السلام عليكم ورحمة الله وبركاته ,,,
بصراحة يابنات فتحت هالموضوع عشان نفيد ونستفيد أنا لي فترة ابحث عن ممرخة لأن حملي الثاني تأخر لي ثلاث سنوات بعد طفلي الأول ( الله يحفظه حبة عيني ) وما حملت مع إني رحت لأكثر من طبيبة وسويت الأشعة وما طلع فيني شئ و:arb: مو عاجبة يسوي التحاليل على أساس ماعنده مشكلة وصتني وحدة من البنات بالممرخة المهم لقيت أرقام ممرخات كثيرة اتصلت على أكثر من وحدة فيهم وكلهم طلبوا مني زيارتهم بثاني يوم بالدورة .. ورح أزور وحدة منهم الشهر الجاي .. بس والله محتارة أروح لمين فيهم .. كثير من البنات نزلوا مواضيع تطلب فيه رقم ممرخة والبنات يعطونها الأرقام وتقول صاحبة الموضوع بترد لنا إذا جربتها بس للأسف يهمش الموضوع وماندري وش صار ..!!!
ياليت كل وحدة تقول تجربتها مع الممرخات وهل صحيح إللي نسمعه إنهم يعرفون أشياء بالتدليك ما تنكشف بالأجهزة .. وهل صحيح فيه ناس تعرفونهم شخصيا يعني من قرايبكم حملت عن طريقهم ؟؟!!
دعواتكم لي .. الله يرزقني وكل من ترغب بالحمل بالذرية الصالحة إنه الوهاب الكريم ..
السلام عليكم ورحمة الله وبركاته ,,,
بصراحة يابنات فتحت هالموضوع عشان نفيد ونستفيد أنا لي فترة...
انا بالنسبه لي جربت ام براهيم في الحساء وقالت لي ان رحمي نازل ومرختني ورفعته لي واستمريت 3 ايام وقالت لي بعد 4 شهور لو ماحصل حمل تعالي ومارجعت لها لان صديقتي راحت لها وبنت خالتها كلهم نفس النتيجه تقول نزول في الارحام
وبالدمام سمعت عن ام فهد تمرخت عندها وحده وحملت رغم انها كبيره كانت وماكانت تلغى تحمل قالت لها معك اكياس وعطتها علاج