شوفي بس انا لما اقرأ حتى لو حاولت اركز اتشتت فطبيعي ماحيكون في تدبر 
يعني  اتخيلي طفلين عندهم فرط حركة وتشتت انتباه من المس 
وطفلة سنة ونص عصبية ودلوعة اخدو منها شي تبكي لمسوها تبكي شكيت مت عصبيتها وبكيها الزايد انها تكون ممكن ممسوسة بس وقت الرقية عادي حتى تجي تتسمع عادي ومازلت شاكة امس وهيا نايمة قربت الجوال. منها وشغلت رقية يمكن عرق الرقبة يبان يمكن تتأثر يمكن اصابع رجلها تتحرك ماصار شي الحمدلله ما ادري موسوسة انا
المهم طفلين فرط حركةوثرثرة زايدة ماشاءالله وبنا صراخ وبكي وولد سنتين ونص اشوى ماشاءالله رايق واتأخر برضو في الكلام وزوجي ابدا ابدا مو هامه شي
قبل لا يجي العصر لازم اكون طابخة منظفة للبيت محممة البزورة بالسدر  
يعني اتخيلي ماشاءالله رقية ومذاكرة تحميم شغل بيت طبخ صراخ وشيطنة يعني لو وحدة تانية حتى لو ماهي ممسوسة طبيعي تتشتت وتعصب وما تقدر تركز

كان الله في عونك حبيبتي


بما أنك ما تقدرين تقرئين عليهم بتركيز لكن ممكن يا قلبي تقدري تقري عليهم وهم نايمين وتقدري تقري في ماء وتشربيهم
فرطة الحركة ما اعتقد هذا من العين لأنه يكون هذا في جيناته والد فيها بسبب سوء تغذية الأم وهي حامل ولأسباب أخرى في حمل الأم ، لكن على العموم تشربيهم ماء زمزم أيا كان السبب ، هاتيها من الحرم من كدي ، لأن طلع الي يبعونها برا مغشوش ، فشكل كلامك من جدة أو حولها ، فسهل تروحي مكة فروحي هناك وخذي من مكة وشربيهم وادعي الله ، وتشوفي العجب ، أهم شيء اليقين بالله ، ودعاء الله بتذلل وانكسار لما تشربينه .


وتدعي الله أن يشفيهم من هذا
وتشربيهم أيضا ماء فيها مقري سورة الفاتحة بتركيز وفهم للمعنى وفي قلبك انكسار وطلب من الله واستعانة على شفائهم لما توصلين قوله ( إياك نعبد وإياك نستعين ) ، وعند (الرحمن الرحيم ) تحطي في قلبك أن الله أرحم الراحمين وما أصابهم إلا برحمة منه وهو خير له وترجين من الله أن يرفعه عنك وترجين من الله أن يكفر عنك ذنوبك ، وحتى عند ( الحمد لله رب العالمين ) تستحضرين في قلبك الشكر لله الحمد الكامل ، فهو رب العالمين وكذلك ربي ومدبر أموري ورب ولديك ومدبر أمورهم وقادر على كل شيء ، ، وهكذا
وتشربيهم منها


وقبل النوم ادهنيهم بزيت مقري فيها المعوذات بتركيز على المعنى وخلاص .
وفرط الحركة له علاج سلوكي عند الطب النفسي تقدري تروحي يساعدونك بأفكار مثل تعطيهم أوراق يرسموا عليها عشان يجلسون وألعاب ينشغلوا فيها ...الخ
أما الحبوب الي يعطونها فما أنصحك فيها ، وأحسن لك منها هو ماء زمزم
قال صلى الله عليه وسلم : ( ماء زمزم لما شرب له ) سبحان الله ..ماء مباركة


الله يعينك عليهم
وأسأل الله رب العرش العظيم أن يشفيهم

وردة شرقية متأكدة زي اسمي انه فرط الحركة مس
دحين لو جاكي انسان عاقل بالغ يسوويلك جنان ويصرخ ويطيح في الارض ويتنافض ويضحك بصوت عالي ويتكلم ويبربر كلام مو مفهوم مو مرتب. ماله معنى 
ولا عنيف بشكل حتى لما يعصب العروق تطلع واسنانه وكل شي الكبير لو سوو الحاجات ديه نقول ممسوس ولا نقول ذهان صح
اما لما يجيكي ولد يسوي الحاجات ديه يقولو فرط حركة
وتعرفي كيف اكتشفت موضوع المس مرة ولدي بأكلمه مشي خصرني عصبت مسكته ليش تسوي كدا
قال ماما الشرير هوا يقولي لما امك تكلمك سوي كدا وقتها شكيت انه مس بما انه قال الشرير سحبته برا وجلس يقولي ويقولي انه يقولي اضرب اخوانك سوي وافعل
وولدي دا فعلا لاحظت عليه عنيف وعدوانية ماهي عادية طبيعي تلقي طفل شوية عصبي اما دا لا 
لدرجة لما يقولي اشبك ما تفهمي ويصرخ في وجهي كنت احضنه ولا اسيبه ما اقولو ليش ترفع صوتك عليا لاني كنت احس حاجة مو طبيعية بس ما شكيت انه مس كنت اقول يمكن مع ضغوطات وكدا ويعني زي حالة نفسية بس والله والله كنت احس شي مو طبيعي 
وولدي التاني عكسه تماما لما يقرب المغرب يجري ويضحك مو عارف ايش يسوي اناديه بإسمه المهم يجلس وبسرعة وهوا بيضحك يودي راسه يمين ويسار ولا يطلع لسانه 
امسك اناديه ولد ولد في حضني كدا وبرضو مستمر وبرضو ما اعصب لاني حسيت غصب عنه 
الكلام دا قبل لا اعرف بموضوع العين والمس
وكيف اتأكد 100 في100فرط الحركة وتشتت الانتباه من المس
يكونو جالسين عادي هاديين بحكم انهم تحت تأثير الدوا اشغل الرقية واحد يسوي حركات العنف والعدوانية والعصبية الحركات هيا هيا نفسها اللي يسويها يوميا ودائما ومن سنين
والتاني لو ما نعس ونام يضحك ويطلع لسانه ويسوي حركات زي المجنون اللي عقله عقل رضيع
ونفسها الحركات اللي كان يسويها وقلبي واحساسي كأم كان يقولي دا شي مو طبيعي والله يهديني ما فكرت انه مس
واربعة اربعة خلال دا الشهر هنا في المنتدى اطفالهم فيهم مس وفرط حركة اتواصلنا سوا تعتقدي صدفة
ايوة فرط الحركة نقص في مادة الدوبامين اقلها في حالة ولديني وفي الموصلات العصبية بس الشيطان يجري في العروق واكيد برضو بيلعب بالاعصاب ويقلل من افراز المادة ديه
وان مو كدا زي ما قال ولدي هوا يقولي هوا يفعلي هوا هوا 
ولا تحسبي عيالي صارو كل شي يسووه عشان لا اخاصمهم يقولو الشبح والشرير انتي قلتي انك ام وتعرفي يعني نعرف ونحس لو الولد دا اللي قدامنا بيكدب ولا لا
ولو قرينا اعراض مس الاطفال 
حركة كثيرة ومفرطة
وعدم تركيز
والطفل مايطالع في عينك واي ام عندها طفل فرط حركة وكدا راح تعرف

صحيح الشيطان يلعب بدماغهم ممكن يسوي لهم فرط حركة لكن قصدت أنه ممكن تصير أيضا مع الحالات الي والدين بفرط الحركة ولهم نفس الأعراض الي ذكرتيه ، مريض فرط الحركة يصير معاه عصبية وعدم التركيز ,وإذا مانام تسوء حالته مثل الي ذكرتيه وممكن يضرب الآخرين وفي منهم من كثر الحركة ما يطالع في عينك ومشتت الذهن ...الخ
وبما أنهم تعطيهم دواء ويكونوا هادئين ومع الرقية يصير معاهم حركات عنف وعصبيه فيكون فرط حركتهم يديرها الشيطان ويؤثر فيهم ربي يشفيهم
فقلت لك حبيبتي أيا كان السبب سواء عضوي أو روحي عليك بماء زمزم وأنك تشربينهم ماء مقري كلما شفت عليهم زيادة حركة واستمري على ذلك .

ان شاءالله 
قبل النوم بأدهنهم بالزيت 
وموية مقري عليها 
ويوميا السدر مقري عليه
طيب همن حتى التتاوب خف 
و واحد فيهم وقت الاذكار الصباحية و المسائية وحقت بعد كل صلاة يقول معايا والتاني لا يضايق
يقول ماما كل شوية قرآن كل شوية تقري
دا تحسن ولا لا
لانه احيانا يقولو مع العلاج المفروض الواحد يتعب اكتر مو يخف
ومرة واحد جاته حكة شديدة مرة يعني حتى وهوا نايم يصحى يبكي ويحكحك ودحين الحمدلله راحت بس قشور في اليدين والرجلين
والتاني حكته مو مستمرة مستمرة لا يعني مع القراءة يبدأ يحكحك حتى لو بس الاذكار