السلام عليكم ..
انا اول مره اششارك في هل الموضوع.. ياليت بنات تساعدوني
انا من سكان الاحساء..
والمفروض تكون ولادتي في مستشف الحرس الوطني..
شنو انطباعكم عنه؟؟ من حيث العنايه والاهتمام.. ونظافة المكان والراااحه في الغرفه؟؟

للمعلوميه انا سبق وولدت فيه من خمس سنوات اول ماافتحوا المسشفى كان تماام واهتمام وحتى الغرفه صرت لحالي.. بس يقولون الحين تغيير الوضع ياليت تفيدوني

هلا والله بالحلوات شخباركم انتو وايش اخباركم سواء حوامل والا والدات والا منتظرات يحملون
الله يرزق كلمن يبي يارب0

الحمدلله اليوم اشوف نفسي افضل اشوي صاير لي كم يوم تجيني دوخة
وهالاسبوع معاي غثيان قوي رجع لي مثل الاشهر الاولى مادري ليش؟
حتى الاكل صرت اكرهه ما اكل الا وجبة الفطور وخلاص ما اقدر بعدين اكل شئ
مع الغثيان الي عندي يبدي معاي من الظهر ومايفك مني الا يوم ثاني الله يكون في العون0

الفجر000
حبيبتي شخبارك بكرة على ما اظن موعدك ان شاء الله
يالله يارب اتبشرينا انك نظفتي زين بس هم اقولك انتبهي لاكلك
دم يعني يبيلة اشياء تقويلك الدم
والله يعينك ويعوضك خير

نخلة000
حبيبتي انتبهي لنفسك مع السكر لام بنت خالي من صادها سكر الحمل ماراح حتى بعد ولادتها الحين لها من ولدت
تقريبا 3 سنوات الله يكون بعونها
فانتبهي لنفسك وخلي دكتورتك تعملك حمية خاصة عشان يرجع السكر طبيعي

فاتن000
حبيبتي شخبارك واخبار الصغنن الي مجنن امة في النوم الله يخلية لك ان شاء الله
فاتن00 اش هالحجي الي سمعتة منك !!!!
تبين تعملي لك تجمع ل د/ رنا مع الي تابعوا معها
عزيزتي الي تحب د/ رنا تحمل يالله شدي حيلك >>>>خخخخخ
مو عشان شئ عشانك ياعمري عشان اتشوفينها اقلها كل شهر مرة
يالله فكري في الموضوع وردي علينا >>>> شكلي بتكفخ من الصبح

فنانة حب000
اشلون اتسجلون الاسم قبل ما تنزل المواعيد الجديدة خبريني
خل اعمل مثلكم
يعني لو ابي يوم معين اقولهم ابي في التاريخ الفلاني تسجلون اسمي ويحجزون لي بنفس التاريخ؟
خبريني حبيبتي خل اعمل مثلك

صباح الخير على الجميع

كيفكم حبيباتي......سامحوني على الانقطاع هاليومين مشغوله بالملف وبعيالي اللي نومهم مقلوب

حالتي اصعب منك يافاتن .....الله يعينا ويعينك يارب

اللي سألت عن مانع الدمام بصراحه من ناحيتي ماقد سمعت احد مدحها وغرفهم مره كئيبه

اللي اسمع يمدحونه هو مانع الخبر وبكل الاحوال انا مالي تجربه شخصيه فيهم بس هذا من اللي اسمعه
ومافي مثل الاستخاره والله يكتب لك اللي فيه الخير

وبالنسبه للدكتوره ناديه في تجارب لكم عضوه في بداية هذا الملف وكانت تجارب ممتازه والحمدلله والكل مدحها

وان شالله ترتاحي معها

سامحوني يابنات لو ردي مو مرتب بس والله التعب من السهر والكرف مو مخليني اركز

وان شالله اي شي تحتاجونه مارح اقصر وانتوا فيكم الخير والبركه

تسجيل حضوور
الله يهون على الجميع ..ويسخر لنا الدكتورات..ويسهل ولادتنا..وتقر عينا بشوفة عيالنا سليمين ياااارب
والله يابنات الولاده توفيق من الله اولا واخرا ..
..والمستشفيات سبب ليس الا.
انين..المانع اسمع بعضهم مايمدحونه حق الدمام بس تبع الخبر كويس...
زي ماقالو لك البنات اذا خايفه استخيري مره وعشر
والله ييسر حملك..ويسخر لك الدكاتره وتمم لك خير..

هلا فنانه حب
مشكلة هالمستشفى اني ماعرف دكاترتهم ورحت لدكتوره لمياء..وشكلها هاديه وحليوه..تاخذ وتعطي..
..والله اهم شيالنفسيه اذا دكتوره ماتحب كثرة الاسئله ادور غيرها افضل..