السلام عليكم

الله يسهل علي وعليكم والمسلمين اجمعين......

حاجة ثانية

حبيبتي مانع الدمام كويس بنات خالتي يولدون فيه ويمدحونه ...عندهم دكتورة مصرية ممتازة بس ماني عارفة اسمها

الولادة الطبيعية ب 5500 او 4500 غرفة خاصة ......والقيصرية لاسمح الله اظن ب 10000

والافضل انك تستخيرين ......الله يكتبلك مافيه الخير والصالح

الفجر البعيد الف الف مبروك والحمدالله على السلامه وننتظرك تتطمنيننا عنك وعن العروسه

كثرو الي جابو عرايس ياحليلهم خخخخخخخخخخخخخخ

فضولية حيل متعب الطفل الي كذا ولدي عمرة سنة مايكل شي
اي شي أعطيت اياه يلفظة من فمه حيل وحتى الحليب مايشرب واجد بس شغلتي اسوي واكبها لانها تطول وهو ماشربها
مايدري ان السميلاك غالي ههههههه
بس يلعب ويخرب مجنني

ام كوني000
حبيبتي مشكورة ياقلبي

اما ابني ياحلاتة يدور الاوساخ من سابع ارض
والله مو عارفة منين يلقط
انا ماشوف اي شئ منين يطلع الاوساخ الي يحطة في فمة مادري
اكل مثل الخلق ماياكل ولو يشوف اي شئ بالارض على طوووول في فمة
تقولين مكنسة متحركة
كل ساعة شغلتي اكنس شنو اكنس مادري ماشوف شئ يبيلة تكنيس مو عارفة اشلون ايطلع الاوساخ
الله يهدية
المصيبة الفرش الصغير الي بالصالة من الي شعرة طويييييل وهذا معروف انة يجمع وسخ مع اني مستحيل اتركة بدون تنظيف
بس مايفيد

مزنة000
اووووة اما على الحليب حدث ولا حرج بس شنسوي بعد
الله يكون بالعووون
اما على التخريب فما احكيلك خخخخخخ
الريسفر الله يرحمة
والاب توب شكلة قريب يجية الدور ماخد لة شهر من شريتة والصوت اختفى من كثر الضرب علية
كل يوم اقول بودية الضمان واتكسل
فشكلة بيعطيه ضربتين من الي هما وبنترحم عليهم
الله يهديهم ويخليهم لنا

fnmeme


حبيبتي تحليل السكر يسونه باخر السادس ...وحتى لو تأخرتي يسونه لك المهم انه

بعد الشهر الخامس لازم يسونه

two2

واشلون مااذكرك حبيبتي ...انتي من اهم رواد ملف الشرقيه ولولا الزهايمر اللي لاعب فيني

والا انا بخير بس الحمدلله ما فشلني معك ...خخخخخ

شوفي سونار الدكتوره رنا تفصيلي حتى فتحات الانف ورتني اياها وعظمة الفخذ وفتحات القلب الاربع

وكل حاجه بشكل واضح واذكر من كلام البنات اللي راجعوا عند غيرها نفس الشي فصلوا السونار

بس انا اتكلم عن تجربتي معها ...لكن للاسف السعر مااقدر افيدك لاني عالتأمين


مزنه بنت مايكل

حيالله بالغاليه ...سامحيني مارحبت فيك من اول ..وسامحيني لاني نسيت احط تجربتك بالصفحه

الاولى للملف لازم يصير معي كذه اتفشل مع كم عضوه وانسى تجاربهم لاتشرهون علي

عندي اربع الله يحفظهم منسيني اسمي ..لو عندك رابط تجربتك وان شالله احطها بالصفحه الاولى للملف الجديد

فضوليه


عرفت الفرشه اللي تتكلمين عنها من جد تجمع اوساخ مهما نظفتيها انا من جبت بنتي الثانيه شلتها خلاص

متعبه وتخوف على الصغار مره عاد يطلعون لك حاجات من زمان تدورينها

جربي طريقة ام كوني وذوقيه الاكل ذواقه بس على شوي شوي بيتعود اغلب اللي ينفطمون

من الرضاعه تنسد نفسهم بأول الوقت وبعدها شوي شوي يتعدون هالمرحله ويبدأون ياكلون

ياهالعيال اللي تعبونا

حآجه ثآنيه

حياكي الله معنا يالغاليه...للاسف ماعندي خلفيه عن المستشفيات اللي سألتي عليها

لكن البنات مارح يقصرون وياليت تفتحي الصفحه الاولى من الملف وتقري التجارب في المستشفيات اللي تبينها

يمكن تفيدك وتساعدك بحيرتك اكثر


almennoh

الحين صدقت انك تبين الفكه وتبين تولدين...ماشالله عليك مستعجله عالقائمه ...خلاص الين تولدين

انتي المسؤوووله عن تنزيلها وماني مسؤوله لو ام راشد عصبت...ترى هي اللي عليها الدور

يالله تخاويني بروح ازور فجوره بكره باذن الله ..طبعا لاني للحين مانمت فبكره يعني يوم الاثنين

اذا الله اراد بروح لها...


ام راشد

يالله شدي حيلك منووو متحمسه عالقائمه لانه مو عليها الدور لو اسمها اول اسم كان ماشفنا غير غبارها

وكان تسلفت فلانه وعلانه عشان يولدون قبلها ...اشلون ولد اختك الحين؟ ان شالله صار احسن

الله يشفيه ويعافيه ويتمم عليه الصحه والعافيه ويطمنكم عليه


شيماء

ماتبين تحطين تاريخ ولادتك خايفه من القائمه صح؟؟؟

ماالومك ...خليك كذه ومتى ماجات الولاده تجي اهم شي خلصتي تجهيزات بيتك والا باقي؟؟؟



روووح زوجها


شخبارك حبيبتي ... بس ذكريني باي شهر انتي لان شريط حملك مو طالع عندي

ووين تتابعين...ترى عندي زهايمر حاد:(


احلام ذهبيه

اشلونك حبيبتي واشلون توته الحين...كيف صحتها؟؟

غلاها

هلا وغلا...شخبارك وشخبار العريس؟؟؟رجعتي لمقاعد الدراسه؟؟؟

اما فايروس الحمل ماالومك وترى انا من مجرباته وادخل الملف الحين وانا اتنافض

حتى لو جلس زوجي جنبي انقز من الخرعه خلاص صار عندي فوووووووبيا:09: