ماشاء الله عليكم كلكم ناوين الولاده بمستشفيات خاصة ... الله يقومكم بالسلامه
أعذروني داخله عرض >>>>>>>> مهسترة مانمت من البارح

أما أنا بأذن الله راح أولد بمستشفى الولادة بالدمام
كان نفسي بخاص لأني قيصرية وخاطري بالتخدير النصفي لكن أبو العيال رافض مو عشان الفلوس لا عشان الثقه>> كأنه هو اللي بيولد

المهم أنا ولادتي الاولى كانت بمستشفى الدوسري على يد طبيبة مصرية ناسيه أسمها كانت قمة في التعامل والرقي وشغلها بالعملية جدا حلو >>> سبب ولادتي بهالمستشفى لأنه مابينه وبين مكتب زوجي غير خطوتين بس كان يوديني مواعيدي ويروح للمكتب لين أخلص

ولادتي الثانية كانت على غفله كنت بنهاية الثامن وجاية من الرياض نصف الليل وأرتفع عندي الضغط وعلى الطريق كان مستشفى الولادة القديم ودخلت أقيس الضغط قالوا لي تنويم وأنا من الفجعه دخلت للتنويم وأنا ساكته بس اللي ريجني أن كل الطاقم اللي يكشفون علي ودخلوا معي العمليه كانوا طبيبات سعوديات تعاملهم جدااااااااا حلو ريحوني كثيييير

ألحين أنا بالتاسع بيتي قريب من المواساة الدمام خاطري فيه لكن زوجي قال الحكومي أفضل لأنه بدل الطبيب الواحد يجون ثلاثه
وهذا غير عنايتهم بالبيبي وأنا بديت أراجع في مستشفى الولادة الجديد من شهري السابع ولحد ألحين الامور تمااااام
وموعدي بعد بكرة وراح يقررون موعد العمليه وأن شاءالله خير

أدري طولت عليكم بس حبيت أعرض تجربتي وأن شاء أحد يستفيد
وياليت أحد يكون ولدت قريب بمستشفى الولادة وتقولي عن تجربتها

كيفكم بنوتات حبيت اسلم عليكم :)

بنات كنت اتابع مع دكتورة لمياء بسعد
بس الله سهل عليها وولدت
ومو عارفة اكمل مع اي دكتورة
حجزت موعد مع لواء و تاخرت وراح علي
و دخلوني بعد خمس ساعات عند حنان السكري ما عجبتني كثير
متورطة بعمري

فاتن الله يسلمك وتولد كل حامل بالسلامه يارب واولد يالشرقيه ;)
الفجر البعيد ربنايسلمك ويحفظ لك من تحبين اما على قصة المستشفى لا حول ولا قوة الا لله كنا نخاف من المطاعم و اللي قل النظافه اللي مانشوفها وماندري عنها طلعت المستشفيات بعد لهم نفس الاغلاط وقل النظافه الله المستعان
فراشه حواء احنا بخير عساك عالخير دايم

مرحبا بنات تجمعنا العسولات...
الفجر البعيد تسلمين حبيبتي على السؤال...
على سنقة عشرة الله يسهل عليك أهم شي التساهيل وين ما كنت..
القمر الحالم ما عندي خبرة بالسعد بس أشوف صاحباتي مدحوا لواء و غادة و صبا و الينا الاستشارية..الله يسهل عليك يا رب و تتوفقين بالدكتورة الطيوبة...
غلاوي22 نفتقدك حبييتي لو يوم ما طليتي علينا...الله لا يشغلك الا بالخير..
البقية بدون استثناء ما ينور الملف الا بتواجدكم...