بسم الله الرحمن الرحيم
اول حاجة نحضر الخلطة نغسل الرز ونضيف له معجون الطماطم والملح والفلفل وشبت وبقدونس وملعقة نعناع يابسة وبصلة مبشورة بهارات وملعقة زيت علشان نساعد في سهولة الحشو
نغسل المصران باننا نقلبه علي ضهره ونكحت المادة اللزجة ونسيبه ربع ساعة في ملح وخل وبعدين نشطفه ونعدله بضغط المية بتسهل القلب والعدل ونبدا بالحشو باليدين ولو معرفتيش يبقي بقمع يكون واسع والطول في الممبار الل انتي عايزاه بس اسيب جزء فاضي في الاول وجزء فاضي في الاخر ويفضل لو تقطعيه صغير
اهم حاجة انه مايكون ممتلا كتير علشان الرز لما بيستوي بتمدد يعني لما احشي يكون في مسافة تكفي اني اضغط في الوسط زي الصورة
اغلي مية واسقط الممبار فيه واضيف شوية ملح واغطي بس اتابع الاستواء اطلع واحدة واضغط عليها لوطرية يبقي استوي
انشله من المية واحمره وقت الاكل في زيت
وتاكلوها بالف هنا وشفا
ملحوظة :ممكن تعملي كمية وتسلقيها بس ما تحمريهاش وتشيليها في الفريزر وتطلع في اي وقت علي التحمير
ويارب ينول رضاكم وان شاء الله ينجح معاكم ومعاكي اختي الحلم المستحيل واي استفسار انا تحت امركم
وكل سنة وانتم بخير
تسلم الايادي