صاعقة بيوتي :

ايش فيه الملف نايم المهم بحركلكم اياه شوي الحمدلله ولدت بالسلامة بمستشفي بروكير الخبر قبل خمس ايام تقريبا وهذي قصتي رابع العيد كان المفروض موعد ولادتي وماكان في اي اثر غير مغص خفيف من قبل بيوم بالليل ورحت الفجر الطوارئ قلت اشيك يمكن يكون الرحم فاتح خاصة انه ماعندي موعد لانه دكتورتي ناديه اجازة وتنكسل موعدي المهم رحت الطوارئ وجلت لهم الم خفيف من الليل وطلعوني على طول لقسم الولادة سوت الدكتورة رابية تخطيط وقالت طلق خفيف والرحم واحد سنتي بس ارجعي للبيت وحاولي تاخدي موعد بهاليومين عشان يكتبون لج خطة ولادة اذا عديتي اسبوع وذا مافي موعد تعالي بعد اسبوع نولدج المهم رديت البيت وبدا ينزل معي دم خفيف مع افرازات اعتقد هذي كانت السدادة ورحت يومين امشي واصعد الدرج لعل وعسى تجيني الولادة وشربت حليب وعسل مع زعفران مرة وحدة بس واليوم اللي وراه صحيت الظهر وبغيت اقلب على جنبي الا والموية تنزل علي مع دم خفيف المهم رحت الطوارئ على طول وطلعوني قسم الولادة جت الدكتورة رابية وقاست لقت مفتوح واحد سنتي والطلق خفيف يعني ماتغير شي المهم قالت ممكن يجيج الطلق بماانه فتح المويه وقالت نصبر الين الليل ونشوف كان الالم خفيف مرتين كل عشر دقايق وهم يبونه اربع مرات كل عشر دقايق عشان يفتح جت بعد المغرب دكتورة شمسه قاست الرحم مافي شي وعالساعة ثمنية ونص حطولي طلق صناعي بالوريد طبعا انا قلت لهم اذا طلق صناعي ابي ابرة ظهر فقالو اوكي بس لازم يكون فاتح ثلاثة عالاقل نطرت الين بعد الفجر وبديت اتعب حيل ارهاق وطبعا موماكله لي اكثر من يوم لاني رحت المستشفى وانا ماكليت شي وطبعا الم وماخذيت اي مسكن وجتني رعشه قوية مع اني مو بردانه ذيك الحزه قلت لزوجي خلاص تعبت مارح اقدر ادف لوجتني الولادة فخلاص وقع عملية قالي لحظة اكلم الدكتورة على ابرة الظهر جت الدكتورة شمسه وشافتني تعبانة والرحم لسا واحد ونص سنتي قالت خلاص ابرة ظهر ونادو على طول طبيب التخدير وجا جزاه الله خير بسرعة وعطاني ابرة ظهر وبعدها على طول ارتحت وراح مني الالم والارهاق وحسيت اني صحصت وعندي طاقة للولادة الطبيعية وحطتلي الممرضة بربيش البول طبعا ماحسيت بشي بس ارتحت من الروحة والجيه للحمام المهم نطرت الين الساعة سبعة وجت الدكتورة ليلى تقيس الرحم لقته فاتح ثلاثة سنتي قالت مدام البيبي اوكي نصبر مافي مشكلة الين يفتح الرحم وراحت بعدها بساعتين تقريبا جت الدكتورة سحر لانه مناوبتها بدت وشافتني للحين عندي رعشة قالت هذا من ابرة الظهر قلت لها لا الرعشة من قبل الابرة فقالت اجل الطلق الصناعي زاد عليج وقاست الرحم لقته اربعة سنتي وشافت انه الغشا تبع الموية تسكر وقالت عشان كدة الرحم مو راضي يفتح بسرعة وفتحت الغشا كامل ونزلت الموية وقالت وقفو طلق صناعي خلاص ان شا الله بيفتح الحين لحاله وبسرعة والحمدلله بعدها بشوي جت الدكتورة افكار وقاست الرحم قالت قربتي الحمدلله فتح ثمنية ونص ساعتين بالكثير وانتي والدة بديت احس بالم بفخذب اليمين قلت لها تنادي طبيب التخدير عشان يزيد الجرعة قالت لا بعدين بتطولين حاولت الممرضة فيها قالت بعدها بتطول المهم راحت وقالت لي الممرضة تبيني انادي طبيب التخدير قلت لها ايه ناديه وجابته لي بسرعة وعطاني جرعة ثانية وراح الالم المهم بعدها بشوي جت مرة ثانية تقيس قالت خلاص الحمدلله ولادة الحين اي وقت تحسي بدفع ابدي دفي دفيت معاها شوي وخلت الممرضة عندي وراحت بعدها بكم دقيقة جت وقعدت معاي وكل ماتجي الطلقة ادف المشكلة المخدر شكله خلص ورد الم الفخذ بشكل فظيع يجي قبل الطلقة بشوي ويزيد ويروح مع روحة الطلقة اتصلو على طبيب التخدير قال ماقدر اعطيها اكثر هذي اكثر جرعة ممكن تاخذها واخذتها قلت للدكتورة عطيني بنج بفخذي قالت مارح يفيدج هذا طلق وكنت موقادرة ادف بسبب الالم بفخذي وكان زوجي عندي وتكسرت اصابعه من التدليك بفخذي المهم وقعدت احاول ادف وكان البيبي ينزل شوي ويرد يطلع الدكتورة قالت يمكن الحبل مربوط على رقبته عشان كده يرد لورا حاولي تزيدي وقت الدف المهم حاولت ادف بكل قوتي كم دفة وفجأة تقولي خلاص وقفي طلع البيبي وانا فراسي مليون علامة استفهام اشلون طلع لالسا ماخرج شي مني خخخخ المهم فجأة جابو عدة الولادة وفتحو السرير وقلت لها بليز اذا في امكانية لاتوسعيني قالت بحاول بس للاسف وسعتني شكله ماكان في مجال خاصة واني اعاني بالدف من الم فخذي المهم دفيت بكل قوتي وطلع الراس بعده الجسم والحمدلله ولدت وانا بقمة التعب من الم الفخذ وطبعا راح الم الفخذ بس كنت احس بارهاق شديد وكنت حدي متقرفة من المويات اللي طلعت مع البيبي وهي حطت البيبي على صدري وانا اقولها لا لا وخريه شيلوه عني خخخخ نظفوه اولا خخخخ المهم وهم يضحكون وشالوه وعصرت بطني وطلعت المشيمة وبعدها بدت تبي تخيط انا انفجعت قلتلها لا لاسويلي بنج موضعي قالت لي انتي عاملة ابرة الظهر مايحتاج قلتلها مافي واصريت وعملت لي ابرة بنج موضعي خخخ بصراحة حدي كنت متقرفة من الخياطة والمشيمة والدم وماصدقت على الله خلصو واه ومادري باي وقت شالت الممرضة البربيش وبعد ماخلصت الدكتورة سوت واحد ثاني بس عشان يطلع البول الله يكرمكم وبعدها شالته على طول قالت لازم يطلع البول عشان يتقلص الرحم ومايصير نزيف المهم بعد ماخلصو كل شي وشكرتهم راحت الدكتورة وبقت ممرضة وحده وقالت ساعة تحت الملاحظة وبعدها تطلعين الغرفة بعدا جا دكتور تخدير ثاني وقال بيشيل ابرة الظهر وانا رافضة هههه كنت خايفة احس بالم الخياطة لانها مسببتلي رعب المهم قالت الممرضة مارح يستقبلوك في الجناح الالوشلتيها ورضخت للامر الواقع وشالها وبعدها جت ممرضة من الجناح عشان تشيلني وجت وقالت بشيك الرحم اولا وعصرت بطني وقالت للممرضة لسا الرحم ماتقلص ركبيلها بربيش ثاني قلت لها لاعادي بروح الحمام قالت خلاص اذا تقدرين مومشكلة قلتلها ايه اقدر المهم طلعتني على الجناح ودخلت الحمام وبعدها عالسرير ولقيت الممرضة حطتلي اكل وقالت لي اكلي وركبتلي مغذي وبعدها شالته لما خلص وذي هي قصتي طبعا اي وحده عندها سؤال حياها الله بجاوب على كل استفساراتكم خاصة البكريات لاني كنت وحده مثلكم والحمدلله ربي سهلها وعدت

ايش فيه الملف نايم المهم بحركلكم اياه شوي الحمدلله ولدت بالسلامة بمستشفي بروكير الخبر قبل خمس...

عطر الصبا :

الف مبروك صاعقه وحمدالله على سلامتك انا ناويه إن شاء الله اولد في بروكير ....بس ابي استفسر منك عن عنايتهم بالأم والبيبي....اهم شي تكوني ارتحتي فيه

الف مبروك صاعقه وحمدالله على سلامتك انا ناويه إن شاء الله اولد في بروكير ....بس ابي استفسر منك...