مملكة الأنسانية :

انا جربت وحده ما عليش مهيب عادتي اذكر الاسماء او اغتاب احد بس بذكرها للفائده هي ام عبدالعزيز اللي بالتمير وتجي احيانا نهاية الاسبوع بالرياض السالفة وما فيها اني رحت وقريت عند وحده وقالت ان معك قرينه روحي عند حرمه عشان تعالجينها مع القرايه المهم انا استمريت على القراءة وقريت مرة بالمنتدى بنات يمدحون ام عبدالعزيز ذي (يعني مو كل من ينمدح في المنتدى نطير له)احيانا يصيرون اللي يكتبون بنات ذا الحرمه ويبون امهم تسترزق على حسابنا وما فيها شي اذا صارت الحرمه فاهمه بس اذا صارت تخربط في خلق الله هذا البلا) المهم يوم كلمتها قالت تعالي لي وقت الدورة عشان امرخك واقطعلك عروق ذا القرينه وبتطيح مع الدورة الثانية وبتحملين ان شاءالله الشهر الجاي<<هذي من طرقهم في استغلالنا طبعا مجرد ما نسمع بطاري الحمل نكب كل اللي بجيوبنا عليهم تصورو يا بنات اني كنت اروح لها كل يوم من الرياض لتمير تخيلو طول الطريق وكانت امطار قوية ذيك الايام ورعد وبرق وزوجي امه تعبانه مرة ومنومة في المستشفى وظروف دراسة زوجي وحالتنا حاله ...المهم كل ذا يهون اذا تخيلت اني حامل اوصلها والله انها كاسة الموية ما تقدمها لي بس اقول عجيز وما عليها شرهة وزوجي منطق برا في ذا المطر لين اخلص قالت باخذ على كل يوم تمريخ 50 قلت خلاص غير العلاجات المهم بدت تمرخ وتقولي المسي ذا العرق وتحطي يدي عل بطني وتقول الحين بقطعه لك وتقطع على قولتها وانا مصدقتها وطول ما هي تمرخ تقول انا متخصصه في القرينه ويجوني ناس من دول الخليج وكل اللي يجوني يحملون من اول شهر<<انواع الدعايات وانا مضيعة المهم يوم جيت اطلع عطتني علبة موية ام 3 ريال منقعة فيها حبة مرة تقول هذي بخمسين قلت يالله بـ 50 بـ50 وعطتني عسل قالت كليه كل يوم بـ500 قلت يالله كل شي يهون وعطتني عشبة المدينة بـ80 يعني علاجاته بـ600وشوي خلال شهر ...نسيت اقولكم مره مرختني وزوجي ما معه الا 500 وهي تبي 50 قلتلها اذا جيتك بكرة بعطيك 100 حق اليوم وبكرة قالت لا الواحد ما يضمن وش يصير له رحت وجبت لها الـ500 قلت رجعي الباقي قالت خلاص الحين ما معي اذا جيتي بكرة برجعلك 400 <<<لا تعليق المهم راحت الايام وشرفت الدورة كلمتها وقلت لها جتني الدورة ولا نزل معي شي قالت تعالي يمكن ما تقطعت عروقها كلها<<<يا ذا العروق شكلها بتقطع عروقي المهم رحت لها وصرفت نفس الصرفيه الشهر اللي راح مع زيادة حبتين يمكن 700 راحت الايام وشرفت علي الدورة الثالثة كلمتها وقالت لي نفس الكلام اللي قالتها الشهر اللي راح ورحت لها ادربي راسي وخذت 700 برضو المهم شرفت الدورة اللي بعدها وقالت لي تعالي قلت خلاااااااااااااااااااااااااااااااااااااص يكفي نصب استغلت حاجتي وحاجة زوجي ولهفتنا على الحمل تخيلو في هالفترة خالتي ام زوجي دخلت العناية 3 ايام وبعدها توفت الله يرحمها ويغفر لها وزوجي كان في حال ما يعلم به الا الله تخيلو التعب النفسي مع كل دورة والمشكله ان الواحد ما يكتشف استخفاف هالنصابات إلا بعد ما تمر فترة والله انها من نصبها انها مرة جت الاربعاء الرياض وانا فيني الدورة مرختني الاربعا والخميس والجمعة وقلت السبت يمكن ما اقدر اجي لان زوجي مشغول وصعبه نروح لتمير قالت بمرخك اجل تمريخين!!!!حق اليوم وبكرة ..وشلون تجي ذي وسوت ذا الحركه اكثرمن مرة وزوجي ما اقتنع يقول وش ذا الخرابيط ..بس الشكوى لله ومن المواقف بعد اني مره لما رحت لها لطعتني تقريبا نص ساعة وفي النهاية اكتشفت ان جايها حريم في الغرفة الثانية تقرى عليهم<<<يعني بتاع كولوه ما اقول إلا حسبنا الله ونعم الوكيل على كل نصابه حسبنا الله ونعم الوكيل على كل نصابه حسبنا الله ونعم الوكيل على كل نصابه ربي لا تذرنا فردا وانت خير الوارثين ربي لا تذرنا فردا وانت خير الوارثين ربي لا تذرنا فردا وانت خير الوارثين

انا جربت وحده ما عليش مهيب عادتي اذكر الاسماء او اغتاب احد بس بذكرها للفائده هي ام عبدالعزيز اللي...