طبعا سبق وحطيت لكم الفرشه او الرول المبتكر اللي سويته واهم شي انه ما غيرت الصبغ الاساسي وهو الابيض لان الممر ضيق فما حبيت اغير لونه عشان يكون شرح ومنور بس يدوب ضرب بافتح درجه من اللون الاصفر وضربت على الجدار كله
واستعملت الشريط اللاصق الخاص للغرف واللفه تكلف نص دينار وفيه عشر امتار وطبعا لونها اصفر فاتح وفيها نقش بالابيض والرمادي الفاتح
واستعملت المناديل طبعا رسمه ناعمه تتجانس مع الصبغ ولون الباب ولو تلاحظون اني صيغت برواز الابواب كلها بس الباب لا عشان احافظ على لونها الخشبي الحلو والطبيعي بس البراويز من بره ومن الاطراف الداخليه صبغتها ابيض وضربت عليها بالاصفر وبان انه الممر صار اوسع لان اللون الغامق خف شوي :)
وحتى باب الكهرباء الرمادي شجعتني الاخت رومي على صبغه ولا كنت محتاره فيه ونفس الشي ساويته مع الجدار وحطيت له رسمه من المناديل وسطها عشان تميزها شوي
طبعا لزقت بالتيب بعد ما قايست بكرتونه مقاسين واحد اطول من الثاني
وحطيت المعجون