الله يسهل عليكم يارب

ااااااااااااااه بموت من القهر كتبت رد طووووووووووووووووويل وراح

حتى نسيت وش كتبت


اهم شي ابارك للغاليه فراشـ حواء ـة الحمدلله على سلامتك ومبرووووووووووك

ماجاكي وفرحت كثير بخبر ولادتك لاني شفت مدى خوفك قبل

بحاول اهدا وبعدين برجع اتذكر ردي واكتبه

خخخخخخخخخخ انا انقهر من هالحركه لما اكبت رد واتعب عليه واخر شيء يعلق ولا ماتفتح الصفحه وينمسح كله ودي ادخل المنتدى واجر الصفحه الي كتبتها والزقها لان من جد اتعب وانا اكتب

غلاوي شخبارك

راح احكي قصة ولادتي ..

اول شي ماكان عندي اعراض ولادة ورحت انام بأمان بعد نص ساعة من نومي ماسمعت الا تك وفكت موية البيبي وانا نطيت بسم الله الرحمن الرحيم وشو ذا >>> بكرية ..

طبعا خذيت شاور سريع و صحيت زوجي وطلعنا المستشفى في الطريق بدا الطلق معاي وكان منتظم كل 5 دقايق ..

وصلنا ورحنا قسم الولادة وجات المصرية فحصتني وكان مفتوح 3 سم .. وهنا طلبت ابرة الظهر واخذوا تحليل وركبوا المغذي وقالوا النتيجة من نص ساعة الى ساعة .. وجات مدري وش اهي ممرضة الظاهر اجنبية اسمها كاثرين وجلست معاي مدة والالم يزيد وهي تسولف وانا مب عاطتها وجه هع ..

وزاد الالم قمت اصرخ ابي مسكن .. قالوا شوي وتطلع النتيجة .. بعدين جات الدكتورة تقول ان دكتور التخدير رفض يعطيني ابرة الظهر عشان الصفايح الدموية عندي نازلة .. لازم تكون اعلى من 150 وانا 125 .. هنا قفلت في عيني الدنيا هع انا ماتخيلت ابدا اني راح اولد من دونها فـ على طول طلبت قيصري وجات دكتورة سهير مع المصرية .. وصارت تكلمني ان ذا اول بيبي ومايصير اسويها و وضعي يسمح الي اولد طبيعي وهيك وانا مو مقتنعة خخخ

قالت راح نعطيك مسكنات ثانية وانا رافضة يا يعطوني ابرة الظهر او يحولوني قيصري .. فـ الدكتورة قالت لزوجي سايرها الين تولد شكلها مصرة على القيصري ..

اعطوني الغاز ذا يدوخ ويسبب هلوسة صرت بس اسولف ومدري وش اقول واعطوني ابرة البثدين وكمامة الاكسجين ..

جات الدكتورة المصرية تكشف قالت نفس الشي من 3 الى 4 :44: ..

كل هالالم وماتغير وانا صرت اصرخ شكلي سببت قلق بالمستشفى هذاك اليوم هع

تميت 6 ساعات طلق من دون ما يفتح زيادة بعدين اعطوني طلق صناعي واااء حار والطلوق ورا بعض وانا ماغير اصرخ كاني سرينة اسعاف :35:

اهلكت نفسي و بددت طاقتي كلها بالصراخ من غير سنع والحمد لله بعد ساعتين ونص من الطلق الصناعي فتح الرحم 10 سم وجوا الدكتورات .. جات سهير و الدكتورة الباكستانية ويلا بوش وانا مافيني طاقة ادفع بس من دون مادفع او اطيح في نص الدفعة :35:

بعد شي نص ساعة او ساعة الا ربع بدأت بنوتي تتعب ونبضها يقل وانا تعبانة فصرنا ثنتيا مانساعد قالت سهير لازم تساعدينا البيبي تعب راح نحاول معاكي بالفاكيوم لو ماطلع البيبي راح نحولك قيصري بس ابي منك تساعدينا ..

صادفتني مشكلة ان المفروض كل مايجي طلق ادفع بس انا من فتح 10 سم من كثر الالم الي جاني بالطلق صرت ماحس بألم يادوب ضغط من اسفل فصرت ادفع لاحسيت بالضغط امشي على احساسي خخخ

بعد عدة محاولات طلعت بنوتي :04: الساعة 5 و 27 دقيقة وحطوها على صدري اللهم لك الحمد ..

وخيطتني دكتورة سهير وماشاء الله عليها يدها خفيفة التوسعة الي سوتها صغيرة فالغرز قليلة و نظفت الي و خلاص بعدين روحت غرفتي ..

بس من حركتي فكت وحدة من غرزي :44: والحين اروح الها تشيك عليها وان شاء الله تلتئم ولا احتاج خياطة من جديد ..

روحت الها مراجعيتن بعد ولادتي مرة حليوة وصبورة انا خيطت الي بخيوط ماتذوب وهي شالتها ياااي موت الم بس كانت تعتذر لما اصرخ وتكلمني تبي اسولف معها وانسى الالم ..

وذي قصتي بأختصار >>> كل ذي الهذرة وهي بأختصار هع :35:

صباح الخير كروشات :27:



بنات مين ولدت في مستشفى

السلامه في الخبر وخاصه عند

الدكتوره ناديه هي مصريه



تكفون من عندها خلفيه لاتبخل علي



يعطيكم الف عافيه



.