يعافيك ياقلبي شخبارك وشخبار تجهيزاتك للعيد
انا خلاااااااااااااااااص تقريبا خلصت بدلتي ولدي خلصته

هلا فجورة...
و الله لسه...قبل اسبوع كنت بالبحرين و اخذت كم شغلة لولدي..لكن باقي..
السبت إن شاء الله اروح أكمل لي و له..لأنو عندي عزايم هاليومين خخخ
إلا وين تنصحيني فيه؟؟
و نزلت البضايع الجديدة و الا؟

مبروك جست مي
ومزنة بنت مايكل
مبارك عليكم النونوات وننتظر تجربتكم
وكيف حالكم جميع ان شاء الله بخير وصحة

هلا حبايبي
بذكر لكم قصة ولادتي
اول شي انا من الحسا
والمستشفيات عندنا مو شي قاصين علينا الحكومي والخاص سيئين
المهم فترة الحمل راجعت بالمؤاساة وما احس إني توفقت فيه
وتاريخ المحدد لي كان 19 شعبان
وكان عندي امل اني اولد من بداية التاسع الي دخلتة 19 رجب
لكن كل يوم يمر علي عادي ما احس بأي آلم اودم ينزل او ماي
واحس بكتئاب
كرهت نفسي في التاسع ما احب اشوف شكلي ولابطني ما احب زوجي يشوفني وانا ابدل
ان وزني زاد
لما يطلب جماع اتفف واطلع الف عذر واحياناً اعصب اقولة ترا زهقت انا تعبانة مالي خلق مسكين زوجي خخخخ
المهم كنت حاطه في بالي ان مستحيل اولد في مستشفى الولادة بسبب معاملتهم الزفت في ولادتي الاولى
وحاطه على المانع اكس لأن اختي ولدت فيه وماكان تعاملتهم زين معها
قلت مافي الا الاحساء او الموسى يعني يعتبرون من اشهر المستشفيات عندنا بعد المانع
وانا ماسمعت عنهم أي شي كذا كنت بروح على عمها
وبعدها رسيت ع الموسى
وفي آخر اسبو ع شفت وحده من الاهل ومانصحتني فيه ولدت عندهم مرتين وقالت حيل سيئ روحي الاحساء حيل زين
ونظيف مره وتعاملهم اوكي وقررت اني اروح الاحساء
المهم إن جاء تاريخ 19 وماحسيت بشي عديته وبتاريخ 22 نزل علي دم والم خفيف
و23 زاد الطلق بس كان كل ساعة وضليت ليوم 24 هنا صار الطلق حامي مره اشوي كل ربع ساعة
رحت المستشفى وكنت متوترة حيل وخايفة من القياس
المهم جات الدكتورة تقيس قبل تدخل يدها وانا صراااااااااااااااااااااخ المهم قاست وقالت واحد سانتي ترا ماعورتني بس انا من الخوف صارخت ^_^
رجعت البيت وزوجي حيل قهرني الوضع عادي ولاكأن اتآلم رجعنا ونام وانا ماقدرت قالوا لي امشي ورجعي بعد 4ساعات
المهم ماشفت الا العصر جالس بيروح الملعب << يابروده قلت شلون تروح انا تعبانة قال شنو بسوي لك يعني
تحملي لمن ينزل الماي واعصب واجلس اصارخ خلاص ودني المستشفى بروح اولد بأي طريقة وان ماوديتني بكلم ابوي يوديني
ورحت وقالوا لي 2 ساتني ونص لازم تضلين قلت اوكي قالوا له تجلس مرافق قال لاااا مع وجهه
المهم المستشفى كمبني والبهو حلو يعني
دخلت الغرفة حقت الولادة صغيرة ولحالي فيها والسرير عادي
يعني الغرفة عادي مو فخمة ولا سيئة
المهم الدكتورة كانت هندية وحليوة والممرضات هنود وفلبينو اول مادخلت كلهم علي
ومن حسن حظي كانت غرفتي قريبة من الرسبشن بقوة في البداية كل ماصارخت يجوني
بعدها انواع السفط والتطنيش يكلموني من برا يقولون لي خذي نفس
اقول لهم تعبانة حدي خلاص بموت يقولون لي انتي كويسة مابتموتين تخيلوا يعني كله يكلموني من برا مايجون
بعدها قمت امشي في الممرات وحالتي حالة واشوف القسطرة واقول ان شاء الله مااحتاج لها
المهم بدء كل ساعة يفتح الرحم اكثر لحد الساعة 2ونص فتح 10 وصارخت بقوة وجاوا لي الممرضات وقالوا يلا خلاص شدي وانا مو قادرة اصارخ قالوا ليش كذا انتي تخوفين الموجودين يلا بدون صراخ اقول ما اقدر ساعدوني
ضليت ربع ساعة والرحم فاتح 10والبيبي مانزل الاتقولي المثانة مليانة ومسببه إعاقة لراس يلا تبولي وانتوا بكرامة قلت مااقدر قالت بسرعة وعجزت كأن جاني امساك وجابوا القسطرة هالعذاب ركبتها وعلى طول قرب الراس وانا احاول ادفع وماني قادرة واصارخ ع الممرضات اقول لهم ابي دكتورة ليش ماعندي دكتورة
تخيلوا ترد علي الدكتورة من الرسبشن متكيه هناك تقولي ايوه مزنة شنو تبين انا شسمه اسوي انا ما ادفع انتي يدفع
ياهي قهرتني
وبعد جهد جهيد ومعاناة وشد اعصاب طلع البيبي
ويوم طلع نادوا لدكتورة تجي تخيط الجراحة خخخخخ ماقصرت صراحة
بعدها بساعة طلعوني للغرفة معاي وحده
كانت الغرفة عادية طبعاً لكن نظيفة فيها فواط وملابس وكلوتاتت
والي جبنبي للأسف طلعت أي شي ادخل دورة المياة بعدها حفلة
بعدها صرت لازم انتظرهم يجون ينظفون عشان ادخل
المهم يعني لادخلوك الغرفة الثانية كأنك تنقطعين عن العالم مأحد يمرك ابد جات الدكتورة قالت انتي تمام قلت اية ومشت
لاكشفت علي ولامرت ثانية
والبيبي يجبونة من الصباح لك من 8 لساعة 11 تقريبا ويأخذونة لاطلبتية يجبونة لك ثانية
واكلهم بالنسبة لي فاشل ما اكلت ولاجبة مقرف بعد
وعندهم شغلة كل وجبة وقعي واختاري ومن هالخرابيط وبين الوجبات يجبون فطيرة لوزين !

حتى ولدي كنت ابي اسال عن حالتة اقولهم ابي اكلم طبيب الاطفال تقولي ممنوع سلامات!
تقول لو الولد مو سليم ولا فيه شي ماجاء عندك للغرفة ولدك زين
حتى عطوني موعد وقالوا اتصلي قبل تجين لأنه بيكون رمضان عشان نحدد لك الوقت
بعد ما اتصلت تقولي راح عليك الموعد لانك مادقيتي بدري قلت ابي موعد جديد طيب تقولي بعد رمضان شدعوة يعني !
يعني ولدت بتاريخ 24شعبان واليوم التاريخ 22 رمضان للحين فيني خيوط الجراحة ماطابت
مفكرة اروح مستشفى ثاني بسبب مواعيدهم لبعيدة
بالعربي يعني المستشفى ماعجبني ما انصح أي وحده تروح تولد فيه

مزنة حبيبتي000
الحمدلله على سلامتك واهم شئ قمتي بالسلامة
والحمدلله على صحة البيبي
المصيبة ان المستشفيات احظوظ الله ايكون في العون
يعني ناس تمدح وناس تذم حتى في اكبر المستشفيات
الحمدلله الي ربي سهل عليكي