اخواتــــــــــــــي الغاليات عضوات عالم حواء هنا نعود من جديد ونجتمع على الخير والمحبه لنضع معلوماتنا وخبراتنا
وتجاربنا الموفقه منها والغير موفقه بمستشفيات المنطقه الشرقيه لتعم الفائده على الجميع
وحيث ان اسعار المستشفيات وانظمتها في تغيير مستمر والبكريات خصوصا يحتجن الى كل ماهو متعلق بهذه المرافق
وطاقمها الطبي فقد احببت ان نستمر في هذا التجمع الطيب وكل عضوه تساهم بتجربتها وبأي معلومات لديها
فهي من اساسيات نجاح الملف ودعمه لكل من تحاتاجه والشـــــــــــكر يضل موصول لاختنا العضوه
((فله ووناسه))
لانها بدأت مسيرة سنبقى نتابعها ونحاول ان نقدم فيها كل مايخدم اخواتنا الحوامل في المنطقه الشرقيه كما لا انسى شكر اختي الغاليه العضوه
((الفجر البعيد@))
لمساعدتها لي بتجميع روابط التجارب وارقام المستشفيات والمستوصفات
وهنا سنضع تجاربنا وخبراتنا في
اسعار الولاده فيها سواء (متابعه فقط_متابعه مع الولاده)
الخياطه
التعامل
النظافه
افضل الاطباء لديهم
تجربة الولاده
الايجابيات والسلبيات في كل تجربه مع كل مستشفى
ويوميات المتابعه معهم
واحب ان اوضح ان كل عضوه تتكلم من واقع تجربتها
ومن وجهة نظرها الشخصيه وكل تجربه تختلف عن الاخرى قد تكون ناجحه وموفقه وقد تكون لاسمح الله
تجربه صعبة وفاشله وبالنهايه المستشفيات والاطباء مجرد اسباب يسخرها الله لنا والتساهيـــل بيده وحده
ارجو الرجوع للتجارب قبل طرح اي استفسار حتى لاتتكرر الاجابات...وارجو من العضوات اللاتي لديهن
تجارب سابقه ان لا يبخلن علينا بها فالملف وضع لتبادل الخبرات والمعلومات وليس لطرح الاستفسارات فقط
كما احب انبه جميع العضوات لشغله مهمه
كثير من العضوات يدخلون الملف على الصفحه الاخيره على طول بدون مايرجعون للصفحه الاولى اللي هي الاساس
ويسألون اسأله ممكن تكون مكرره كثير ويتعذرون بعدم الرغبه بالبحث والقراءه طيب اغلب العضوات هنا يعيدون
الاجوبه على نفس الاستفسارات وبكذه تتكرر الاجابات وماتعود فيه فايده بالملف وبعدين يجون بنات ويقولون انتوا ماتتكلموا
الا عن مستشفى معينه وغيره طيب ماانتوا ماترجعوا للتجارب والاقتباسات اللي ورا واذا محد رد قلتوا متحيزات لعضوات الملف
بس ...الملف حبيباتي للجميــــــــــــع وخبرة كل وحده مفيده لغيرها ولو عندنا جواب لاستفسار معين مارح نقصر وعدم الرد
مومعناها اننا مانبغى نرد معناه اننا ماعندنا فكره عن الاستفسار المطرووووووووح وزوي مافي بنات مايبغوا يتعبوا بالرجوع
للصفحات الاولى ...من حق بنات الملف يتعبوا من التكرار كل شوي ...كما انبه عدم التعرض للمذاهب او الديانات ايا كانت احنا هنا نفيد ونستفيد مو بسدد محاسبة الناس على مذاهبهم وافكارهم واي تعرض رح يتم اتخاذ اجراء صارم مع العضوه اللي تتمادى من الاداره فأتمنى تنتبهوا على هالنقاط
كما ارجو من العضوات الاتي يطرحن تجاربهم ان يوضحوا ملاحظاتهم عن المستشفى التي تمت الولاده فيها
من مميزات ومساوئ حتى يستفيد الجميع ...شاكره لكم حسن تعاونكم معنا
بسم الله نبـــــــــــــدأ
رابط الملف الاول
http://forum.hawaaworld.com/showthre...D1%E6%DF%ED%D1
رابط الملف الثــــــاني
http://forum.hawaaworld.com/showthre...D1%E6%DF%ED%D1
رابط الملف الثــــــالث
http://forum.hawaaworld.com/showthre...D1%E6%DF%ED%D1
رابط الملف الرابــــع
http://forum.hawaaworld.com/showthread.php?t=2671322
رابط الملف الخــــــامس
http://forum.hawaaworld.com/showthre...1#post58967439
رابط الملف الســــادس
http://forum.hawaaworld.com/showthread.php?t=3056528
رابط الملف الســـــابع
http://forum.hawaaworld.com/showthread.php?t=3102740
رابط الملف الثامن
http://forum.hawaaworld.com/showthread.php?t=2728741
رابط الملف التـــــــــاسع
http://forum.hawaaworld.com/showthread.php?t=3210347
رابط الملف العاشر
http://forum.hawaaworld.com/showthread.php?t=3347723
ولتسهيل المهمه اكثر وضعت مواقع لبعض المستشفيات علها تقدم معلومات اكثر لمن تحتاجها
بالذات الاسعار دائما في تغيير فالافضل الرجوع والاتصال بالمستشفى للحصول على المعلومه الاكيده
موقع مستشفى الملك فهد التخصصي
http://www.kfsh.med.sa/KFSHWebSite/default.aspx
موقع مستشفى المواســــــاة
http://www.mouwasat.com/
موقع مستشفيــــــات المــــــــــــانع
http://www.almanahospital.com.sa/
موقع مستشفى الرعـــــايه(بروكير)
http://www.procare.com.sa/default.aspx?lang=ar-sa
موقع مستشفى اســــطون
http://www.astoonhospitals.com/
موقع مستشفى سعد التخصصي
http://www.saadmedical.net/patient/index.aspx?lang=ar
موقع مستشفى فخــــري
http://www.fakhryhospital.com/
موقع مستشفى محمد الدوسري
http://www.mdh.com.sa/
موقع مستشفى تـــداوي العام
http://go.tadawi.com.sa/Home/Ar/Welcome/
مستشفى الهيئه الملكيــــــه بالجبيل
http://www.rch.med.sa/Ar/RCH/
مستشفى القوات المسلحه بالجبيل
http://www.msd.med.sa/AR/Depts/hospi...s/default.aspx
مستشفى الموسى بالاحساء
http://www.sedoparking.com/search/re...&site_id=42566
وهنا ارقام مستشفيات ومستوصفات المنطقه الشرقيه
اسطون
038590024
السلامه بالخبر
038641011
مانع الخبر
038987000
مانع الدمام
038262111
مانع الجبيل
033412000
مانع الاحساء
035887000
مستشفى الهيئة الملكية بالجبيل
033464000
مستشفى الروضة العام - الدمام
038346555
مستشفى تداوي للخدمات الطبية بالدمام
8348777
المواساه الدمام
8200000
مستشفى الصـادق بسيهات
8500160
مستشفى الزهراء العام - بالقطيف
038555333
مستشفى المواساة بالقطيف
038512222
مستشفى الجبيل - وزارة الصحة
3622233
مستشفى المواساة - الجبيل
033490000
مستشفى الأحساء - ومركز مغربي
035844000
مستشفى عبيد الاحساء
035303333
مستشفى عبدالعزيز الموسى بالأحساء
035307000
مدينة الملك عبدالعزيز الطبية بالأحساء
5910000
مستشفى الملك فهد بالهفوف - وزارة الصحة
5750000
مستشفى الرعاية التخصصية بالخبر(بروكير)
038955900
مستشفى د/ فخري والراجحي بالخبر
038954960
شركة مستشفى سعد التخصصي بالخبر
038826666
مستشفى محمد الدوسري بالخبر
8945524
مستشفى القوات المسلحه بالجبيل
033640900
دكتوره بشرى السبسبي في عيادات ليلى العنيزي
رقم العياده-8574040-تحويله 433
هنا بعض الروابط التي تهم كل حامل
رابط حساب الحمل من اخر يوم للدوره
http://www.sehha.com/medical/pregnancy/Preg-calc.htm
مخطط تحديد الايام المناسبه للحمل
http://www.sehha.com/medical/pregnancy/conceive.htm
رابط الافاده لما جاء في ورد الولاده ...ادعيه لتسهيل الولاده باذن الله
http://forum.hawaaworld.com/showthread.php?t=2629591
هذا رابط لموقع فيه كل المعلومات اللي تهمنا عن ابرة الظهر
http://www.6abib.com/a-339.htm
وهذا رابط لكيفية وضعها بالصور
http://vb.cools4u.com/showthread.php?t=38007
هنــــــــــــــا اضع بعض تجارب الولاده لعضوات شاركونا بالملف مع تكرار التنبيه ان كل عضوه تتكلم من واقع تجربتها ووجهة نظرها الشخصيه
تجربة العضوه (الفجر البعيد@) بمستشفى الرعايه ...بروكير... ولاده قيصريه
http://forum.hawaaworld.com/showthre...CC%D1%C8%CA%ED
تجربة العضوه(اهات حجازيه)) بمستشفى تداوي...ولاده طبيعيه
http://forum.hawaaworld.com/showthread.php?t=3268492
تجربة العضوه(الهيبه نجديه) بمستشفى سعد .....ولاده طبيعيه
http://forum.hawaaworld.com/showthre...6#post40677106
تجربة العضوه(MISS FATEN) بمستشفى اسطون.....ولاده طبيعيه
http://forum.hawaaworld.com/showthread.php?t=2710913
تجربة العضوه (الفجر البعيد@) بمستشفى الرعايه...للمره الثانيه.....ولاده قيصريه
http://forum.hawaaworld.com/showthread.php?t=3401990
تجربة العضوه((القمر الحالم))بمستشفى سعد التخصصي ...ولاده طبيعيه
http://forum.hawaaworld.com/showthread.php?t=2674389
تجربة العضوه banfsaj) بمستشفى الولاده والاطفال الجديده....ولاده طبيعيه
http://forum.hawaaworld.com/showthread.php?t=2164045
تجربة العضوه(دلوعة الدحمي)بمستشفى الرعايه.....ولاده طبيعيه
http://forum.hawaaworld.com/showthread.php?t=2093263
تجربة العضوه(ام حسون) بمستشفى سعد ...ولاده طبيعيه
http://forum.hawaaworld.com/showthre...1#post42052511
تجربة العضوه(بياض الثلج)بمستشفى الرعايه...بروكير... ولاده طبيعيه
http://forum.hawaaworld.com/showthread.php?t=2223905
تجربة العضوه(فله واخوها عله) بمستشفى الرعايه...ولاده قيصريه
http://forum.hawaaworld.com/showthread.php?t=2245556
تجربة العضوه(فراشة الدمام) بمجمع الملك فهد العسكري بالظهران
http://forum.hawaaworld.com/showthread.php?t=2644190
تجربة العضوه(hv,n) بمستشفى الهيئه الملكيه بالجبيل....ولاده قيصريه
http://forum.hawaaworld.com/showthread.php?t=2741108
تجربة العضوه(ام عمران)بمستشفى الرعايه ....ولاده طبيعيه
http://forum.hawaaworld.com/showthread.php?t=2745013
تجربة االعضوة (دنياك دنياي ) بمستشفى اسطون ...ولاده طبيعيه
http://forum.hawaaworld.com/showthread.php?t=2193187
تجربة العضوة المعاناة2009بمستشفى التداوي...ولاده قيصريه
http://forum.hawaaworld.com/showthread.php?t=2202102
تجربة العضوه(ساره 2011) بمستشفى سعد...ولاده طبيعيه
http://forum.hawaaworld.com/showthread.php?t=2427682
تجربة العضوه(دلوعه وقلبي حنين) بمستشفى الرعايه....ولاده طبيعيه
http://forum.hawaaworld.com/showthread.php?t=2752988
تجربة العضوه (احلام ذهبيه) بمستشفى تداوي.....ولاده طبيعيه
http://forum.hawaaworld.com/showthread.php?t=2796364
تجربة العضوه(لجونه الحبوبه)بمستشفى الرعايه......ولاده طبيعيه
http://forum.hawaaworld.com/showthre...1#post55704190
تجربة العضوه(klio) بمستشفى الرعايه...ولاده قيصريه
http://forum.hawaaworld.com/showthre...E1%C7%CF%CA%ED
تجربة العضوه(غروب الشرقيه) بمستشفى الهيئه الملكيه بالجبيل....ولاده طبيعيه
http://forum.hawaaworld.com/showthread.php?t=2831657
تجربة العضوه(سااااااره) بمستشفى الملك فهد التعليمي بالخبر......ولاده طبيعيه
http://forum.hawaaworld.com/showthread.php?t=2858157
تجربة العضوه(عسولـــــه) بمستشفى سعد.....ولاده طبيعيه
http://forum.hawaaworld.com/showthread.php?t=2858065
تجربة العضوه(الجناحيه)بمستشفى الرعايه....ولاده قيصريه
http://forum.hawaaworld.com/showthre...D1%DA%C7%ED%E5
تجربة العضوه(كبت المشاعر)بمستشفى الولاده والاطفال....ولاده طبيعيه
http://forum.hawaaworld.com/showthread.php?t=2861398
تجربة العضوه (غلاوي 22) }}}اللي هي انا :icon20:بمستشفى الرعايه ....ولاده طبيعيه
http://forum.hawaaworld.com/showthread.php?t=1914424
تجربة العضوه((جويريه1)) بمستشفى الرعايه ..بروكير...ولاده طبيعيه
http://forum.hawaaworld.com/showthread.php?t=3095035
تجربة العضوه ((غلاوي22)) ..بولادتها الثانيه في مستشفى بروكير..ولاده طبيعيه
http://forum.hawaaworld.com/showthread.php?t=3235409
تجربة العضوه((سكني قلب زوجي)) بمستشفى بروكير...ولاده قيصريه
http://forum.hawaaworld.com/showthread.php?t=3344333
تجربة العضوه ((ام جنى 1408)) بمستشفى تداوي...ولاده طبيعيه
http://forum.hawaaworld.com/showthread.php?t=3356042
تجربة العضوه(ام كوني)...بمستشفى سعد التخصصي...ولاده طبيعيه
راح اذكر لكم تجربتي بسعد
يوم الثلاثا بدا معي اسهال وترجيع وانتم بكرامه ومنشده التعب كانت معي دوخه
تحملت ولا رحت المستشفى الا الاربعاء بالليل دخلتالطواري جاني الممرض قالي ولاده قلت فال الله ولافالك قام يضحك المهم حطونيبالعربيه وسالوني كم سوال ورقوني قسم الولاده
حطو لي تخطيط طلق ودقات قلبالبيبي
جتني دكتوره فاديه كم سوال سالت قالت بحط لك مغذي وادويه بالوريد وبنشوفاذا معك طلق بنكشف
وجلست الى 3 ونص الفجر تحت الملاحظه جت الدكتوره قالت معكتقلصات وطلق خفيف
قلت بطلع قالت خلاص كملي المغذي ونطلعك
رحت للبيت نمت بسحسيت معي طلق بس مو منتظم صبح الجمعه بدا الالم والطلق ينتظم كل 10 د
رحتللمستشفى على طول رقوني قسم الولاده فوق طلبو تحت رقم الملف
جتني الدكتوره لوابربر قاست الرحم وقالت ولاده
نقلوني غرفه الولاده طبعا على 8 ونص
صار الطلقكل 3 د وانفتح 10 سم بس البنت مو راضيه تطلع وانا من التعب ماكان عندي قدرهلدفع
كان معي 4 ممرضات ودكتوره لوا وقابله فلبنيه
ولان معي مشكله بالظهر مرهتعبت وبديت ادوخ احس الغرفه تدور فيني
قالت الدكتوره بنشفط البيبي خلاص الامماتدفع
شفطوها بس ماكنت اعرف ان الشفط مولم تحسين روحك بتطلع من تحت كانت ولادتيعلى 12 الا الظهر
المهم ولدت وعلى طول ابرتين مع الفخذ وابره تحت وبدت خياطه لماخلصت حطت لي تحميله فولتارين
والبنت فحوصات والاشيا المعتاده
خلصت حطوني تحتالملاحظه الى العصر ونقلوني الغرفتي
عنايه روعه حنيه بالدكتورات والممرضات بغرفهالولاده
اللي تطبطب علي واللي تقولي لاتخافين حنا خواتك
طبعا ماحسيت وهميخيطون لان فيه مخدر
خدمه الغرف حلوه
الممرضات اطلبهم ويجون بسرعه
بصراحهماتغير سعد الا للافضل
دكتورتي صبا لبى قلبها زارتني
الاغراض اللي بالحمامفوط صحيه وبانتيات ومعقم للمنطقه والحوض لتنقيع
وقطن الصدر والبلاستك اللي ينحطتحتك
اول ماتدخلين الحمام لازم يجون يوقفون عندك يخافون من الدوخه
تجربة العضوه(LANA826)...مستشفى بروكير..(ولاده طبيعيه)
هيه تجربتي في الولاده في مستشفى الرعايه
كان يما كا أدري طولتها احم
ترىببدء
شوفواحبيباتي كلكم عارفين الى كانوا معايه بالتجمع اني طولت ومصختها مره يعني خلصت شهريواخذت عليه اربعه ايام وكنت كل ما روح موعد تخطيط تقلي الدكتوره انتي مو مطولهوشطيت لاخر التاسع المهم حبيباتي كنت ارجع مع الدكتوره ناديه ياعمري عليها ولسوءحضي طلعت اجازه قبل ما ولد بأسبوع يعني كان باقيلي بالتاسع اسبوع المهم جلست احوسعلى دكتوره اخذ اخر موعدين عندها المهم اخذت اول مره عند رزاز بعدين غيرت راييواخذت عند دكتور فادي وكان موعدي يوم احد كنت اول يوم بالعاشروانا خلاص مو طا يقه حالى من كرشتي بس رايحه جايه تخطيط للمستشفىونفسياحد يحلف عليه يقلي اجلسي عندنا اليوم بس ما فيه امل لمى شاف الدكتور اني عديت وقتيقلي اشاعه تلفزيونيه عشان يشوف وضع البيبي والرحم كيف عند سوى حقي اشاعه اتذكر انيكنت اشوف جبل قدامي المهم بنات قلي اطلعي التخطيط ونشوف الوضع قلت تخطيطلللللللللللللللللللللللللللللل لللللا من كثر ما سويتلها زياره المهم بعد التخطيطرجعتله العياده وقلي انتي خلصتي الشهر والوضع عندك اوكيه بس يقول بدك دفشهقلت كيف يعني قلي متى بدك تولدي عاد يخيرني كمان جاتني على قولتهم ام الركب صدقوحست الغرفه تفتر فيني قال زوجيكيف متى تولد قال هيه كل شي مهئ عندها بس ما فيه طلق عاد هوه عطاني الجواب الحاسمشوريك تجيني بعد بكره يوم الثلاثاء الصباح تطلعى فوق على طول وانا ريح اعطيهم خبرالمهم خرجت من العياده فرحانه اني قدني برتاح وخايفه من الى قدامي ومدري وش اسويبعمري وطول الوقت وانا ادعي ربي ييسرلي ولادتي رجعت البيت وجلست هذاك اليوم ماحاولت اروح مكان قلت برتاح وجلست اكل تمر ومشي بالبيت جا ثاني يوم قلت برتيب اغراضلاولادي لو اضطروا يروحومكان المهم صحيت يوم الاثنين وقاعده اقول بسوي واسوي ولاسويت شي ما فيني حيل وتذكرت لو انه هذا اخر يوم في حياتي ان نه ما يمديني اسوي شيالهم نرجع لتجربه رحت السوق قلت بشري بجايم لاولادي واغراض قبل اولد واقفه فيالكاشير وانا ماني قادره اوقف احس حوضي يعورني بالقوه حاسب وكان زحمه
رجعتالبيت على العشره سويت عشا وتعشوا اولادي وزوجي ودخلوا ناموا وانا لسع احتي دخلتالتجمع وقلة حق البنات اذا ما دخلت التجمع الصباح بنات ادعولي انه ربي يفرج عليهويسرلي ولادي
من بدري صحيت على الخمسه بس مبغى اتحرك من مكاني واطالع الساعهومبغى اروح الهم لمى جات على السته قمت اخذت سندويشه صغنونههههههه حيل وشاي بحليبوهذا الى سويته قمة الغلط ما اكلت زين ولا تعشيت بالليل بعدين ندمت ما طول عليكمرحت من البيت على السبعه ووصلت على سبعه ونص على ما دخلت كانت ثمانيه الا ربع جاتدكتوره عايشه كشفت عليه قالت الرحم فاتح ثلاثه وقالت لزوجي يروح يسوي اوراقي المهمزوجي نزل وهمه عطوني الروب الانف الذكر المعروف الف المخطط يمه ابغى اذكركم فيه
أدري شريره بس بنات الى دخلتني رايسة الممرضات وشكلها بريطانيه الله اعلماذا مو غلطانه مره حبوبه بعدين جلست معايه شوي وراحت ولحسن حضي بنات ما كان فيهولادات غيري وهذي الى كنت اتمناه من ربي لاني ما حب الزحمه حتى في الولاده ادرياتشرط
بس جاتني قابلتين الثنيتين هنديات بس هنديات وحده عجوز ووحده لا الصغيرهشكلها مسيحيه العجوز مره حنونه ياعمري عليها والثانيه مر قاسيه رفعت ضغطي ترى فيهوحده نفس الشي صغيره هنديه بس حنونه بس هذي وجع ما حبيتها حتى ايام التخطيط كانتمره قاسيه عليه كنت اقول يارب ماتكون موجوده بولادتي المهم كانت فيه بس الهنديهالعجوز ام نظتره ياعمري عليها حنونه حيل جات القابله الشريره عشان تعرفونها علىفكره هيه كانها معلقه المسبحه حقت المسيحين بصدرها بس مدخلتها تشوفين زي المسبحهمعلقه في رقبتها بس هيه مو مطلعتها معليش على الاطاله جابت الحقنه الشرجيه وعطتنيايها وانتوا الكرامه ودخلت الحمام الى بالغرفه طبعا حمام نظيف ومرتب ورجت عشان تحطحقي المغذي جابت ابرهههههههههههه يمه وش كبها تخرع ونا عموما عندي مشكله بالأبر تبعالمغذي الورده عندي مدري وشلون صايره اقلها ما رايحه اخذها تقلي يعني بتولدين وخايفمن الابر ه قلت اولد عادي بس لا تحطين هالابره عا\د يالله يمكن ربع ساعه جدال عمريما خفت قد هذاك الوقت شبكولي المغذي مع الطلق نسيت اقلكم جا الدكتور فادي بعد ماجاتني عايشه ما كشف عليه بس يطمن لان الدكتوره هيه الى تكشف وهوه بصراحه مره محترممع اني كنت اقول كيف يولدون مع دكتور هوه ما ولدني بس اشرف على ولادتي وتجمعوا عنديالممرضات وخلوا عندي بعد ما طلع زوجي وحده شكلها متدربه طب يعني زي المرافقعه قالتيالممرضه الشقرى البريطانيه الى على ما ضن ممكن تجلس عندك قلت عادي والله ونستني شويقبل ما يشد الوج بعدين بدات احس بالم يجي ويروح وكل ما احس ببداية الوجع انفخ فهذاالشي ولله الحمد ساعد انه الرحم يفتح عندي بسرعه فتح تقريبا لحد خمسه جات القابلهالعجوز قاست قالت خمسه وفكت لي المويه شوي الا وحس فيني حمام قلت بروح الحمام قالتلا ما تروحين سويها بالقصريه بطها تحتك قلت مبغى كنت احس كيف اسويها بقصريه قالتالمويه انفكت خطر على البيبي قلت مغى قصريه قالت طيب يا عمري عليها سوي تحتك ونااشيله وانضفلك من تحتك قلت لا القصريه ابرك المهم بنات حطتلي القصريه عفوا بنات احسشوي قرفتكم بس للامانه في النقل ارتحت ورجعت لطلق ابديك ابره مسكنه بسال الدكتورهالمهم قلت لا خفت يطير الطلق بعدين قلت هيه اعرف وضربتني ابره مسكنه رحيتني شويوشوي يجي الوجع وانفح واحس حوضي ينفك سبحان الله وانا ادعي ومشغلينليى اذاعة المجدللقران الكريم مدري لمى كنت اسمع القران ابكي مدري ليه جاني خشوع غريب سرت اسمعواتامل اكثر سبحان الله وادعي ربي واحول اكون متماسكه بس طبعا اخرطيييوكل وحده تشوف التخطيط امسك يدها اقول هاه بطول لسع استغفرالله كانها هيه الىبتولدني ولا تعرف الحمدلله المهم بنات جات دكتوره مصريه كشفت عليه الضاهر انهاراضيه الله اعلم جسمها ملفوف شوي حاطه كحل راسمه عينها بس من فوق خط وتلبس دائماطرحه سبحان الله ما اعرف اسمها بس كنت طول التاسع ادعيربي سخرلي دكتوره حنونه مدريمين طبعا هالدكتوره كنت كل ما روح التخطيط وتكشف عليه تعورني ماكنت احبها بس سبحانالله يوم جا وقت الولاده كانت هيه وعرفت انها سبحان الله خيره كشفت عليه بنات شكلهاكانت توها مستلمه دوامها الله وعلم قالة لي سبعه فرحت من جد قلت صحيح بغيت اموت منالفرحهفكرتها تجبر خاطري قالت شوفي انتي مو مطوله بس بروح اغير ملابسي وارجع لك وياللهبدات التجهيزات الي خبركم فكوا السرير وجهزوا الطاوله والاغراض وجلسوني وجاتالدكتوره وغطوا رجليني عرفتوا الشراريب الى تنحط وقت الولاده الى والدين قبليعرفوها غطولي رجليني بزيها بس مو قماش ورق من جد عجبتني لانهم يتخلصون منها علىطول يعني بس انا الى استعملها قلت لدكتوره ماني عارفه اولد خايفه قالت قلبي لاتخافين انا اعلمك مع اني والده زي منتوا عارفين قبل قالت شوي شوي امسكي المسكه خذي اذاحسيتي بالم نزلى دقنك على صدرك ونتي ما خذه نفس وادفعي واذا تعبتي وقفي وما عليكوما نا عارفه ايه بس وجلست تهديني شي المهم جابت الكرسي وكل ما جاتني وجع ادفوالقابله العجوز الحنونه ياعمري عليها تطبطب على يدي وتمسح على شعري وتقرا قراناسمعها والدكتوره تقلي ادعي دعوتك مستجابه ذحينه وتقلي قولي يامخلص النفس من النفسخلصني ينات طول ما هيه جالسه تقراء قرانوتدي وتقول يا مخلص النفس من النفس خلصهاوالله العظيم بنات من جد كانت حنونه بشكل مو طبيعي بس تعبت وانا ادفع لاني ما كنتما كله باليل ولا فاطره احس رجليني ترجف وما فيني حيل لدف المهم بنات جلست هيهوالقابله العجوز القابله العجوز ما سكه يدي وتطبطب عليه والدكتوره تقرا بنات واللهسار عند راحه نفسيه عجيبه وقتها ولمى ينقطع نفسي تقول خلا مو مشكله الطلقه الجايهما شاء الله عليك شاطره ومن هالكلام ولمى قرب خلاص يطلع قالت شوفي سرير البيبي خلاصقربت اعطتني دافع من جد وطلع البيبي ولله الحمد وسبحان الله كيف ربي خلصني بعدينحطوه على صدري واخذوه بعد ما شفته فديت قلبه وسارت تخيطني وانا ماني مصدقه اني خلاصالحمدلله خلصت ولاده الساعه وحده الظهر وجلست تحت المراقبه ساعه في غرفة الولادهاحاطين ليه الضغط الحمدلله نقلوني غرفتي الى كانت بالدور الرابع اول غرفه علىاليمين كانت تمام والحمدلله لا الغرف مفلله شكلها لانه كان فيه زحمة ولادات قبليبيوم المهم دخلت الغرفه وقالت متتحركي من السرير الا بعد ساعه يخافون ادوخ كانالمغذي لسع راكب بعد ساعه كنت ابغى اروح الحمام دقيت جاتني الممرضه كانت فلبينيهكلبوزه شوي بس طيوبه قلتلها ابغى ادخل الحمام قالت ما تقدرين قلت الا ابغى ادخلقالت خلاص بس لازم ادخل معاك قلت خلاص يعني جات على هذي مو مشكله دخلتني الحمامبنات والله العظيم بنات يعني عفوا على التفصي الكثير الى فصلته بس حتى تشطيف شطفتنيوبدلتلي الكوتكس ورجعتني السرير شويبعد مااا طلعت على طول جابولي غدا كان كويسبالنسبه ليه حسيته اكيه وجاتني حقت التغذيه قالت اختاري وجباتك واخترتها للايام الىانا موجوده في المستشفى فيها يعطونك بين الوجبات سناك خفيف يعني تمام الى اهلهابيدين عنها زيي تمام متجوع واذا بغيتي شي تطلبينه الممرضات في التنويم بشكل عامكويسات النيرسري جابولي ولدي بعد ما طلعت الغرفه بساعتين عشان كانوا يستنون نبضاتالقلب اتنتظم عنده بس وتما رجعوا اخذوه عشان الدتور يكشف عليه اذا بغيته يطلعونهليه متى ما بغيته بس اليوم الى كنت بطلع فيه ما رضيوا يطلعوه قالوا ممنوع وانتيطالعه وانا طالعه قصوا الاسواره الى في يدي والاسواره الى في يده وحطوها بالاوراقوابوه كان معايه يعني انا وابوه استلمناه مع بعض رافقتي ممرضه وحارسة امن لحد البابالاوراق كانت كرت الطعيمات والادويه وكرتالى يطبعوا رجله فيه بطاقة التعريف الى لمىينولد يسوها له عطوني ايها مره حبيتها لان فيها طبعهة الرجل والاسم وبصمة اليد حلوهلمحبي الذكريات زيي
نجي للمهم للاشياء الى ما حبيتها وحسيتها ما عجبتني اغطيةالسرير قديمه جدااااااا هذا الى لاحظته احسها من جد منكرفه من الغسيل وملابس البيبيمره والفه مره كلها مكروفه كرف مو صاحي تنظيف الغرفه جاتني ثاني يوم ربت ونظفت ليهالغرفه وغيرت الشرشف ومسحت الزباله كل شوي يجون ينظفوها يوفرون فوط صحيه ما ركة فامانا افضلها في اللنفاس على اللولوز احسها ما تسوي التهاب وفيه كمان اندر ويريراتيوفرن مممممممم وش كمان خياطتهم كانت ممتازه بالنسبه ليه اول خياطه احسها مزبوطه فياولادي كلهم ما كتب الدكتورليه غير ميبو ومسكن ما كتبليه مضاد استغربت كتبوا لولديفتمين دال وبس حبيباتي وتوته توته خلصت الحدوته
اقتباس لتجربة العضوه(فضوليه) بمستشفى سعد.....ولاده طبيعيه
هذي تجربتي بمستشفى سعد التخصصي بالخبر
كنت خايفةحيييل بس الحمدلله المستشفى من جميع النواحي ممتاز
بس انا الي ولادتي اشوي كانتمتعبة
يوم الجمعة بعد ما سبحت طلعت من الحمام وانتو بكرامة الا احس انو شئنزل مني وارجع الحمام الا والاقي دم
هذا الكلام الساعة 3 ونصف العصر
انا عادهنية من شفت الدم الا واقعد ارجف مكاني من الخوف طلعت من الحمام ورحت لابو الشباباقولة خلاص
ماتروح الليلة العمل لانة كان يشتغل اخر ليل خلاص نزل علي دم قاليالله البسي عباتك خل انروح المستشفى
قلت لا لحظة خل اتصل بالدكتورة اسألها لانما احس بألم واحاول اتصل واتصل بس الدكتورات ما يرفعون التلفون ابد
المهم قلت خلافتح المنتدى واسأل البنات يمكن يعطوني حل واكتب لكم وانا انواع الخوف وانتو طبعاما قصرتوا ماشاء الله عليكم وبعدين قريت عن وحدة نزل عليها دم وراحت المستشفىوقالوا لها بدري عليكي ورجعت وما ولدت الا بعد 3 ايام انا هنا خفت اكثر
رحناالبحر انا وابو الشباب نتمشى يمكن احس بألام او شئ المهم تمشينا ورجعنا الاذانصلينا وانا اشوي حسيت بتعب وقلت بروح اريح اشوي خاصة اني قبلها مانمت فدخلت علىالساعى تقريبا 7 ونمت وكل اشوي اصحى اروح الحمام واحس بتعب اكثر
وثقل على تحتوالام تروح وتجي بس مش منتظمة المهم انا صحيت على الساعة تقريبا 12 وانا ميتة جوعبس مالي نفس في شئ وانا اصلا ما اكلت شئ اليوم كلة بس من شفت الدم مادري اشلونانقلب كياني واخترعت وما صار لي خلق الى شئ
عملت لي سندوتش واكلتة والالاممازالت تروح وتجي وابو الشباب ينتظر يقولي هااااة مانروح الحين وانا اقولة ماعليةننتظر اشوي انا اسمع البنات يقولون ان لازم ينتظم الالم ويكون كل 5 او 10 دقايق بسانا احس بالام بس محتملة نوعا ما
المهم رحنا المستشفى على الساعة 7 صباح يومالسبت
وصلنا المستشفى وعلى الطوارئ ومن عرفوا اني جاية ولادة ماشاء الله عليهمعلى طول اخذوا اجراءاتي عشان يعملوا لي الازم
اخذوا بياناتي وانا كل اشوي اقوللابو الشباب اسألهم منو المناوبة اليوم >>>>خايفة من الي يسمونها نيفين
وكل ما سألناهم قالوا احنا هنا ماندري اول ماتركبي ان شاء الله يقولون لكويودوني غرفة الكشف وانا خايفة وزوجي معاي يقولي خايفة؟
اقولة بموت خوف يقولونالبنات الكشف يألم حيييل
وكمان خايفة من الدكتورة الي راح تجيني يمــــــــــــةكنت خايفة من شئ اسمة نيفين من كثر الكلام عليها
وجت الممرضة ودخلتني الحماموقالت لي اغير اثيابي وغيرت وجلستني على سرير الكشف وسألتها عن الدكتورة
والحمدلله قالت لي بتجيكي د/ الينا
ذاك الوقت ارتحت اشوي الحمدللله وحمدتربي قلت هذي اول شئ خفت منة وانحلت
وتيجي الدكتورة وتكشف صح كانت حنونة وتحاولانها ماتألمني واترخي فيني واتهدي بس لازم فية الم
خاصة في هذي المنطقة 0
المهم سألتني اسألة وقلت لها انة نزل علي دم من امس العص واليوم جيت قالتالرحم فاتح (4) سم
مانقدر نطلعك من المستشفى ان شاء الله راح اعملك اشياءاخلييها اتسرع لك الولادة
انا هنا خفت من الطلق الصناعي لان البنات هنية يقولوناة يألم بقوة انا سألتها على طول
قلت لها طلق صناعي قالت لا
قالت راح اعطيكيابرة في المغدي اتنزل البيبي تحت لان الجنين فوق وهذي الابرة راح اتساعد كمان علىفتح الرحم
بس بعد ما نطمن على الجنين نصف ساعة
المهم الدكتورة راحت وركبت عليالممرضة جهاز يسمعون فية نبض الجنين
وخلتة نصف ساعة وبعدين فكتة وقالت ياللهنروح غرفة الولادة
انا هنا بدين اتنافض من كل جهة
ركبتني العربة وودتنيالغرفة
صراحة كان ودي اصور لكم الغرفة بس شصور انا كنت مذهولة ومصدومة من الخوفوتارعب علما بان الغرفة واااايد شرحة وهادية وحلوة بس اسمها غرفة ولادة يعني مافيةامل اني اكون مرتاحة واشتغل تصوير >>>خخخخخ
المهم نمت على السرير وركبتالمغدي وجهاز سماع نبضات الجنين وانا احس كل اشوي بألم وبعد تقريبا ساعة او اقل اواكثر جت الدكتورة بعد ما خلص المغدي وقالت تبي تكشف قالت فتخ 5 ونصف وقالت بفتح لكالموية عشان تساعدك على سرعة الولادة كانت الساعة في ذاك الوقت تقريبا 11 الصباح
بعد مافتحت الموية قالت ان شاء الله راح تولدين على الساعة 5 المغرب
اناصراحة اشوي حزنت كنت ابي اولد وافتك وقراحت الدكتور على اني بولد الساعة 5
قالزوجي اجل انا رايح اجيب شئ واجيكي قلت لة وييييييين؟
قال انتي ان شاء الله ماراحتولدي الا 5 لا تخافي بس اروح ساعة ساعتين بالكثير وجايك
بس اشتري شئ اكلة واخذغرض واجي قلت خلاص بس لا تتأخر وراح
وضليت مع الممرضات صراحة قمة في التعاملابدا مايتركونك وما تجي وحدة لا تجي بالثنتين والثلاث ويحاولون يواسونك ويخففونعنك
بس ويييين انا مالي خلق ابد ابييييييييييييي اولد ياناس وافتك
المهم قالتلي الممرضة تبين ابرة ظهر اذا زاد عليكي الالم او ابرة مهدئة
انا عاد قلت لها لامابي ابرة ظهر مع اني كنت حاطتها في بالي بس قبل لا اولد بكم يوم قريت في المنتدىان وحدة اخذت الابرة وانشلت فخوفتني بالمرة وقلت بلاها احسن
المهم على الساعةتقريبا 1 او 12 ونصف الا احس بالام لاتطاق كل اقل من 5 دقايق
اش هالالم هذا؟؟!!!!
انا قلت بس00000
اكيد هذا الي يسمونة الطلق وخلاص من تجيبني الالامخلاص حتى النفس ما اقدر اتنفس من شدة الالم
واقول الى الممرضة ابي ابرة مهدئةوتجيبها واقولها تألم >>>>خلاص مافيني اتحمل الام ثانية
قالت لي لاماتألم بس شكة بسييييطة
وعطتني اياها بس وين ما حس انها خففت شئ الالم يروح ويجيكل مرة اعظم من الي قبل
اشوي ويبون يصوتون على د/ الينا وتطلع عندها عملي علىاساس اني بولد الساعة 5 العصر
وتجيني وحدة ثانية انا قلت يمكن قابلة بس الحمدللهتطلع دكتورة ومعاها ثلاث ممرضات الدكتورة فلبينية
سألت عنها قالولي اسمها بسوالله نسيتة ان شاء الله اشوف اسمها واقولكم
والله هالطلق ماتوقعتة شدية ايشهذي الالام الي ما تحتمل ياساتر
والا لما احس اني ابي ادفع وااااااااااااي
ياربي 0000
انا قلت خلاص هذي نهايتي في الحياة وكل طلقة والثانية اقول ياربتسهل علي يارب
ومادري اشلون دعيت للي تبي اولاد الله يرزقها والله مادري اشلونتذكرت كني في كابوس فضيع ماطلعت منة وانا بخير
حتى لمن ولدت كان الكابوس يتكررويتكرر ويتكرر كاني اولد من جدة وجديد ياربي
المهم الحمدلله كانت حنونةهالدكتورة كمان يعني الحمدللله طحت في دكتورات حبوبات
وكلما حسيت بالدفع اقولبنفسي خلاص هونت مابي اولد ابي اضل شدية بس مابي مابي اولد
هذي الام غي طبيعيةعطوني كمام وقالت لي كلما حسيتي بألم خذي نفس قوي
وانا كلما حسيت بألم اخذ نفسبس ويـــــــــــن اي نفس الي يخفف ابدا
مافية الا رحمة رب العالمين
والكتورةكل اشوي تقولي خذي نفس والممرضات يقولون خلاص الحمدلله هانت خلاص
بس خذي نفسوادفعي وانا والله في حال مابعلم بية الا رب العالمين
لين الحمدلله ولدت على خيروسلامة
وولدت الحمدلله على الساعة 2 ونصف الظهر
وححطوا لي فوطة على جسميوحطوا النونو علي ياعمري بصراحة ماكنت حاسة بية ذاك الوقت ابد لاني لساتني في حالةمايعلم بيها الاربي
بعدين شالوا النونو ينظفوة وقالت باقي المشيمة وخلاص ترتاحينوانا اقول بعد باقي اااااة
واقوم ابكي من التعب الي فيني انا ماصدقت اني ولدتوبعدين يبوني ادفع مرة ثانية ؟!!
لين الحمدلله ساعدتني وطلعتها وهي تخيط واوتنظفوانا ماغير اشم في ذاك الكمام وكابوس الولادة يتجدد ويتجدد ويتجدد
والله كاني كلساعة اولد
والله انصدمت صدمة حياتي يابنات من الولادة ابد ماتوقعت الامها
لاوالظريف في هالشئ اني لمن خلاص خلصوا من كل شئ وانا مازلت ماسكة الكمام واخذ هواء
والدكتورة تقول خلاص خلصنا ولادة وخلصنا خياط وانا ماغير اخذ هواء من المخدرلين ما طفوة عني>>>>خخخخخخ
والله معذورة شسوي ابي اي شي ينسينيالالم
وبعد مانظفوا النونو حطوة على صدري مرة ثانية يقولون شوفي النون شلون حلوانا في ذاك الوقت حاولت حاولت وفتحت عيني وشفتة ياعمري علية
بعدين خلوني ارتاحاشوي في الغرفة
خلاص انا كنت ابي ارتاح كنت وايد وايد تعبانة ويمكن غفت عينيونمت اشوي
بعدها نقلوني الى غرفتي
والحمدلله هذي تجربتي كاملة معالتفاصيل
الدكتورات كانوا وايد مريحات وحنونات
وكمان الممرضات قمة فيالرحمة وما يتركونك ابد
ويحاولون يخففون عنك بقد ومايقدرون
المستشفى جدا مريحمن كل النواحي سواء النظافة او الراحة او العناية يعني من كلة
الاكل كان بنظامالمنيو تطلبين الي تبي
بس انا قلت لهم اي شئ لاني ما لي خلق انا اصلا كنت اكلوجبة وحدة وبس
الي هي الفطور مو كراهة بالاكل بالعكس اكلهم وايد حلو بس انامنسدة نفسي ومالي خلق الى اكل
ايش كمان ايش كمان
ايوا00
كلام البنات صحيحعندهم تركيز على الرضاعة الطبيعية بس عادي اذا تبيهم يعطونهم حليب يعطونهم انا قلتلهم اعطوة حليب بالاضافة اني انا بعطية لان ماكان يجيني حليب وانا احسة جوعانياحراااام
وقلت كدة للدكتورة قالت معليش حتى لو ما جاه بس الغرض ان نشدد عليكبالرضاعة حتى لو ما جاكي حليب على الاقل ضمية الى صدرك تعطية حنان وتقربية ليكياكثر وهو يحس بالاطمئنان
وانتي تساعدك الرضاعة على رجوع الرحم الى وضعة الطبيعيبسرعة اكبر
انا صراحة عجبني كلامها كثير فكان مرة انا اعطية ومرة هما يعطونة فيالحضانة
وعندهم تشديد على الطفل وهذا شئ كمان حلو ما يعطونك اياة الا لمنيتأكدون من رقمة مسجل على يدك هو نفس الرقم الي مسجل على رجلينة وماتاخذينة الا بعدماتوقعين بالاستلام في الساعة الفلانية
ايش كمان خلاص تعبت ايش بقى
انا دخلتالمستشف يوم السبت الساعة 7 الصباح وطلعوني يوم الاثنين الساعة 3 تقريبا العصر
يوصلونك بالعربة مع النونو لين باب السيارة ويحملون اغراض الغرفة كمان لين بابالسيارة
وبالسعد والسلامة000
اقتباس لتجربة العضوه ((شهد العسل)) بمستشفى سعد ..ولادهطبيعيه
نبدأ بسم الله ..
طبعا بعد ماكملت الاسبوع ال38 وخمس ايام يومالاربعاء...2-3..وقت المغرب صليت المغرب..يوم جت الساعه ست ونص تقريبا..قعدت عاللابتوب ..الا احس بمويه تنزل مني..طبعا مانزلت بسورعه لالا نزلت كدفعات..وجتنيالروعه.
وقام قلبي يرجف من الخوف..رحت اخذت لي فوطه عشان امنع المويه ولكن هيهاتتنزل علي...واروح ادق على زوجي بالشغل ومايررد..ياربي وانا ميته خوف ..واروح اجهزشنطه لعيالي عشان بحطهم عند اهلي ..من العجله مدري وش حطيت..واروح اخذ ليشور...وكان عالاذان العشا واصلي...المهم زوجي رد عالتلفون بعد فتره مو علىطول..ويجي طاااير نتوكل على الله ..وقطيت عيالي عند اهلي...واروح لمستشفىسعد..وادخل الطوارئ ويركبوني كرسي ويرقوني لقسم الولادهويدخلونيلغرفة الكشف وتقولي الممرضه غيري ملابسك...والغرفه كانت بارده وتخوف...ولبست ثوباللي خبركم بس كان لونه وردي مدري ليش وردي مو ازرقوحطولي قياس الطلق ونبض الجنين ..طبعا انا يوم نزلت المويه ماجاني طللق ابدن...طبعادخلت غرفة الكشف الساعه 9 مساءا..
وجتني دكتوره الينا...ومعاها قابله شكلهاصوماليه..وفحصتني من تحت طبعا وقالت مفتوحه 2 سانتي بس
وقالتلازم اكشف بالسونار اشوف الجنين والمويه..وتطمنت عالوضع...وقالت لازم نسوي لك كشفمن تحت وش سالفة المويه..ويلااااا كشف مره ثانيه ومعااااناااااه وصيااااح..وتدخلفيني فم البطه تخبرونه تخيلووو...واقعد اصيح من الوجع...عاد هالدكتوره روسيه يعنينص كلامها انجلش ونص كلامها عربي مكسررر,,,قالت نصبر عليك كم ساعه وعقبها نعطيك طلقصناعي...قل لها اوكي مايصير خاطرك الا طيب<<اي هين
ويودوني غرفة الولادهاللي بولد فيها..طبعا هي غرفه كنها غرفة تنويم خاصه..المهم ماجاني طلق ابدن ابدنوجتني وفحصتني مره ثانيه قالت بس 3 سانتي فاتح الرحم..قالت تبين نعطيك صناعي بدلمايروح الوقت ومافيه فايده
ومدريتوكلت على الله وخذت الصناعي كان بالوريد عطوني اياه ..ويبدا مفعوله على خفيفويعطوني ابرة مسكن ودوختني ونمت ...ويقيسوني مره ثانيه ونفس الشي مصكر الرحم على 3سانتي..واقعد ادعي واستغفر...المهم زادو الطلق وعقبها بدا الطلق الجدددددوالحاااامي كنها كهررررب تنفضك وقمت اتشهد..
طبعا تغير مناوبة الدكاتره جتنيقابله اردنيه..ودكتوره مايا ...طبعا لازم خبركم يقيسون الرحم كل شوي بس الصراحهدكتوره مايا وهالقابله يدهم خفيفه..وحطولي قسطره للبول اكرمكم الله..واقعد عقبهااووون من الالمممم..وعطوني اكسجين قالو لي عشان البيبي..طبعا الالم كل شوي يزيد ..وصااار متقارب مره...وقالت لي القابله نامي على جنبك..
عقب نومتي على جنبزاااااد الطلق مررره حسيت بتطلع روحي...لين جت لحظة الولاااده... وقامو يستعدونللولاده..وطبعا حسيت بدفع وشد لتحت ..طبعا وقتها الدكتوره تقولي يللااا ادفعي بقووهولاتوقفين..
وموقادره ادفع ..لاني حسيت اخر شي بتعب..وغير كذا الطلق من شدة المهمو قادرة حتى اخذ نفس ...المهم اخرتها دفعت وتوكلت على الله وطلعت بنوتيالجميلهمعمعاناة الطلق الصناعي..طبعا الطلق من بدايته للولاده اخذ تقريبا 12 ساعه ..
والحمدللهوالشكر لك ياااااااارب..وتمت خياطتي...وخروج المشيمه...
هذا مجمل اكشنيفيه شغلات ماذكرتها عشان بس ماااطول عليكممم..
طبعا وقت الطلق تكون عندك القابله ..تشوفك وتشيك عالطلق ونبض الجنين..ماتخليك ..وكل ممرضاتهمحليوات..
ورعايتهم...طبعا انا خلوني بعد الولاده مانقلوني لغرفتي الابعد تقريبا 6 ساعات على قولتهم الغرف كلها محجوزه..
وفيه حاجه ان الدكتوره ماجت شيكت عليبعد مانقلوني لغرفتي ..بس جتني حقت الرضاعه الطبيعيه.. وحريصين على الرضاعهالطبيعيه
تجربة ولادة العضوه ((المتفائله)) بمستشفى الرعايه....ولاده طبيعيه
السلام عليكم ورحمة الله وبركاته....
كيفكم ياحلوين اليوم بقولكم قصة ولادتي في مستشفى بروكيراللي بالخبر أنا الحمدلله ولدت لي تقريبآ3شهور بس كل يوم أقول بكتب قصتي وماأفضى مع النونو وشغل البيت الله يعنناعلى التعب ومأجورين أن شاءالله
طبعآانا كنت أراجع من بداية حملي عند الدكتورة سهير وكانت محترمه وأخلاقها عاليه الله يسعدهابس ماولدتني هي اللي ولدتني وحده ثانيه بقولكم أيش سويت قبل الولاده من حركات الحريم والمحاولات عشان أولد بسرعه وبدايةالتاسع طبعآ مشيت كم يوم بس ماكثرت مشي ماكان لي خلق تعبانه وكان الجو حاركنت دايم مسنتره في قسم الحمل والامومه وطحت على الخلطه اللي منزلتها وحده الله يجزاها خير اللي مكتوب العنوان (رحمةمن ربي نزلت لكل مولده) طبعآ هي كاتبه تاخذينها بنص التاسع بس أنا مافيني صبر فأخذتها أخر أسبوع في الثامن مغامره صح المهم وسرت كل يوم أشربها بس ماحطيت محلب فيها ماكان عندي وكنت أكل رطب معاها ولاحظت والله يابنات من دخلت الثامن الالام وطلق خفيف تعبني صراحه يروح ويرجع ومن صرت أخذ الخلطه هذي الحمدلله خفت كثير التقلصات والشد اللي يجيني يارب لك الحمد المهم كنت حاطه في بالي اولد يوم الاربعاء عشان عيالي ماعندهم دراسه أكون متفرغه لنفسي وجا في بالي أشرب خروع الساعه 8بالليل وأرسلت يجيب لي من الصيدليه وكنت متحمسه مرره أبي اولد خلاص هذا الكلام أول مادخلت التاسع طبعأ على حسبتي لي أسبوع في التاسع المهم وجاب لي الخروع وشربت نص قاروره خروع مع عصير برتقال طازجأتذكرت طعمه بس الحمدلله خلصت وشربت وراه شاي حار وقلت خليني اقوم انظف المطبخ امكن اولد وطلعت كل اللي بالدواليب ونظفتها ورجعتهاوبدا يجيني أسهال على الساعه 1بالليل الله يكرمكم وقاعده انتظر الطلق وماجا اللين الساعه 5الفجر بدا الطلق خفيف وأنا كنت بنام خلاص فقدت الامل وتعبت خلاص من الشغل صليت الفجر ودخلت بنام وماعاد ابي أولد >>>>بكيفيك الولاده هي
وقعدت ابكي ماأبي أولد وزوجي صااار كذا يقول بالليل تبين واللحين هونتي قلت خلاص تعبت من الشغل ابي انام مافيني اطلق ودخلت الغرفه أوهم نفسي اني مافيني شي والطلق خفيف يروح ويرجع اللين الظهر وانا انام وارجع اقوم الساعه 12 قمت صليت الظهر وقلتله بروح المستشفى بشوف في ولاده ولا برجع البيت انام وكان الطلق بعده خفيف ورحت على الطوارى على طول وكشفت علي الدكتوره وتقولي ماشاءالله 8سانتي انا هنا انهرت وفرحت وخفت بنفس الوقت مافيني حيل للدفع بس استعنت بالله وقعدت استغفرالله وزوجي كان تحت يكمل الاوراق وجا اتفاجالما قلت له الحمدلله 8سانتي الدكتوره اتوقع اسمها سكينه والثانيه مدري اتوقع امنيه كلهم مصريات اخلاقهم كويسه الحمدلله بس الغريبه صافطيني بالغرفه لحالي ومعايا ممرضه وحده تروح وترجع علي واحسن شي غرفة لحالي كانت حلوه ونظيفه وفيها تلفزيون بلازما ومعاي زوجي انا اللي تعبني طلقي بارد مرره فعطوني طلق صناعي زوجي يقول سالتهم وقالو عطيناها طلق طبعآ مأسالوني أذا ابي ولا لأ وطلقي بعده بارد انا اتوقع من الخلطه يعني مااحس بألم كثير الحمدلله والدكتوره كانت تساعدني لما تجيني الطلقه تدخل يدهاوتوسع بغيت أموت من الالم عشان بيدها توسع ولما تروح الطلقه ماطلع يدها هذا الشغله تعبتني مرره فيها الله يسامحها وماوسعوني على طول لما شافو مافي فايده فيني وحيلي مهدود مافيني أدفع وسعت شوي بالمقص وجاتني الطلقه وضغظت على نفسي وكتمت ودفعت بقوه والحمدلله طلعت أحلى بنوته طبعآ عطوني الكمام بس ماأستخدمته كثير ابي اخلص وهو يدوخني وانا موناقصه لني كملت 19ساعه مااكلت شي ومانمت زين وطبعا خيطتني الحمدلله خياطتهم تمام وشوفة النونو وخذوه بره يلبسونه ماعجبتني حركتهم المفروض يلبسونها اساوره اقل شي بالغرفه قبل ياخذونها لأنهم وروني هي بس عيني كذا من الدوخه وجلست تحت ساعتين وطلعوني فوق الغرفه كانت حلوووه مررره وشرحه الحمدلله قدامي مجمع الظهران والقزاز كبير تشوفين كل الشارع والغرفه نظيفه الخدمه كويسه ماشاءالله واخلاق النيرسات كويسه بعد ولما ابيهم يجون على طول الحمدلله والنونو عندهم مايجبونه اللي أذا طلبتيه منهم ويوقعونك على ورقه ومهتمين كثير بالحضانه ولما طلعت من المستشفى لازم تروحين بنفسك تستلمينه من الحضانه وتوصلك الامن للسياره حركه حلوه
والمستشفى بشكل عام حللوه ونظيفه واكلهم مره حلو ومره يارب لك الحمد والشكر ويجيبون سناك العصركيك وعصير او دونات وشاي بس انا يوم وطلعت ثاني يوم ماطولت عندي عيال بالمدرسه
تجربة ولادة العضوه shooli..بمستشفى اسطون....ولاده طبيعيه
طبعا اكشن ولادتي يهبل رايحه لهم برجولي مافيني طلق والرحم فاتح نص سم بس قالت لي الدكتوره لازم اشعه لاني مخلصه التاسع تبي تتطمن على المشيمه والمويه حقت البيبي سويت الاشعه وطلع الماي متعكر والمشيمه فيها تكلسات على قولتهم والبيبي كبير انا خفت قلت شكله ماراح يطلع الا بعمليه المهم دخلت تنويم الساعه 12 كشفو علي وحطولي طلق صناعي الساعه 1 وربع والحمدلله بدأ يفتح الرحم الساعه 3 كشفت علي طلع 4 سم طبعا انا انتظر الاربع سم عشان ابرة الظهر وبسرعه ودوني قسم الولاده وجات الدكتوره حقت التخدير وعطتني الابره ويازينها كنت ارتجف من البرد والخوف ويوم ركبوها دفيت وارتحت وهدأت اعصابي وبدأ الطلق يزيد والرحم يفتح والساعه 6 وصل 7 سم والساعه 7 قالت يالله ولاده وجات دكتورتي اللي هي دعاء وبديت ادفع طبعا عندي خبره بالدفع وساعدتهم الحمدلله و7 ونص طلع ولدي يارب لك الحمد والشكر واخذوه وبدت تخيط والحمدلله ماحسيت بشي وخلاص خلوني ارتاح ساعتين وطلعووني غرفتي
ولادتي ماشاء الله تبارك الله ربي يسرها وسهلها لي بس تعبت بعد الولاده يومين تجيني الام طلق ورجولي تعرق بشكل فضيع وغثيان
تجربة العضوه((احاسيس فياضه)) بمستشفى الرعايه ...ولاده طبيعيه
قصة ولادتي في مستشفى بروكير
انا اخذت الشهر التاسع كله ودخلت العاشر اخذت منه اسبوع وراجعت عند دكتور فادي مرتين وقالي لازم طلق صناعي وخفت مره قالي تعالي بكره الفجر قلت طيب وهربت ومارحت على الموعد طيب بس صارلي موقف يمكن يكون سبب في ولادتي بس موقف يضحك ويبكي
في يوم الاثنين 28 شوال رحت للبنك الامريكي اجدد حسابي الظهر الساعه وحده طبعا رحت مع تاكسي انا وبناتي ولمن خلصت وطلعت ادور تاكسي ادور في الظهر والشمس مالقيت يالله بعد ماقطعت الشارع ورحت للجمعه سنتر جا واحد وركبنا معه المهم من خبالتي والظاهر ان الشمس لحست مخي قلتله نزلنا عند مطعم داجن الي على الواجهه يعنني بلعب بناتي واغديهم بس اكلنا تراب نزلنا واخذت رقم السواق وقلتله اذا خلصت بدق عليك قال طيب وراح سحب علي سيفون دخلت المطعم فااااااااااضي يخوف مافيه الا انا وبناتي والعمال يبحلقون فينا يمه وش ذا وش الي سويته انا المهم طلبنا الغدا ومارتحت ابدا قلبي قارصني وقلتلهم سفري وادق على راعي الليموزين قال انا رحت الدمام واطلع برى واجلس بناتي على كراسي برى تحت مظله واوقف انا بعيد عنهم ابي اوقف سياره واجلس ساعه في الشمس محد راضي يوقف سيارات تاكسي تمر بس ماتوقف مدري معهم ناس ولا خلص دوامهم حقدت عليهم المهم بعد ماتفرج علي الرايح والجاي شلت غدانا الله لايعوده ومسكت بناتي ومشينا على خط الواجهه من ماكدونالدز وداجن الييييييييييييييييييييين مشينا مشي والشمس صاكه عاموديه على الراس وبناتي خلاص ذابو وانا اجر كرشتي مدحدره تحت وخلاص وصلنا لمرحله بس نبكي من الحر والشمس والتعب والشارع فااااااااااااااضي ولمن وصلنا فؤاد سنتر قلت خلاص فرجت لقيناه مسكر وجلست انا وبنتي الكبيره نصيح خلاص بندوخ من الشمس المهم ونكمل الين لفينا ووصلنا باسكن روبنز مكيف وجلسات عوائل رايقه وندخل واحنا خلاص زي المجانين وجيه محروقه ومعرقه من الشمس ونجلس جو الكراسي وتجينا حالة هستيريا وضحك على اشكالنا وعلى السلامه هههههههههههههههههههههههه ونبرد ونشتري مويه بارده واسكريم وادق على زوجي وشوي وابكي طبعا زوجي شغله اسبوع عندنا واسبوع في بقه تابعه لارامكو المهم ويهاوشني ويقولي كلمي سواق اهلي واكلمه وقالي طيب بجيك واستنى الين جا ورحت البيت ولمن دخلت الحمام وانتم بكرامه لقيت
نزل علي دم وفرحت انه خلاص بولد بس خفت مارحت لانه مامعي طلق واجلس الين يوم الثلثاء وتنزل سدادة الرحم ودم كمان ومويات بس مو كثير زي الرطوبه والافرازات شوي المهم قلت خلاص مابدهاش واصحي زوجي فجر يوم الاربعاء الساعه خمسه واروح للمستشفى وادخل واطلع فوق وعلى الغرفه الكئيبه وتجيني الممرضه السيريلانكيه العجوز وتعطيني الحقنه وطبعا لبست الروب وركبت علي الاجهزه والمغذي وااااااااا ازعجني كل خمس دقايق حمام المهم الرحم كان مفتوح ثلاثه سانتي قاسته لي دكتوره سكينه يدها زي السكينه تعور مره المهم قالت لازم طلق صناعي وركبوه وبدا معي الطلق من الساعه سبعه الصباح وطلبت مسكن واعطتني الساعه 8 تقريبا ابره في العضل ونمت وارتحت شوي وبعدين صارو كل شوي يقيسون وازعجوني مره وجات دكتوره سهير وماحسيت فيهم الا يصحوني يقولولي قومي مفتوح سبعه تسمعين سبعه وانا مخدره مره شوي الا يقولو يالله ولاده مفتوح عشره سانتي وانا لسى مخدره وجسمي خاااااااااااامل طبعا نسيت اقولكم المممرضه السيرلانكيه راحت وجات وحده فلبينيه قصيره شريررررررررره وعصبيه بس تهاوشني وتغفص فيني ومكشفتني مكشفه رجولي وبس جالسه تدخل يدها وتلعب تبي توسع مدري ايش تسوي والغرفه كانت مره بااااااااارده التكييف قوي ايوه نسيت اقول انه فيه وحده جات فكت موية الراس بشي زي العود بس يعووووووووووووور مره وركبولي قسطره عشان يفضو المثانه المهم جابو العده ورفعو السرير وربطو رجولي وحطو عليها الشراشف الخضرا ويالله بووووووووش وبووووش
طبعا انا مررررررررررره مافيني حيل ولا فيني طاقه مهلوووووووكه سهرانه طول الليل ماجاني نوم ولا ماكله شي يعني مع المخدر صرت زي الميته ماقدرت ادفع وهم يهاوشوني يبوني ادفع والبنت طايره فوق مانزلت تحت ويقولون دقات قلبها خفت مدري ضعفت خوفوني وكل ماقالو البنت خفت ودفيت بس دف زي وجهي بارد ويمسكون يدي ويحطوها على المسكات حقت السرير عشان ادفع وتطيح من الخمول والكسل وقلة النوم حاولو معي نص ساعه يمكن بعدين جلست اصيح واترجى الدكتوره انها تتطلع النونو باي طريقه قلتلها تكفين دكتوره خلاااااااااص اشفطيها سوي اي شي مو قادره وجابت الشفاط وقالت بس لازم تساعديني وتدفعين والله اني بالقوه ادفع ويقولون هذا مو دف كيذا البيبي بيموت وحاطه على فمي اكسجين تقولي اشفطي خذي نفس نشف فمي وريقي مره ينشف وكل مافكيته رجعته تقول بيبي لازم اكسجين ابلشتني ذا الفلبينيه المهم وادف وتشجعني الدكتوره سهير شاطره شاطره يالله بعد اذا حسيتي بالطلق دفي يالله ويالله اليييييييييييييييييييييييييييي يين اااااااااح
وكل ماجاتني الطلقه صححححححححححححت وتقطع حلقي من الصياح ورفعت راسي فوق جتني ذا الجنيه وتسكر فمي بيدها وتنزل راسي تحت تقولي سكري فمك ودنقي ودفي ومررررره مافي فايده ارجع اصيح وارفع راسي فوق جننتهم وطفشتهم وطفشت انا بعد ابي اخلص
المهم وتجلس الدكتوره سهير تدخل اشياء وتدخل يدها مدري الشفاط مدري ايش المهم وانا ادف وادف وهي تشفط راس البيبي الين طلعت اااااااااااااااااااااااااااااا ااااااااااااه حسيت بالعافيه دخلت جسمي يوم طلعت مني وحطوها على بطني وانا دايخه حتى ماشفتها من التعب الي شفته بهالولاده واخذوها برى وبدوا فيني راحت سهير وجات بدالها ممرضه لابسه طرحه ونظاره وبدات تخيط فيني واشوف البيتادين والخيط والابره وتزززززززززز تززززززززززز تززززززززززززز تخيط وتسحب في ذال الخيط اااااااااح ماطولت يمكن نص ساعه شكل الخياطه داخليه لاني ماحسيت فيها بس كان فيه غرزتين من برى
المهم واجلس دايخه مخدره حالتي حاله الين جابو سرير ثاني وطلعوني فوق غرفتي الي مااخترتها بس ايش اسوي يقولون زحمه الغرف مليانه
غرفتي كانت تطل على الطوارئ من ورى المهم ولدت الساعه 11 الصباح وجابولي غداء وتغديت ونمت وجابولي كمان سناك بعد الغدا
ايش كمااااااااان
ولدت يوم الاربعاء وجلست الخميس وطلعت الجمعه والحين بنزل صور الغرفه وبعدها بقولكم سلبيات وايجابيات مستشفى بروكير من خلال تجربتي ونظريتي انا يعني الي يعجب غيري ممكن مايعجبني والي ناسب غيري يمكن مايناسبني
طيب حاولت انزل الصور مو راضيه تتحمل مدري ليش بكمل بعدين بحاول مره ثانيه احملها من اي مكان
المهم
نجي للمفيد راح اتكلم اول شي عن الايجابيات
اولا - الايجابيات
1) غرفة التنويم الي بعد الولاده شرررررررررررحه والجدار كله قزاز والشمس تدخل في الغرفه كلها تحسين بحيويه ونشاط نووووووووتلااااااا حيويه كل يوم هههههههه اعلان ذكرني بكلامي المهم الغرفه ماعليها كلام بس من حظي حطوني بالغرف الي من ورى ماتتطل على مجمع الظهران تتطل على الطوارئ اشوف طرف مجمع الظهران من عند بوابة الملاهي
2) الحضانه ممتازه مالاحظت شي عليهم يهتمون بالبيبي ويرضعونه ويسبحونه رغم انه عليهم ظغط كبير والمواليد كثيرررررر ويتاكدون اكثر من مره من اسوارتك وانك امه واذا جابوه للغرفه يوقعونك على ورقه انك استلمتيه ولمن طلعت راحت معي ممرضه من الحضانه تدف البيبي بالسرير ووحده منقبه حارسة امن الي باب الشارع
3) الممرضات حبوبات كانت فيه وحده فلبينيه عجوز لابسه نظاره كل ماادق الجرس يجون على طول ماياخذون ثواني اي شي ابيه يجيبونه
صارلي موقف مع الممرضه العجوز هذي مره العصريه كنت اتجهز عشان لو جاني احد رحت غيرت الروب وكحلت عيوني ومشطت شعري وحطيت شوية روج خفيف ولبست شالي الوردي وتجي تدخل وتجلس تقول واو يور نايس وانتي حلوه ايش حاطه بعيونك وايش حاطه بفمك وتقعد تحقق معي ايش اسم الكحل ومن وين وبكم المهم طلعته من الشنطه ماركة مكياجي واوريها ووريتها الروج وقلتلها كله من مكياجي ووريتها اسم الماركه وقلتله تلقينه قدامك في مجمع الظهران وتجلس تتشكى انو ماعندها وقت تروح وتشتري مدري ايش كانت تبغى شكلها كانت تبيه ههههههههه
نجي الحين للسلبياااااااات
1) غرفة الولاده ليست بمستوى غرفة ولاده ولا فيها كل التجهيزات اللازمه الي تحتاجها الام والمولود غرفه صغيره انا لمن دخلتها استغربت ان هذي هي غرفة الولاده غرفه بسيطه مافيها اي اجهزه او الات طبعا الي ولدو بارامكو راح يعرفون معنى كلامي غرف الولاده بارامكو مجهزه من الى
2) البيبي لمن يطلع منك ياخذوه ويطلعونه برى بدون مايحطون بيدها اسوارة التعريف انها بنتك او ولدك بعد ماينظفونها خلاص يلبسونها الاسواره بس المواليد كثير كل مولود يطلعوه برى وينظفونه طيب لو حصل لخبطه لاسمح الله هذي الشغله تخوفت منها
ارمكو داخل الغرفه عندهم جهاز كبير زي السرير ومن فوق دفايه اول مايطلع البيبي تاخذه الممرضه وتحطه على الجهاز تقيس وزنه وتدفي جسمه وتنظفه وتلبسه وتحطله الاسواره قدام عينك ومايطلع انتي وهو من الغرفه الا واساوركم بيدينكم
3) الاكل الاكل الاكل فعلا يالله انك تديم علينا النعمه يارب وتحفظها من الزوال ماله طعم ولا لون ماصخ ماعجبني بس والله اكل من الجوع الشربه ووووووووو والرز يابس والمرق صامط بس كنت اكل قطعة السمك او الدجاج الي يحطونها
الله الله على اكل ارامكو وطبخ ارامكو والله انه اكل اكل على مستو انا جربت ارامكو وجربت بروكير فعلا فرق تحسين اكل ارامكو مسويه اكبر طباخ له طعم ولون وريحه تاكلين اصابعك وراه وشامل من السلطه الي الحلى كل وجبه معها حلى اشكال والوان عكس بروكير الوجبات مايجي معها حلى
4) النظافه ومادراك مالنظافه ليت بروكير يتعلمون النظافه من ارامكو ياعيني على نظافتهم من اول ماولدت يوم كامل بس تجي وحده تدخل تغير اكياس الزبايل بس طول اليوم طيب والارضيه بس كنستها كنس مشي حاله ولانظفت تحت السرير ولا مسحت بمعقم ولا ديتول انا مستغربه المفروض الغرفه تكون ريحتها معقمات وديتول هذا مستشفى وسكت جا ثاني يوم نفس الشي بس تجي وحده تغير اكياس الزباله ولا مسحت الارضيه ولاكنستها ولاغيرو ملايات السرير انا استنى احسب بيغيرونها من نفسهم المهم لمن جا العصر ناديتهم الشرشف كله دم الله يكرمكم وبيجوني زوار والله استحيت من زوجي لمن جا وبناتي بالليل مافي اهتمام بالشي هذا المهم كلمتهم العصر قلتلهم مانكم ناوين تغيرون مفرش واللحاف قالت طيب وراحت وجات بعدين وغيرته قلتلها بدري وصباح الخير
ارامكو والله كل صباااااح بدري تجي وحده سعوديه وتفك السرير وترفعه فوق وتنفظه من الى وتغير كل شي فيه تحسين انك عايشه وسط نظافه وتعقيم يومي مرتين او ثلاث مرات روايح الغرفه منعشه ومعقمه
ايه وفيه شي بعد ماعطوني ادوات النظافه الي هي فرشاه وشامبو وشوز للحمام بس كانو يحطون فوط فام وكان فيه روب معلق مع اني كنت جايبه كل شي معي بس لاحظت هالشي
بنات ترى انا كتبت تجربتي زي ماعشتها بصدق بدون مجامله لاي احد هنا يحب هالمستشفى ومرتاح فيه انا قلت الي شفته وعشته وكل وحده تشوف الي مريحها وين وتسويه يعني انا بس خوفي تجي غلاوي ولا فجوره وياكلوني هههههههههه لاااا امزح بس لاتزعلون مني انا لو حملت مره ثانيه غير ارامكو ماراح اولد ان شالله وماراح اكرر تجربتي ببروكير
لاني جربت مستشفى ارامكو وجربت بروكير حسيت بفرق كبير في اشياء
والي ولدت بارامكو راح توافقني الراي واسالو اختي خلصت الاسامي هي راح تحس اكثر
تجربة العضوه(أم خالد) بمستشفى المانع –الخبر-ولاده طبيعيه
يوم الأربعاء تاريخ 9/11/2011 عندي موعد بالعياده للشهر التاسع طبعا أنا بعد ماعديت موعد الولاده حسبً الدوره 5/11/2011
دخلت على الدكتوره اسمها مونيزا مرررره عسل قالت لي انتي عديتي موعدك بسوي لك كشف مع تحريض طبعا أنا مستسلمه كليا
لانيً ابي أولد خخخخخخخخخخخخخخخخ كشفت علي يدها خفيفه ماشاء الله لكن حركة التحريض ماتالم بسً الخوافه تتخيل انه يعورها ههههههههههه
فقالت ليً بلهجتها انا يلمسً راس بيبيً تحت البيبي بيبيً واجد تحت ورحم مفتوح 3 سم انتي مافيً الم قلت لها لا مافي
قالت انتي الحين ولاده لازم تروحين الولاده بس يعطونك الحقنه الشرجيه ويفتحو كيسً الماي ان شاء