فاتن99 :

بسم الله الرحمن الرحيم في البداية كنت أدور و أحوس ع المستشفيات و بعد ما قريت عن بعض تجارب البنات هنا و حدة كمان من أقاربنا كانت تتابع مع د. رنا و فعلا تشجعت و اتصل زوجي فيهم و أخذ لي موعد طبعا أنا في وقتها كنت بالشهر السادس بأوله و تحديدا بلأسبوع 23 اتكلت على ربي و رحت،،و فعلا دخلت على الدكتورة و بدأت تسألني عن التاريخ المرضي طبعا و متى آخر دورة و كذا و عاد يوم قلت لها الا أشوفها منفجعة قامت تطل من ورا مكتبها تدور كرشتي خخخخخخ عشاني أبد ما يبان لي بطن قالت لي تعالي ع السرير والا تدري خلاص راح أفحص بالسونار على طول و فعلا عملتي لي اياه و تطمنت على كل شي بالتفصيل و أنا كمان تطمنت و شكرت ربي و بعدها طلعت عشان آخذ لي موعد و بعدها جا الشهر السابع و كل شي أوكيه و تمام الى إن جا ذاك اليوم يوم موعدي اللي بالشهر الثامن عاد أنا كنت كلي حماس عشاني باشوف البيبي لأني لما سألتها عن السونار الرباعي قال لي في الثامن راح تسويه لي،،و دخلنا غرفة السونار الا الدكتورة على غير عادتها ساكتة و تحوس وتحوس الا قالت لي بصراحة الموية اللي حول الجنين بالمرة قليلة و نموه متأخر وزنه بس كيلو ثمن مية و ما زاد شي من آخر موعد عاد أنا هنا تدوريني ما تلاقيني تخيلت اني راح افقد البيبي اللي انتظرته سنتين و اللي جا بعد اجهاظين و قالت تعالوا الغرفة عشان أشرح لكم الوضع و جلسنا أنا و زوجي الا هي تقول في هالحالة الفضل تولدي قلت أنا وشو؟؟؟ أصلا أنا خايفة مووووت من الولادة و تقولي أولد الحين؟؟لالالالا مستحيل قالت طيب الحين تطلعي فوق قسم الولادة تعملي تخطيط للبيبي نص ساعة و تروحي و ترجعي لي بعد اسبوع يعني صارت مواعيدي بعد كذا اسبوعية ،،و أطلع فوق و يعملوا التخطيط الا أشوف وجه الممرضة ينعفس و طلعت و شوي الا هذا زوجي مع الدكتورة رنا عندي و قالت لي أنا شرحت لزوجك كل شي و هلا بدي أقول لك انو عندك طلق منتظم ولادة مبكرة وروحوا شيكوا ع الحضانات،،قلت لها طيب كيف أنا ما عندي أي ألم قالت التخطيط مبين انو عندك طلقة كل 3 دقايق و بدوا معاي باليوتوبار اللي يهدي الطلق و تعبت منه مووت عشانه يسوي خفقان و سرعة بالتنفس ووقفوه و عطوني دوا ثاني و كمان عطوني ابرة الرئة عشان البيبي و قالت لي طيب راح اكشف عليك و فحصت و يدها ما شاء الله بالمرة خفيفة و ما وجعتني و الحمد لله طلع مسكر الرحم و تنومت عندهم ليلتين و طلعت و بعدين صرت مهددة بالولادة<<<<حلوة هذي عاد مهددة خخخخ و كل اسبوع اروح معي شنطتي بعدين قالت لي خلاص ازا بدك تاخذي راي أحد ثاني راح أخلي دكتور ثاني يسوي معاي السونار عشاني بصراحة كنت خايفة يدخل ولدي الحضانة لفترة طويلة عشان احنا على حسابنا ما عندنا تأمين و جا ذاك الموعد وشافني الدكتور تركي و هذا الدكتور بصراحة قمة شاطر و متمكن و محترم حيل و طمنا قال هو صح الموية ناقصة بس ممكن نطول بالنا عليك اسبوعين عندها حمدت ربي اللي سخر لنا هالدكتور و هم و انزاح عننا و بعد اسبوعين كويس راح أكون ببداية التاسع و الحمد لله وصلت للنهاية الأسبوع 36 و كان عندي موعد و عند ما سوت لي السونار قالت لي خلاص ما عاد في موية حول البيبي ولاااااادة طبعا أنا طقتني أم الركب و جلست الدكتورة تقنعني و زوجي يأيدها طبعا يبي يشوف ولده خخخخ طبعا رضخت و دخلت التنويم قلت طبعا دكتورة ولديني قيضري طبعا ما رضت و قالت لازم تآخذي حئك بالطبيعي و منها عرفت انها مش انسانة مادية بالعكس و فعلا بدوا معاي من 12 الظهر و هم كل شوي يجون يشيكون و طبعا كانت ليلة مناوبة الدكتورة رنا و مرة جت كشفت علي دكتورة مصرية الله لا يراويكم طلعت عيوني و هي تكشف علي دفشة دفشة،،و بعدها جتني د.رنا و قلت لها ما أبي احد يكشف علي غيرك الدكتورة وجعتني طبعا ابتسمت و قالت لي خلاص بوعدك ما نفحصك الا 6 الصباح و طبعا لاحظت شي على الدكتورة انها بالمواعيد ما كانت بشوشة كثير لكن بالتنويم كاانت بالمرة تجنن و حنونة و كانت خايفة علي من أصوات الحريم اللي يولدوا عشاني بكرية و كانت ترفع معنوياتي لكن للأسف ما كان الرحم عندي يستجيب و هي رايحة و رادة علي و ما فيه أي تقدم الرحم مو راضي بفتح ابد وجلست على الطلق الصناعي 18 ساعة و فيه أي تقدم قالت لي خلاص الساعة 7 الصباح لو بدا يفتح الرحم راح نكمل و اذا لا راح نعمل العملية قلت لها اوكي..،،و جاء الصباح <<قلبت فصحى خخخ و فحصتني قالت للأسف ولا سانتي فتح خلاص قيصري قلت لها يلا بسرعة شيلوا لي الطلق و شالوه و بدأوا يجهزوني و جاني طبيب التخدير د.محمد مصري و بدا يشرح لي و بعدين خلاص جوا عشان ياخذوني لغرفة العمليات دخلتها الا و أسناني تصك ببعض من الخوف جاتني الدكتورة و قالت لي شو فيك قلت لها خايفة قالت لشو شوفي غرفة عملياتنا نا أحلاها و بعدين مش انتي تشتغلي بمستشفى قلت لها أيوة لكن ما قد دخلت غرف عمليات هههه <<تقص قصة حياتها مع الدكتورة بعدها قال لي طبيب التخدير استعدي و جاتني النيرس و قال لي حاولي تنزلين ظهرك قد اللي تقدري و مسكتني و حسيت بشكة مثل الدبوس قال لي الدكتور الحين راح أبدا أحقن المخدر و حسيت بمثل الموية الحارة تمشي برجليني و بعدها سدحوني و حطوا لي الضغط بايدي و شبكوها على سرير العمليات و أنا أحرك برجليني و اصرخ دكتور دكتور و الله لسة أقدر أحرك و جلست أتفلسف عليه الا يقول لي انتي اش تشتغلي قلت له لسه أتدرب دكتور في ذا المجال ههههه و قعد يسولف لي و يشرح اش راح يصير و صرت أحس بمثل القلم يمشي على بطني أثاريه المشرط خخخخخ طبعا الدكتور فهمني اني ما راح أحس بلألم و الحرارة لكن الاحساس بالضغط و اللمس يبقى و فعلا صرت أحسهم و هما يحوسون و يجرون و ما أدري ايش و فجأة أحس بالدكتورة تضغط على بطني و أنا أصرخ قلت يعووور قالت الدكتورة أنا ما لي شغل هذي دكتورة يمنى طبعا يضغطون عشان يطلع البيبي و يمنى ذي مساعدة الدكتورة <<<للمعلومية خخخخ و بعدها سمعت صوت ولدي حبيبي و صرت أبكي بدون شعور و الدكتور يمسح دموعي بالمناديل خخخخخخ و بصراحة ذا الدكتور محترم بالمرة و ايده خفيفة بعدها طلعت و كنت أحس بالبرد و حطوا لي هذاك الشي اللي يدفي ههههه و بعدها ودوني لغرفتي و كانوا النيرسات حبوبات و حنونات بالمرة و جلست بعدها 3 أيام و كنت لما أطلب ولدي يجيبوه لكن أكثر شي أنا أروح له الحضانة عشان أمشي شوي و طبعا كان الألم بالمرة قوي بعد العملية و ما قدرت أرضع ولدي لكن الحمد لله صرت بعد 3 أسابيع أحسن و الخياطة كانت ممتازة ولا لها أي أثر الآن و بصراحة ناوية عليهم الحمل الجاي خخخخخخ إذا ربي أراد و اسمحواا لي على الاطاااااالة

بسم الله الرحمن الرحيم في البداية كنت أدور و أحوس ع المستشفيات و بعد ما قريت عن بعض تجارب البنات...