n.o.j

n.o.j @noj_1

عضوة فعالة

المنام هو رؤيا موته ولا كيف

الأسرة والمجتمع

السلام عليكم
ولد عم ابوي توفى قبل ٩ سنين الله يرحمه
وعاش حياته مع حرمته وكان في تأخر بالحمل بسببه وتم يتعالج سنين طويلة
وبالاخر الله اكرمهم وجاب ولده الوحيد ولما صار عمره ١٣ سنة ابوه صار عليه حادث وتوفى بعد يومين بالمشفى وكان طلبه الاخير انه يشوف ولده بالمشفى وجابو له الولد قعد معاه يوم كامل وثاني يوم الاب توفى 💔
قبل اسبوعين ولده توفى وهو عمره ٢٢ سنة 💔💔
امس وكنا بالمجلس كانت عمته تتكلم وصارت تبكي
تقول اختي الثانية شافت اخوي بالمنام قبل ثلاث شهور قاعد يبكي وحزين وواحد ثاني يقولها فلان يبغى يشوف ولده لانه اشتاق له ويبغى يشوف شكله كيف صار عشان كذا يبكي
وبمنام ثاني قبل مايتوفى الولد بفترة قصيرة شافت ابوه ماسك يده وقاعد يضحك والولد يبكي ويتمشون مع بعض وبعدها مات الولد
وغيرها كثير احلام كان الاب يجي حزين عشان ولده مع العلم انه امه تزوجت بعد مامات ابوه ب ست شهور وراحت مع زوجها وتم الولد مرة عند عمته ومرة عند جدانه
الحين الحريم يتكلمون ويقولون هذي الاحلام هي كانت رؤيا موت الولد وانه ابوه اشتاق له واخذه عنده وانه كان يدري ب لي صار مع الولد بعد مامات
هذا الكلام صحيح فعلا ولا كيف ؟؟
هل فعلا الواحد قبل مايموت احبابه يشوفون رؤيا عليه ولا كلام فاضي
19
5K

يلزم عليك تسجيل الدخول أولًا لكتابة تعليق.

تسجيل دخول

سهااار
سهااار
رؤيا الاموات حق
بس مسألة مشتاق له فيها كلام
ربنا اللي كتب موت الابن في هذا العمر
وبالفعل حكاية انه الميت يطلب احد يجيه او يمسكو
قبل كده سمعت بها
الله يرحمهم ويغفرلهم
torq9
torq9
انا عن نفسي اصدق
اسمعي في بنت خالتي توفى ولدها قبل اربع سنين
وكان بكرها وعمره ١٨ سنة
قبل مايتوفى شافت احلام غريبة جدا
هذا الولد كان حبيب جدته ام ابوه كانت تحبه تحبه لدرجة هذا الولد كان اغلب اوقاته يبات عند جدته والله كانت تخلي امه ترضعه وتاخذه عندها
بنت خالتي تسألها تقولها الله زرع محبة هذا الولد بقلبي
توفت جدته وهو عمره ١٤ سنة
قبل مايتوفى هذا الولد بفترة شهرين
امه صار يصيبها قلق عليه لانها شافت جدته بالمنام قاعدة تسحبه من يدها قدام الناس وتسبها
ومرة ثانية شافتها تأكله بيدها
ومرة تسبحه هي
وغيرها هي شافت رؤيا وكانت بحالة قلق
تقول اليوم لي توفى فيه ولدي كان يوم خميس كان صاحي قبلنا كلنا على غير عادة يتمشى بالبيت
كان قاعد مع ابوه واخوانه الصغار يبكون عند الاب كل واحد طلب شكل عالصبح
قالت طلع بوكه وكان فيه فلوس وقعد يعطي اخوانه واحد واحد وقعد يطالع بالبيت رايح جاي ويجلس قدام ابوه كأنه مايبغى يطلع سبحان الله
لما جات سيارة اصحابه قلبي انقبض تقول شفت السيارة واكتئبت مدري ليه وراح معاهم وكانو بعد ماطالعين من المدرسة يروحون يحضرون مباراة النصر والهلال بالملعب
وراح الولد وراح الاب ورجعت الام طلعت مع اخواتها ورجعت نامت قريب الظهر والا تشوف ولدها بالمنام
قاعدة تركض بسرعة تقولهم وينه فلان وينه فلان
واشرت لها الخدامة على الطاولة شافت كوب قهوة وقدامه وردة يعني الولد شربه وراحت تطالع بالنافذة لقته يركب السيارة ووجهه ابيييض
ماجات الساعة ١٠ بالليل الا زوجها يتصل وعطاها الخبر المفجع وهي كانت نايمة
الولد توفى مع اصحابه ٢ وهم راجعين واخر ذكرى منه فيديو كان يطقطق على ابوه بعد ماخلصت المباراة وكان قبل مايتوفى بساعة بس
وهي صاحية من حلم كانت حدته تضحك فيه
الله يجبر مصابها فيه ويجبر قلب ابوه
مالي احد غيرك
مالي احد غيرك
ايوة.. انا سمعت انه اذا جاء متوفي فالحلم واخذ شخص معناتها وفاة هذا الشخص... انا مرة حلمت في حماتي المتوفية انها اجت واخذت صحن ارز من عندي قلتلها هذا لزوجي قالت اعرف وراحت.. وانا ارتعبت من الحلم.. وبعد اقل من شهر زوجي انفصل من عمله بعد خدمة ٢٠ سنه
m's noof
m's noof
اكره مواضيع الاحلام واللي تجي تقولي تحلمت فيك
انسحب من حياتهااا اعوذبالله وش جابني للموضوع هذااا لاحول ولاقوة الا بالله 😢
وَرد
وَرد
المفروض هالاحلام نتبع فيها هدي الرسول ﷺ
لاااا تُفسر
ولاتنقال لأحد ابداً
واللي يشوفها يقوم يتوضى ويصلي ركعتين ويتعوذ من شر مارأى
و ان شاء الله ماتقع ولاتتحقق.