مرحبا .
أولا تعريف بأكله الممروس الاماراتي العريق هههههه ..
هو تمر وخبز وسمن
وندلكه مع بعضه ليصير عجينه وحده .. اليكم الشرح بالصورة ..
جهزي العجينة وهي طحين 3 أكواب تقريبا شويه ملح ومويه ..
ونحط في طاسه كبيرة مدلوج تمر .. وهو ايي بهالطريقه مثل العجوة بس مو جاهز أهل البيت يسوونه ..
شوفي مقدار التمر .. على مقدار العجين ..
عشان بعدين ما يصير تمر أكثر من الخبز او العكس كل شي مضبوط حلو ..
نخبز الخبز على الطوبي او الصاج مثل ما الخوات يسمنه .. والخبز اتيي ثجيله مو رقاق .. بهالطريقة ..
نقلبها الجهة الثانية بعد ما تتحمر شويه مو كثير
ونحطها على التمر وهي حارة عشان يسهل دلكها ويا التمر ..
نحط الخبزة الثانيه على الطوبي ولحد ما تستوي ندلق الاولانيه ويا التمر ونحط الثانيه وهلما جرى ..
ونضيف وياهم الدهن .. ان ما كان عندج دهن حلو لا تحطين وتخربين فيه الطعم
وهذه ونحن حطينيها في صحن التقديم اللي له غطا وتصبين فوقه السمن ..
وان شاء الله ألف عافيه يارب ..
تبقى عندج في حدود الثلاث ايام .. سليمه وصالحه للاكل من غير ثلاجه .. لانها تتسوى فالشتاء .. جدا مغذيه ودافيه وروعه وعن نفسي أحبها موت من يدين أمايه ربي يمدها بالصحة يارب
الزهرة النرجس @alzhr_alnrgs
عضوة نشيطة
هذا الموضوع مغلق.
الصفحة الأخيرة
هذي تشبه العريكه بس الاختلاف في الطريقه ولا نفس المكونات
الله يعطيك العافيه تجنن