ام شهوري ابرة الظهر حسابها غير عن المتابع التخدير بس سعره يشمل بالولاده القيصريه سوا كان نصفي او كامل بالطبيعي تطلبينها وتدفعين قيمتها

واتوقع سعر الولاده طبيعي٦٠٠٠ مثل ماقالو ماتوقل ٧٠٠٠

الله يجزاك خير الفجر البعيد وعسى ربي يبدلني خيراً منه

أم شهوري انا أقصد الولادة مع المتابعة 11 ألف
الولادة لوحدها 6000 مثل ماقالت الفجر البعيد والابرة ماتشمل بكج المتابعة والولادة سعرها لحاله

الله يبارك فيكم والفال لكم ان شا الله وربي يسهلها عليكم
هذي اجاباتي على ام شهوري والفجر البعيد بالنسبة لابرة الظهر وغيرها

١- كلفة الولادة بدون ابرة ظهر اعتقد ٧٥٠٠ مو متأكدة لاني تأمين وطبعا الغرفة خاصة وكلفة ابرة الظهر ٢٢٠٠
٢- بالنسبة لاستقبالج بالطوارئ بصراحة مو متأكدة لاني اتابع عندهم من الشهر السادس بس اعتقد انهم يدخلونج عادي اهم شي سواء كنتي تراجعين عندهم ام لا انه حزة الولادة يكون في غرفة فاضية بقسم الولادة
٣- الممرضات بقسم الولادة وبالجناح مرررة ممتازين خاصة السعوديات روعة مررررة طيبات بصراحة كلهم طيبات ماعدا اول ممرضة جتني بقسم الولادة فلبينية عجوز كانت شوي عصبية تبي تسوي شغلها على كيفها وانا طبعا مستحيل اسمح لاحد بها الشي وشديت معاها بالحكي ورضخت لكلامي وكان السبب انها كانت تبي تسوي لي حقنة شرجية وهذا اجراء روتيني وانا ماحبها فرفضتها وخاصة اني ماعندي امساك الحمدلله ورحت بالبيت الحمام فقلت لها ماابيها قالت لي خليني اسوي شغلي قلتلها لا قلت لج ماابيها فقالت خلاص مافي شي بالغصب
الباقين كلهم طيبات ومتعاونات
وباي وقت تضغطين الزر بثانية تلقين الممرضة عندج
٣- الخياط طبعا تجميلي من داخل وبرا والدكتورة اللي ولدتني وخيطتني اسمها افكار سودانية اعتقد وقالت لي رجعتج نفس اول وبشوف بعد الاربعين اذا كلامها صح او لا بس هي مرة طيبة واعتقد انه التوسيع اجراء روتيني يوسعون للكل انا ماكنت ابغى يوسعون لي وقالت بحاول بس وسعتلي يمكن شافت انه جسمي مارح يتحمل وحينشق لحاله فقالت اوسع بترتيب احسن
انا للحين الخياطة مو متعبتني مرتاحة عليها بس الله يكرمج وقت الحمام احسها تنشد وانا بطبعي خوافة غير جذي مافي الم الحمدلله
واقعد عادي
٤- طبيب التخدير للاسف الشديد وحدي ندمانه لاني ماسألته عن اسمه مرررررررررة ممتاز الله يعطيه الف عافية هو سعودي وسمين خخخ ان شا الله اذا رحت المستشفى رح اسأل عن اسمه الابرة ماتوجع ابدا ابدا ولاتحسين بشي بس وخزة خفيفة وهي ابرة البنج الموضعي اما ابرة الظهر نفسها ماتحسيها ابدا بس كم ضغطة خفيفة بدون الم
٥- بالنسبة للدكاترة في استشاريين وهم اللي نراجع عندهم بالعيادة بس مايولدون الا لوتصعبت الحالة وفي اخصائيات بقسم الولادة وهم اللي يولدون
بالنسبة لي انا قعدت اربع وعشرين ساعة بقسم الولادة فمروا علي كم دكتورة على حسب شفتاتهم اللي تتغير كل ثمان ساعات
اللي مرو علي من الاخصائيات اولا الدكتورة رابية ( باكستانية) وبعدها الدكتورة شمسه ( باكستانية) واخيرا الدكتورة افكار ( سودانيه) بالنسبة للاستشاريات الدكتورة ليلى وبعدها الدكتورة سحر كل اللي مروا علي طيبات حبيت الدكتورة سحر لانها عرفت سبب تأخر ولادتي وحلت المشكلة بفضل الله وبعدها على طول ولدت حسيتها مررة فاهمة وعرفت سبب الرعشة اللي فيا ووقفت الطلق الصناعي
بالنسبة لمراجعاتي مريت على ثلاث دكاترة نادية وفادي ونيفين
نادية وفادي مرررة ممتازين وفادي افضل بس رجال ودخلت عنده مرة وحدة لانه دكتورتي نادية اجازة وكان مرة رايق ويشرح لي بالتفصيل من غير ما اسأل وسوا لي سونار ببلاش تخيلي
٦- الزيارات اعتقد اذا ماني غلطانه من تسع الصبح الين ١١ الليل بس بصراحة مو متأكدة
اعتقد الزوج عادي يكون مرافق انا كنت ابغى زوجي ينام عندي بس هو مارضى خخخ طبعا اذا تبين سرير ووجبة للمرافق تدفعين ميتين للليلة

بالنسبة للاكل ماعاد يجيبون منيو يعني اي شي يعطونج انتي وحظج
ويجيبون ثلاث وجبات رئيسية ووجبتين خفيفة
انا قعدت يومين وكل وجباتي طلعت دجاج وانا ماحبه ووجبة المرافق اللي معي طلعت مرة لحم ومرة سمك
شوربتهم مالها طعم ومافيها ملح وغريبة ماتدرين وش هي بالضبط خخ
بس مثل ماقلت اخر همي كان الاكل اهم شي الولادة والرعاية وبس

اذا احد يبي يوم اضافي تكلفة اليوم ١٣٢٠ غرفة خاصة