان يما كا أدري طولتها احم ترى ببدء شوفوا حبيباتي كلكم عارفين الى كانوا معايه بالتجمع اني طولت ومصختها مره يعني خلصت شهري واخذت عليه اربعه ايام وكنت كل ما روح موعد تخطيط تقلي الدكتوره انتي مو مطوله وشطيت لاخر التاسع المهم حبيباتي كنت ارجع مع الدكتوره ناديه ياعمري عليها ولسوء حضي طلعت اجازه قبل ما ولد بأسبوع يعني كان باقيلي بالتاسع اسبوع المهم جلست احوس على دكتوره اخذ اخر موعدين عندها المهم اخذت اول مره عند رزاز بعدين غيرت رايي واخذت عند دكتور فادي وكان موعدي يوم احد كنت اول يوم بالعاشر وانا خلاص مو طا يقه حالى من كرشتي بس رايحه جايه تخطيط للمستشفى ونفسي احد يحلف عليه يقلي اجلسي عندنا اليوم بس ما فيه امل لمى شاف الدكتور اني عديت وقتي قلي اشاعه تلفزيونيه عشان يشوف وضع البيبي والرحم كيف عند سوى حقي اشاعه اتذكر اني كنت اشوف جبل قدامي المهم بنات قلي اطلعي التخطيط ونشوف الوضع قلت تخطيط لللللللللللللللللللللللللللللل لللللا من كثر ما سويتلها زياره المهم بعد التخطيط رجعتله العياده وقلي انتي خلصتي الشهر والوضع عندك اوكيه بس يقول بدك دفشه قلت كيف يعني قلي متى بدك تولدي عاد يخيرني كمان جاتني على قولتهم ام الركب صدق وحست الغرفه تفتر فيني قال زوجي كيف متى تولد قال هيه كل شي مهئ عندها بس ما فيه طلق عاد هوه عطاني الجواب الحاسم شوريك تجيني بعد بكره يوم الثلاثاء الصباح تطلعى فوق على طول وانا ريح اعطيهم خبر المهم خرجت من العياده فرحانه اني قدني برتاح وخايفه من الى قدامي ومدري وش اسوي بعمري وطول الوقت وانا ادعي ربي ييسرلي ولادتي رجعت البيت وجلست هذاك اليوم ما حاولت اروح مكان قلت برتاح وجلست اكل تمر ومشي بالبيت جا ثاني يوم قلت برتيب اغراض لاولادي لو اضطروا يروحومكان المهم صحيت يوم الاثنين وقاعده اقول بسوي واسوي ولا سويت شي ما فيني حيل وتذكرت لو انه هذا اخر يوم في حياتي ان نه ما يمديني اسوي شي الهم نرجع لتجربه رحت السوق قلت بشري بجايم لاولادي واغراض قبل اولد واقفه في الكاشير وانا ماني قادره اوقف احس حوضي يعورني بالقوه حاسب وكان زحمه رجعت البيت على العشره سويت عشا وتعشوا اولادي وزوجي ودخلوا ناموا وانا لسع احتي دخلت التجمع وقلة حق البنات اذا ما دخلت التجمع الصباح بنات ادعولي انه ربي يفرج عليه ويسرلي ولادي من بدري صحيت على الخمسه بس مبغى اتحرك من مكاني واطالع الساعه ومبغى اروح الهم لمى جات على السته قمت اخذت سندويشه صغنونههههههه حيل وشاي بحليب وهذا الى سويته قمة الغلط ما اكلت زين ولا تعشيت بالليل بعدين ندمت ما طول عليكم رحت من البيت على السبعه ووصلت على سبعه ونص على ما دخلت كانت ثمانيه الا ربع جات دكتوره عايشه كشفت عليه قالت الرحم فاتح ثلاثه وقالت لزوجي يروح يسوي اوراقي المهم زوجي نزل وهمه عطوني الروب الانف الذكر المعروف الف المخطط يمه ابغى اذكركم فيه أدري شريره بس بنات الى دخلتني رايسة الممرضات وشكلها بريطانيه الله اعلم اذا مو غلطانه مره حبوبه بعدين جلست معايه شوي وراحت ولحسن حضي بنات ما كان فيه ولادات غيري وهذي الى كنت اتمناه من ربي لاني ما حب الزحمه حتى في الولاده ادري اتشرط بس جاتني قابلتين الثنيتين هنديات بس هنديات وحده عجوز ووحده لا الصغيره شكلها مسيحيه العجوز مره حنونه ياعمري عليها والثانيه مر قاسيه رفعت ضغطي ترى فيه وحده نفس الشي صغيره هنديه بس حنونه بس هذي وجع ما حبيتها حتى ايام التخطيط كانت مره قاسيه عليه كنت اقول يارب ماتكون موجوده بولادتي المهم كانت فيه بس الهنديه العجوز ام نظتره ياعمري عليها حنونه حيل جات القابله الشريره عشان تعرفونها على فكره هيه كانها معلقه المسبحه حقت المسيحين بصدرها بس مدخلتها تشوفين زي المسبحه معلقه في رقبتها بس هيه مو مطلعتها معليش على الاطاله جابت الحقنه الشرجيه وعطتني ايها وانتوا الكرامه ودخلت الحمام الى بالغرفه طبعا حمام نظيف ومرتب ورجت عشان تحط حقي المغذي جابت ابرهههههههههههه يمه وش كبها تخرع ونا عموما عندي مشكله بالأبر تبع المغذي الورده عندي مدري وشلون صايره اقلها ما رايحه اخذها تقلي يعني بتولدين وخايف من الابر ه قلت اولد عادي بس لا تحطين هالابره عا\د يالله يمكن ربع ساعه جدال عمري ما خفت قد هذاك الوقت شبكولي المغذي مع الطلق نسيت اقلكم جا الدكتور فادي بعد ما جاتني عايشه ما كشف عليه بس يطمن لان الدكتوره هيه الى تكشف وهوه بصراحه مره محترم مع اني كنت اقول كيف يولدون مع دكتور هوه ما ولدني بس اشرف على ولادتي وتجمعوا عندي الممرضات وخلوا عندي بعد ما طلع زوجي وحده شكلها متدربه طب يعني زي المرافقعه قالتي الممرضه الشقرى البريطانيه الى على ما ضن ممكن تجلس عندك قلت عادي والله ونستني شوي قبل ما يشد الوج بعدين بدات احس بالم يجي ويروح وكل ما احس ببداية الوجع انفخ فهذا الشي ولله الحمد ساعد انه الرحم يفتح عندي بسرعه فتح تقريبا لحد خمسه جات القابله العجوز قاست قالت خمسه وفكت لي المويه شوي الا وحس فيني حمام قلت بروح الحمام قالت لا ما تروحين سويها بالقصريه بطها تحتك قلت مبغى كنت احس كيف اسويها بقصريه قالت المويه انفكت خطر على البيبي قلت مغى قصريه قالت طيب يا عمري عليها سوي تحتك ونا اشيله وانضفلك من تحتك قلت لا القصريه ابرك المهم بنات حطتلي القصريه عفوا بنات احس شوي قرفتكم بس للامانه في النقل ارتحت ورجعت لطلق ابديك ابره مسكنه بسال الدكتوره المهم قلت لا خفت يطير الطلق بعدين قلت هيه اعرف وضربتني ابره مسكنه رحيتني شوي وشوي يجي الوجع وانفح واحس حوضي ينفك سبحان الله وانا ادعي ومشغلينليى اذاعة المجد للقران الكريم مدري لمى كنت اسمع القران ابكي مدري ليه جاني خشوع غريب سرت اسمع واتامل اكثر سبحان الله وادعي ربي واحول اكون متماسكه بس طبعا اخرطييي وكل وحده تشوف التخطيط امسك يدها اقول هاه بطول لسع استغفرالله كانها هيه الى بتولدني ولا تعرف الحمدلله المهم بنات جات دكتوره مصريه كشفت عليه الضاهر انها راضيه الله اعلم جسمها ملفوف شوي حاطه كحل راسمه عينها بس من فوق خط وتلبس دائما طرحه سبحان الله ما اعرف اسمها بس كنت طول التاسع ادعيربي سخرلي دكتوره حنونه مدري مين طبعا هالدكتوره كنت كل ما روح التخطيط وتكشف عليه تعورني ماكنت احبها بس سبحان الله يوم جا وقت الولاده كانت هيه وعرفت انها سبحان الله خيره كشفت عليه بنات شكلها كانت توها مستلمه دوامها الله وعلم قالة لي سبعه فرحت من جد قلت صحيح بغيت اموت من الفرحه فكرتها تجبر خاطري قالت شوفي انتي مو مطوله بس بروح اغير ملابسي وارجع لك ويالله بدات التجهيزات الي خبركم فكوا السرير وجهزوا الطاوله والاغراض وجلسوني وجات الدكتوره وغطوا رجليني عرفتوا الشراريب الى تنحط وقت الولاده الى والدين قبل يعرفوها غطولي رجليني بزيها بس مو قماش ورق من جد عجبتني لانهم يتخلصون منها على طول يعني بس انا الى استعملها قلت لدكتوره ماني عارفه اولد خايفه قالت قلبي لاتخا فين انا اعلمك مع اني والده زي منتوا عارفين قبل قالت شوي شوي امسكي المسكه خذي اذا حسيتي بالم نزلى دقنك على صدرك ونتي ما خذه نفس وادفعي واذا تعبتي وقفي وما عليك وما نا عارفه ايه بس وجلست تهديني شي المهم جابت الكرسي وكل ما جاتني وجع ادف والقابله العجوز الحنونه ياعمري عليها تطبطب على يدي وتمسح على شعري وتقرا قران اسمعها والدكتوره تقلي ادعي دعوتك مستجابه ذحينه وتقلي قولي يامخلص النفس من النفس خلصني ينات طول ما هيه جالسه تقراء قرانوتدي وتقول يا مخلص النفس من النفس خلصها والله العظيم بنات من جد كانت حنونه بشكل مو طبيعي بس تعبت وانا ادفع لاني ما كنت ما كله باليل ولا فاطره احس رجليني ترجف وما فيني حيل لدف المهم بنات جلست هيه والقابله العجوز القابله العجوز ما سكه يدي وتطبطب عليه والدكتوره تقرا بنات والله سار عند راحه نفسيه عجيبه وقتها ولمى ينقطع نفسي تقول خلا مو مشكله الطلقه الجايه ما شاء الله عليك شاطره ومن هالكلام ولمى قرب خلاص يطلع قالت شوفي سرير البيبي خلاص قربت اعطتني دافع من جد وطلع البيبي ولله الحمد وسبحان الله كيف ربي خلصني بعدين حطوه على صدري واخذوه بعد ما شفته فديت قلبه وسارت تخيطني وانا ماني مصدقه اني خلاص الحمدلله خلصت ولاده الساعه وحده الظهر وجلست تحت المراقبه ساعه في غرفة الولاده احاطين ليه الضغط الحمدلله نقلوني غرفتي الى كانت بالدور الرابع اول غرفه على اليمين كانت تمام والحمدلله لا الغرف مفلله شكلها لانه كان فيه زحمة ولادات قبلي بيوم المهم دخلت الغرفه وقالت متتحركي من السرير الا بعد ساعه يخافون ادوخ كان المغذي لسع راكب بعد ساعه كنت ابغى اروح الحمام دقيت جاتني الممرضه كانت فلبينيه كلبوزه شوي بس طيوبه قلتلها ابغى ادخل الحمام قالت ما تقدرين قلت الا ابغى ادخل قالت خلاص بس لازم ادخل معاك قلت خلاص يعني جات على هذي مو مشكله دخلتني الحمام بنات والله العظيم بنات يعني عفوا على التفصي الكثير الى فصلته بس حتى تشطيف شطفتني وبدلتلي الكوتكس ورجعتني السرير شويبعد مااا طلعت على طول جابولي غدا كان كويس بالنسبه ليه حسيته اكيه وجاتني حقت التغذيه قالت اختاري وجباتك واخترتها للايام الى انا موجوده في المستشفى فيها يعطونك بين الوجبات سناك خفيف يعني تمام الى اهلها بيدين عنها زيي تمام متجوع واذا بغيتي شي تطلبينه الممرضات في التنويم بشكل عام كويسات النيرسري جابولي ولدي بعد ما طلعت الغرفه بساعتين عشان كانوا يستنون نبضات القلب اتنتظم عنده بس وتما رجعوا اخذوه عشان الدتور يكشف عليه اذا بغيته يطلعونه ليه متى ما بغيته بس اليوم الى كنت بطلع فيه ما رضيوا يطلعوه قالوا ممنوع وانتي طالعه وانا طالعه قصوا الاسواره الى في يدي والاسواره الى في يده وحطوها بالاوراق وابوه كان معايه يعني انا وابوه استلمناه مع بعض رافقتي ممرضه وحارسة امن لحد الباب الاوراق كانت كرت الطعيمات والادويه وكرتالى يطبعوا رجله فيه بطاقة التعريف الى لمى ينولد يسوها له عطوني ايها مره حبيتها لان فيها طبعهة الرجل والاسم وبصمة اليد حلوه لمحبي الذكريات زيي نجي للمهم للاشياء الى ما حبيتها وحسيتها ما عجبتني اغطية السرير قديمه جدااااااا هذا الى لاحظته احسها من جد منكرفه من الغسيل وملابس البيبي مره والفه مره كلها مكروفه كرف مو صاحي تنظيف الغرفه جاتني ثاني يوم ربت ونظفت ليه الغرفه وغيرت الشرشف ومسحت الزباله كل شوي يجون ينظفوها يوفرون فوط صحيه ما ركة فام انا افضلها في اللنفاس على اللولوز احسها ما تسوي التهاب وفيه كمان اندر ويريرات يوفرن مممممممم وش كمان خياطتهم كانت ممتازه بالنسبه ليه اول خياطه احسها مزبوطه في اولادي كلهم ما كتب الدكتورليه غير ميبو ومسكن ما كتبليه مضاد استغربت كتبوا لولدي فتمين دال وبس حبيباتي وتوته توته خلصت الحدوته اقتباس لتجربة العضوه(فضوليه) بمستشفى سعد.....ولاده طبيعيه [COLOR=#008000]هذي تجربتي بمستشفى سعد التخصصي بالخبر [FONT=Arial]كنت خايفةحيييل بس الحمدلله المستشفى من جميع النواحي ممتاز بس انا الي ولادتي اشوي كانتمتعبة يوم الجمعة بعد ما سبحت طلعت من الحمام وانتو بكرامة الا احس انو شئنزل مني وارجع الحمام الا والاقي دم هذا الكلام الساعة 3 ونصف العصر انا عادهنية من شفت الدم الا واقعد ارجف مكاني من الخوف طلعت من الحمام ورحت لابو الشباباقولة خلاص ماتروح الليلة العمل لانة كان يشتغل اخر ليل خلاص نزل علي دم قاليالله البسي عباتك خل انروح المستشفى قلت لا لحظة خل اتصل بالدكتورة اسألها لانما احس بألم واحاول اتصل واتصل بس الدكتورات ما يرفعون التلفون ابد المهم قلت خلافتح المنتدى واسأل البنات يمكن يعطوني حل واكتب لكم وانا انواع الخوف وانتو طبعاما قصرتوا ماشاء الله عليكم وبعدين قريت عن وحدة نزل عليها دم وراحت المستشفىوقالوا لها بدري عليكي ورجعت وما ولدت الا بعد 3 ايام انا هنا خفت اكثر رحناالبحر انا وابو الشباب نتمشى يمكن احس بألام او شئ المهم تمشينا ورجعنا الاذانصلينا وانا اشوي حسيت بتعب وقلت بروح اريح اشوي خاصة اني قبلها مانمت فدخلت علىالساعى تقريبا 7 ونمت وكل اشوي اصحى اروح الحمام واحس بتعب اكثر وثقل على تحتوالام تروح وتجي بس مش منتظمة المهم انا صحيت على الساعة تقريبا 12 وانا ميتة جوعبس مالي نفس في شئ وانا اصلا ما اكلت شئ اليوم كلة بس من شفت الدم مادري اشلونانقلب كياني واخترعت وما صار لي خلق الى شئ عملت لي سندوتش واكلتة والالاممازالت تروح وتجي وابو الشباب ينتظر يقولي هااااة مانروح الحين وانا اقولة ماعليةننتظر اشوي انا اسمع البنات يقولون ان لازم ينتظم الالم ويكون كل 5 او 10 دقايق بسانا احس بالام بس محتملة نوعا ما المهم رحنا المستشفى على الساعة 7 صباح يومالسبت وصلنا المستشفى وعلى الطوارئ ومن عرفوا اني جاية ولادة ماشاء الله عليهمعلى طول اخذوا اجراءاتي عشان يعملوا لي الازم اخذوا بياناتي وانا كل اشوي اقوللابو الشباب اسألهم منو المناوبة اليوم >>>>خايفة من الي يسمونها نيفين وكل ما سألناهم قالوا احنا هنا ماندري اول ماتركبي ان شاء الله يقولون لكويودوني غرفة الكشف وانا خايفة وزوجي معاي يقولي خايفة؟ اقولة بموت خوف يقولونالبنات الكشف يألم حيييل وكمان خايفة من الدكتورة الي راح تجيني يمــــــــــــةكنت خايفة من شئ اسمة نيفين من كثر الكلام عليها وجت الممرضة ودخلتني الحماموقالت لي اغير اثيابي وغيرت وجلستني على سرير الكشف وسألتها عن الدكتورة والحمدلله قالت لي بتجيكي د/ الينا ذاك الوقت ارتحت اشوي الحمدللله وحمدتربي قلت هذي اول شئ خفت منة وانحلت وتيجي الدكتورة وتكشف صح كانت حنونة وتحاولانها ماتألمني واترخي فيني واتهدي بس لازم فية الم خاصة في هذي المنطقة 0 المهم سألتني اسألة وقلت لها انة نزل علي دم من امس العص واليوم جيت قالتالرحم فاتح (4) سم مانقدر نطلعك من المستشفى ان شاء الله راح اعملك اشياءاخلييها اتسرع لك الولادة انا هنا خفت من الطلق الصناعي لان البنات هنية يقولوناة يألم بقوة انا سألتها على طول قلت لها طلق صناعي قالت لا قالت راح اعطيكيابرة في المغدي اتنزل البيبي تحت لان الجنين فوق وهذي الابرة راح اتساعد كمان علىفتح الرحم بس بعد ما نطمن على الجنين نصف ساعة المهم الدكتورة راحت وركبت عليالممرضة جهاز يسمعون فية نبض الجنين وخلتة نصف ساعة وبعدين فكتة وقالت ياللهنروح غرفة الولادة انا هنا بدين اتنافض من كل جهة ركبتني العربة وودتنيالغرفة صراحة كان ودي اصور لكم الغرفة بس شصور انا كنت مذهولة ومصدومة من الخوفوتارعب علما بان الغرفة واااايد شرحة وهادية وحلوة بس اسمها غرفة ولادة يعني مافيةامل اني اكون مرتاحة واشتغل تصوير >>>خخخخخ المهم نمت على السرير وركبتالمغدي وجهاز سماع نبضات الجنين وانا احس كل اشوي بألم وبعد تقريبا ساعة او اقل اواكثر جت الدكتورة بعد ما خلص المغدي وقالت تبي تكشف قالت فتخ 5 ونصف وقالت بفتح لكالموية عشان تساعدك على سرعة الولادة كانت الساعة في ذاك الوقت تقريبا 11 الصباح بعد مافتحت الموية قالت ان شاء الله راح تولدين على الساعة 5 المغرب اناصراحة اشوي حزنت كنت ابي اولد وافتك وقراحت الدكتور على اني بولد الساعة 5 قالزوجي اجل انا رايح اجيب شئ واجيكي قلت لة وييييييين؟ قال انتي ان شاء الله ماراحتولدي الا 5 لا تخافي بس اروح ساعة ساعتين بالكثير وجايك بس اشتري شئ اكلة واخذغرض واجي قلت خلاص بس لا تتأخر وراح وضليت مع الممرضات صراحة قمة في التعاملابدا مايتركونك وما تجي وحدة لا تجي بالثنتين والثلاث ويحاولون يواسونك ويخففونعنك بس ويييين انا مالي خلق ابد ابييييييييييييي اولد ياناس وافتك المهم قالتلي الممرضة تبين ابرة ظهر اذا زاد عليكي الالم او ابرة مهدئة انا عاد قلت لها لامابي ابرة ظهر مع اني كنت حاطتها في بالي بس قبل لا اولد بكم يوم قريت في المنتدىان وحدة اخذت الابرة وانشلت فخوفتني بالمرة وقلت بلاها احسن المهم على الساعةتقريبا 1 او 12 ونصف الا احس بالام لاتطاق كل اقل من 5 دقايق اش هالالم هذا؟؟!!!! انا قلت بس00000 اكيد هذا الي يسمونة الطلق وخلاص من تجيبني الالامخلاص حتى النفس ما اقدر اتنفس من شدة الالم واقول الى الممرضة ابي ابرة مهدئةوتجيبها واقولها تألم >>>>خلاص مافيني اتحمل الام ثانية قالت لي لاماتألم بس شكة بسييييطة وعطتني اياها بس وين ما حس انها خففت شئ الالم يروح ويجيكل مرة اعظم من الي قبل اشوي ويبون يصوتون على د/ الينا وتطلع عندها عملي علىاساس اني بولد الساعة 5 العصر وتجيني وحدة ثانية انا قلت يمكن قابلة بس الحمدللهتطلع دكتورة ومعاها ثلاث ممرضات الدكتورة فلبينية سألت عنها قالولي اسمها بسوالله نسيتة ان شاء الله اشوف اسمها واقولكم والله هالطلق ماتوقعتة شدية ايشهذي الالام الي ما تحتمل ياساتر والا لما احس اني ابي ادفع وااااااااااااي ياربي 0000 انا قلت خلاص هذي نهايتي في الحياة وكل طلقة والثانية اقول ياربتسهل علي يارب ومادري اشلون دعيت للي تبي اولاد الله يرزقها والله مادري اشلونتذكرت كني في كابوس فضيع ماطلعت منة وانا بخير حتى لمن ولدت كان الكابوس يتكررويتكرر ويتكرر كاني اولد من جدة وجديد ياربي المهم الحمدلله كانت حنونةهالدكتورة كمان يعني الحمدللله طحت في دكتورات حبوبات وكلما حسيت بالدفع اقولبنفسي خلاص هونت مابي اولد ابي اضل شدية بس مابي مابي اولد هذي الام غي طبيعيةعطوني كمام وقالت لي كلما حسيتي بألم خذي نفس قوي وانا كلما حسيت بألم اخذ نفسبس ويـــــــــــن اي نفس الي يخفف ابدا مافية الا رحمة رب العالمين والكتورةكل اشوي تقولي خذي نفس والممرضات يقولون خلاص الحمدلله هانت خلاص بس خذي نفسوادفعي وانا والله في حال مابعلم بية الا رب العالمين لين الحمدلله ولدت على خيروسلامة وولدت الحمدلله على الساعة 2 ونصف الظهر وححطوا لي فوطة على جسميوحطوا النونو علي ياعمري بصراحة ماكنت حاسة بية ذاك الوقت ابد لاني لساتني في حالةمايعلم بيها الاربي بعدين شالوا النونو ينظفوة وقالت باقي المشيمة وخلاص ترتاحينوانا اقول بعد باقي اااااة واقوم ابكي من التعب الي فيني انا ماصدقت اني ولدتوبعدين يبوني ادفع مرة ثانية ؟!! لين الحمدلله ساعدتني وطلعتها وهي تخيط واوتنظفوانا ماغير اشم في ذاك الكمام وكابوس الولادة يتجدد ويتجدد ويتجدد والله كاني كلساعة اولد والله انصدمت صدمة حياتي يابنات من الولادة ابد ماتوقعت الامها لاوالظريف في هالشئ اني لمن خلاص خلصوا من كل شئ وانا مازلت ماسكة الكمام واخذ هواء والدكتورة تقول خلاص خلصنا ولادة وخلصنا خياط وانا ماغير اخذ هواء من المخدرلين ما طفوة عني>>>>خخخخخخ والله معذورة شسوي ابي اي شي ينسينيالالم وبعد مانظفوا النونو حطوة على صدري مرة ثانية يقولون شوفي النون شلون حلوانا في ذاك الوقت حاولت حاولت وفتحت عيني وشفتة ياعمري علية بعدين خلوني ارتاحاشوي في الغرفة خلاص انا كنت ابي ارتاح كنت وايد وايد تعبانة ويمكن غفت عينيونمت اشوي بعدها نقلوني الى غرفتي والحمدلله هذي تجربتي كاملة معالتفاصيل الدكتورات كانوا وايد مريحات وحنونات وكمان الممرضات قمة فيالرحمة وما يتركونك ابد ويحاولون يخففون عنك بقد ومايقدرون المستشفى جدا مريحمن كل النواحي سواء النظافة او الراحة او العناية يعني من كلة الاكل كان بنظامالمنيو تطلبين الي تبي بس انا قلت لهم اي شئ لاني ما لي خلق انا اصلا كنت اكلوجبة وحدة وبس الي هي الفطور مو كراهة بالاكل بالعكس اكلهم وايد حلو بس انامنسدة نفسي ومالي خلق الى اكل ايش كمان ايش كمان ايوا00 كلام البنات صحيحعندهم تركيز على الرضاعة الطبيعية بس عادي اذا تبيهم يعطونهم حليب يعطونهم انا قلتلهم اعطوة حليب بالاضافة اني انا بعطية لان ماكان يجيني حليب وانا احسة جوعانياحراااام وقلت كدة للدكتورة قالت معليش حتى لو ما جاه بس الغرض ان نشدد عليكبالرضاعة حتى لو ما جاكي حليب على الاقل ضمية الى صدرك تعطية حنان وتقربية ليكياكثر وهو يحس بالاطمئنان وانتي تساعدك الرضاعة على رجوع الرحم الى وضعة الطبيعيبسرعة اكبر انا صراحة عجبني كلامها كثير فكان مرة انا اعطية ومرة هما يعطونة فيالحضانة وعندهم تشديد على الطفل وهذا شئ كمان حلو ما يعطونك اياة الا لمنيتأكدون من رقمة مسجل على يدك هو نفس الرقم الي مسجل على رجلينة وماتاخذينة الا بعدماتوقعين بالاستلام في الساعة الفلانية ايش كمان خلاص تعبت ايش بقى انا دخلتالمستشف يوم السبت الساعة 7 الصباح وطلعوني يوم الاثنين الساعة 3 تقريبا العصر يوصلونك بالعربة مع النونو لين باب السيارة ويحملون اغراض الغرفة كمان لين بابالسيارة وبالسعد والسلامة000 [SIZE=5][B][COLOR=blue]اقتباس لتجربة العضوه ((شهد العسل)) بمستشفى سعد ..ولادهطبيعيه نبدأ بسم الله .. طبعا بعد ماكملت الاسبوع ال38 وخمس ايام يومالاربعاء...2-3..وقت المغرب صليت المغرب..يوم جت الساعه ست ونص تقريبا..قعدت عاللابتوب ..الا احس بمويه تنزل مني..طبعا مانزلت بسورعه لالا نزلت كدفعات..وجتنيالروعه. وقام قلبي يرجف من الخوف..رحت اخذت لي فوطه عشان امنع المويه ولكن هيهاتتنزل علي...واروح ادق على زوجي بالشغل ومايررد..ياربي وانا ميته خوف ..واروح اجهزشنطه لعيالي عشان بحطهم عند اهلي ..من العجله مدري وش حطيت..واروح اخذ ليشور...وكان عالاذان العشا واصلي...المهم زوجي رد عالتلفون بعد فتره مو علىطول..ويجي طاااير نتوكل على الله ..وقطيت عيالي عند اهلي...واروح لمستشفىسعد..وادخل الطوارئ ويركبوني كرسي ويرقوني لقسم الولادهويدخلونيلغرفة الكشف وتقولي الممرضه غيري ملابسك...والغرفه كانت بارده وتخوف...ولبست ثوباللي خبركم بس كان لونه وردي مدري ليش وردي مو ازرقوحطولي قياس الطلق ونبض الجنين ..طبعا انا يوم نزلت المويه ماجاني طللق ابدن...طبعادخلت غرفة الكشف الساعه 9 مساءا.. وجتني دكتوره الينا...ومعاها قابله شكلهاصوماليه..وفحصتني من تحت طبعا وقالت مفتوحه 2 سانتي بس وقالتلازم اكشف بالسونار اشوف الجنين والمويه..وتطمنت عالوضع...وقالت لازم نسوي لك كشفمن تحت وش سالفة المويه..ويلااااا كشف مره ثانيه ومعااااناااااه وصيااااح..وتدخلفيني فم البطه تخبرونه تخيلووو...واقعد اصيح من الوجع...عاد هالدكتوره روسيه يعنينص كلامها انجلش ونص كلامها عربي مكسررر,,,قالت نصبر عليك كم ساعه وعقبها نعطيك طلقصناعي...قل لها اوكي مايصير خاطرك الا طيب<<اي هين ويودوني غرفة الولادهاللي بولد فيها..طبعا هي غرفه كنها غرفة تنويم خاصه..المهم ماجاني طلق ابدن ابدنوجتني وفحصتني مره ثانيه قالت بس 3 سانتي فاتح الرحم..قالت تبين نعطيك صناعي بدلمايروح الوقت ومافيه فايده ومدريتوكلت على الله وخذت الصناعي كان بالوريد عطوني اياه ..ويبدا مفعوله على خفيفويعطوني ابرة مسكن ودوختني ونمت ...ويقيسوني مره ثانيه ونفس الشي مصكر الرحم على 3سانتي..واقعد ادعي واستغفر...المهم زادو الطلق وعقبها بدا الطلق الجدددددوالحاااامي كنها كهررررب تنفضك وقمت اتشهد.. طبعا تغير مناوبة الدكاتره جتنيقابله اردنيه..ودكتوره مايا ...طبعا لازم خبركم يقيسون الرحم كل شوي بس الصراحهدكتوره مايا وهالقابله يدهم خفيفه..وحطولي قسطره للبول اكرمكم الله..واقعد عقبهااووون من الالمممم..وعطوني اكسجين قالو لي عشان البيبي..طبعا الالم كل شوي يزيد ..وصااار متقارب مره...وقالت لي القابله نامي على جنبك.. عقب نومتي على جنبزاااااد الطلق مررره حسيت بتطلع روحي...لين جت لحظة الولاااده... وقامو يستعدونللولاده..وطبعا حسيت بدفع وشد لتحت ..طبعا وقتها الدكتوره تقولي يللااا ادفعي بقووهولاتوقفين.. وموقادره ادفع ..لاني حسيت اخر شي بتعب..وغير كذا الطلق من شدة المهمو قادرة حتى اخذ نفس ...المهم اخرتها دفعت وتوكلت على الله وطلعت بنوتيالجميلهمعمعاناة الطلق الصناعي..طبعا الطلق من بدايته للولاده اخذ تقريبا 12 ساعه .. والحمدللهوالشكر لك ياااااااارب..وتمت خياطتي...وخروج المشيمه... هذا مجمل اكشنيفيه شغلات ماذكرتها عشان بس ماااطول عليكممم.. طبعا وقت الطلق تكون عندك القابله ..تشوفك وتشيك عالطلق ونبض الجنين..ماتخليك ..وكل ممرضاتهمحليوات.. ورعايتهم...طبعا انا خلوني بعد الولاده مانقلوني لغرفتي الابعد تقريبا 6 ساعات على قولتهم الغرف كلها محجوزه.. وفيه حاجه ان الدكتوره ماجت شيكت عليبعد مانقلوني لغرفتي ..بس جتني حقت الرضاعه الطبيعيه.. وحريصين على الرضاعهالطبيعيه [B]اقتباس لتجربة العضوه(ام لينو22)بمستشفى الرعايه(بروكير)ولاده طبيعيه [COLOR=black]السلام عليكم جيتكم بقصة ولادتي (مابغت) اشكر كل اللي دلوني على برو كير غلاوئ وفجوره والعضوه فله واخوها عله وكلاللي كانو يحطون تجاربهم المهم من اخر رمضان وانا اقول يارب اعدي العيد عشان عيالييستانسون وعدينا العيد الحمد لله وكل يوم اقول اليوم الى يوم1-10-2010لاحظو التاريخبطاقة التأمين انتهت ذاك اليوم من القراده واول مره يتأخرون مايعطون البديل المهمكان يوم جمعه رحت انام من الليل واحس الام تروح وتجي كالعاده قلت يابنت نامي واذاكانت ولاده صدق بتصحصحين يعني بولد وانا نايمه (تخيللو الله سهاله) وعلى الفجرالاوشوف زي الممرضه جالسه على طرف السرير واقولها كم وتقول geve me 5 فهمت انهاتقول 5 الا زوجي يصحينيالصلاه وافز بسم الله الرحمن الرحيم اثاريه حلم واحس ذيكالطلقه المعتبره وسكت قمت توضيت وبعدين حسيت شوي موية الراس قلت ااااايييه هاذيالحلوم والا فلا واروح اصلي وادعي ربي بالتياسير وامنت عيالي عند عيال عمهم وتوجهتلبرو كير الساعه 5 ونص وكنت خايفه من الزحمه وطلعت الدوامات لكن تسهلت ودخلتالطواري وجتني ممرضه قلت ولاده وعلى مهلهاتجيب العربيه واقوم انط اجلس قبل لاتفتحهامن الالم وتطلعني فوق كل شي هادي دخلوني اخر غرفه عاليسار وجت الدكتوره بشرى تفتحالنفس ناييس مرره وكشفت قالت5 الا يوم اتبشبش قلت الحمد لله راح نص المشواررر كملتالممرضه الاجراءات المغذي وتوابعه التخطيط و يتبع نرجع لموضوعنا المهم كانت نهاية شفت الممرضه تركب المغذي وتتثاوب وانا اصغر عيونياطالعها من جدها والله وسلمت جزاها الله خير وجتني هنديه اسمها ديبا الله يسعدهانشيطه وحننننونه استلمتني والالام انتو سيد العارفين وجت بعدين الدكتوره سنمالباكستانيه وخفت منها قالولي قبل يدها دفشه واكتشفت اهم شي انك ترخين نفسك واصرفيتفكيرك في شي ثاني وتناسي خخ وكنت زعلانه مابغى اكلم احد يالله ارد اذا سألوني بساطالع في الشباك الله والمنظر خزانات وهنود يرؤكبون دشوش خخخ ماخليت شي من المسكناتالاوخذته وبعدين جت الممرضه رحمتني قالتلي يامدام خذي طلق انتي الم بس مافيه فايدهراس ماينزل تحت والساعه 8 الا ثلث استسلمت وقلت هات ايشي طلق صناعي وركبت المغذيالثاني وحطي الطلق وشوي الا تقول 7 سانتي ويالله يقربون اغراضهم وتجي سنم وكاثرينوممرضه مساعده وديبا وابو العيال معاهم معداحد وطبعا في ولاداتي السابقه كانتالقطوه تاكل عشاي ياحليلي ولاحس هالمره مونديال صايره ففوزيلا والساعه 9 تمام شرفعزوز الله يصلحه كان لونه ازرق شوي وبعدين استلم الففوزيلا والحمد لله تيسرت بفضلالله (زوجي يقول حرام عليك قبل الطلق الصناعي قابلت واحد وزوجته يدفونها بعربيهللغرفه اللي قبالي وبعد الولاده طلع قال الا الرجال وزوجته يناظرون في غرفتي وجيهمماتتفسر والا مايشوف الا غبارهم في الممر هونت المره من الولاده روعتيها اللهيسامحك)تركوني في تحت الملاحظه لين 12 بعدين جو فلبينيتين لبسوني ونزلوني على سريرثاني وررر على التنويم كانت غرفتي اول غرفه عاليسار وانتي طالعه من اللفت وتوهمينزلوني غلى سرير التنويم وزوجي يشغل البلازما يبي يحط لي المجد قرأن عشان نهداوالله يابنات اول ماشغل الا mbc 4 مشهد من برنامج دكتورز الطبي تصوير كمبيوتر لحظةخروح الراس وشلون العمود الفقري انا بس شفته والففوزيلا تشتغل وزوجي تروع يضغطبيديه الثنتين ويدعي عليهم قام طفاه من الروعه هذا وسلامتكم بالنسبه لعنايتهم اسمعلى مسمى رررروعههه من جميع النواحي اقتباس لتجربة ولادة اخت العضوه(فضوليه)بمستشفى المواساة الدمام ولاده طبيعيه وهذي تجربة اختي في الولادة في مستشفى المواساة بالدمام وهذي الولادة الثانيةعندهم وتمدح فيهم واااايد تقول ماشاء الله عناية وخبرة ونظافة الي تتابععندها د/ حنان خولي وتمدح فيها وايد تقول نزلت عليها على الساعة 3 العصر موية بسمو قوية وايد اتصلت على زوجها بالعمل وقالت لة تعال على مهلك احتمالولادة جاء زوجها واستعجلها هو خايف وهي ماشاء الله عليها على مهلها تقول ماتحسبالام والماء الي ينزل مو كثير مرة فراحت اتنقعت بموية دافية ولبست وراحواعلى الطوارى كشفوا عليها قالوا لها مفتوح 1 سم قالت تبي تطلع بس ماخلوهاقالوا اذا تبي تطلعين على مسؤليتك لان الرحم فاتح وعندك موية ولازم نتطمن علىالجنين وكانت الدكتورة اسمها اذا مو غلطانة د/ لبنى بس الله يهديها اختي مصرةانها ترجع البيت فقالت لها الدكتورة انتي مع مين كنتي تتابعين هنا قالت مع د/ حنان خولي فقالت لها خلاص دخلي عندها وفعلا دخلت عند د/حنان وقالت فعلاالرحم فاتح 1 سم وصعبة انك تطلعين من المستشفى لازم نتطمن عليكي وعلىالجنين وبعدين الرحم فاتح والخوف ان المنطقة تتلوث او تلتهب واحتمال ولادة بعدمدة بسيطة اقتنعت اختي واتنومت وعطوها مضاد حيوي عشان الرحم مفتوح وخافوا عليهامن التلوث وعلى الساعة 11 الليل تقول بدا عليها الم الطلق وعلى الساعة 2 ولدتالحمدلله رب العالمين على يد الدكتورة لبنى (جنسيتها مصرية ) تقول تعبت اشوي فيالطلق بس الحمدلله رب العالمين وتوتة توتة خلصت الحدوتة ه\ذي كل القصة اقتباس لتجربة العضوه(براءة الصبا) بمستشفى الرعايه....ولاده طبيعيه أنا ولدت وقريب أخلص الأربعينية =هه ولله الحمد ولدت في - بروكير- تاريخ 19-9-2010م عند المزيونة د-رنا جمال ماقصرت معي صبرت علي حتى اللحظة الأخيرة عوشرت وكان وضعي حرج لكن كانت تتابعني بالتخطيط وتقولي اي علامة خطر نشوفشو نعمل بعدها والله لو وحده ثانية كان قالت امشي قيصري وخلتني إلى نهايةالتاسع وكم يوم من العاشر وبعدين لا مفر : قررت طلق صناعي وتنومت الصبحوعلى ماخلصو اجرائتهم من تحاليل وحقن وقياسات وفتح وغلق == صار مشغل ( ) ولدتالمغرب ولله الحمد جبت بنوتة كتكوتة = وماصدقت من الفرح لأن ماجات إلا بعد تعب والطلق الصناعي حار ورى بعض وكانت الدكتورة رنا موجودة ومعها دكتورة فايزةباكستانية ودكتورة بشرى وممرضة هندية وتسير علينا وحده بريطانية مدري وش قصتها > كأن مابقى أحد! إلا نسيت وجات المصرية ماأعرف اسمها يالله عليها قوية = هذيأول وحدة قاست الرحم وقالت مغلللللللق إلى إشعار آخر ههه الموهم = كانت دكتورةرنا بصراحة هادئة ماوترتني ولاخوفتني أقولها ماجاني طلق بعد التحميلة الأولى [SIZE=5][COLOR=black]قالت معليه بعد ننتظر كمان كم ساعة وبجي بنفسي اشيك .. والشيء الثاني تقولي أنابروح شوي العيادة شي دقيقتين وأرجع لك قلت لها لااااااااا أحس خلااااااااص بولدومسكينة تبطل تروح وتنتظرني خارج الغرفة وتتابع الطلق عبر الحاسب >هبلت فيها - ويوم تجيني لحظة طلوع الراس تقولي لاتدفعين بساعدك وأنا أقولها مااأقدر خلااااااااصوبعدها ههه ماسمعت شيء وولدت وفرحت مررره جلست تبارك وتتحمد ع سلامتي وخيطتني[COLOR=black]واليوم الثاني مرت علي بالغرفة وتطمئنت وكتبت لي كل شيء لستة أدوية حديد وكالسيوم[/C

وهنا مجموعة اقتباسات لتجارب بعض اخواتنا العضوات تجربة العضوه(ام كوني)...بمستشفى سعد...