بسم الله الرحمن الرحيم
الحمدلله والصلاة والسلام على رسول الله
هذا الموضوع بلسان أختي..
بدأت قصتي بعد الزواج للبحث عن طفل بدون فائدة والسبب الالتصاقات بالانابيب شديدة والدورة تنزل قليل مرة وسوداء زي الكحل والم بجنب شديد اذا جاء لازم ابرة غير تكرار البول كل شوية ..اكرمكم الله
رحلة دامت سبع سنوات بين مستشفيات جده سويت كل الاشاعات والتحاليل بدون فائدة وخسائر يمكن 100 الف منها مستشفى سمير عباس الذي حطم كل املي في الحمل بقول الدكتورة خذي ملفك ودوري مستشفى ثاني ...تخيلوا كيف تكون مشاعر مريض في هذه الموقف
ثم انتقلت الى الاطباء المتحدون وسويت عمليتين اطفال انابيب لم تنجح ولكن الحمد لله الامل بقي موجود مع رفع المعنويات من الدكتور هشام عرب جزاه الله خير .
طبعا كان للناس تأثير من حولي للذهاب للممرخات سافرنا للرياض ام فيصل ونصل للباب ثلاث ايام ونرجع
وحده في المدينه وكذلك لم ادخل عندها ورجعنا لجده ووقفت البحث عن علاج حتى ..........
ذهبت لزواج من جيراننا وجلست معي على الطاولة وحده مااعرفها لاحظت ذهابي للحمام المتكرر تقريبا كل ربع ساعة وهذي معاناتي الحقيقية اكثر من تاخرالحمل لاني اتعب فعلا في السفر والزيارات والافراح والاسواق لازم حمام وبعدين سألتني عن حالي ....
قالت قريبتها نفس الوضع وراحت لممرخه وطابت ،، أخذت الرقم ..استخرت اكثر من مرة ..وقلتي لزوجي على طول وافق مع انه مايقتنع بهذي الاشياء توكلت على الله .
رحت عندها وكانت المفأجاة اكتشفت بعد ارادة الله ان الرحم نازل وضاغط على المثانة عشان كذا البول يدر باستمرار .. ورفعت الرحم وربطت ظهري والحمدلله دحين مرتاحة جداااااا ..وبعدها تخيلوا مارحت الحمام بالساعات ..واكتشفت كمان بعد الكشف من تحت ان عندي شحوم تمنع دخول ماء الرجل وبالتالي اطفال الانابيب ,, يعني لو سويت العملية 100 مرة مافي فائدة
واعطتني محلب وسكر نبات مع موية اشربها لمدة اسبوعين عشان الشحوم تبدأ تنزل , وبعد حوال اسبوعين نزلت افرازات لونها
برتقالي على بني وكلمتها وقالت كويس ووقفي الشراب
ودحين بروح كمان لها نكمل العلاج..
وعالجت الممرخة وحده زي حالتي عندهاالتصاقات لها 13 سنة وماحملت والحمدلله بعد العلاج حملت
،،،،ودكتورة اسلبت 14 مرة وراجعت عندها وحملت ..
فرحت بالتحسن اللي ماحسيته مع الدكاترة قامت اختي وقالت لصديقتها لها خمس سنوات ونفس الهجوله بين المستشفيات ومنها سمير عباس راحت لهم في شهر 8 وعملت تحاليل واشعة شامله وكلفتها طبعا ونظمت لها الدكتورة دورتها وماحملت
وراحت لهذي العجوز اللي اكتشفت بعد مشيئة الله ان الرحم مقلوب جدااا على فتحة الشرج اكرمكم الله وعندها شحوم مرررة .. اصلا الممرخة عرفت من عينها ان الرحم مقلوب لان عينها غايرة؟؟؟ سبحان الله
وقالت لها لو قعدتي 10 سنوات ماراح تحملين .....عشااان الشحوم وبتعطيها شراب واعشاب والان مستمرة معاها
وقالت لها العجوز انها مرخت 4 حريم في نفس الفترة وبعد شهر تقريبا او شهرين اتصلو عليها وقالوا انهم حوامل
سبحان الله والله اكبر..
ملاحظة ..الممرخة ماشاء الله عليها ذكر الله لايغيب عن لسانها سواء قبل الكشف او خلاله
وماتبغى غير الدعوة الحلوة ...وهي ساكنة بجدة بحي الجامعة وبيتها شعبي وهي كبيرة بالسن الله يطول بعمرها
وتاخذ سعر رمزي مرة فقط 300 ريال على علاجك كله
واذا بتطلع لك البيت تاخذ 500 ريال
شوفوا الفرق بين اسعار المستشفيات وهذي الممرخة المسكينة
والى الآن مستمره عندها ...والامل بالله كبير
دعواتكم في هذي الاوقات الفضيلة بالذرية الصالحه لي ولكم ......
اللي تبغى الرقم ترسل على الخاص وتبشر مااقصر معاها
هلو القمر @hlo_alkmr_1
محررة فضية
الممرخة اللي اكتشفت سبب تأخر الحمل عند أختي وصديقتي وسمير عباس مااكتشفوا .سبحان الله
511
138K
يلزم عليك تسجيل الدخول أولًا لكتابة تعليق.
فروحه الزيونه
•
الله يرزقك اختك يارب و ويرزقني ويرزق كل محرووومه يارب .. ربي يفرح قلوبنا باطفالنا يارب .. بجد المستشفيات تتتعب .. الحمد الله على كل حال .. انا رحت لممرخه وقالتلي عندك ميلان بسيط .. وومرختني وتقول عدلته بس ربك ماراد يصير حمل .. والحين صديقه لي اعطتنتي رقم ممرخه ثانيه ان شاء الله ..الله يسرلنا ويسهلنا امورنا يارب ...
الصفحة الأخيرة