المناهج المطورة ووجع الراس !!

ومن بياخذ براينا ياحسره اجل شوفي علوم سنه اولى واضحكي لين تشبعين عن تجارب عن الخافس وش تاكل واكتب ملاحظاتك اسالك بالله طفل طالع من التمهيدي يادوب يكتب اسمه لا وخط يجيب اللهم كيف بيكتب تجارب وماادري شنوا والله اني حايسه مع اولادي سنه(4وسنه اولى )الله يعيني ويعينهم بس الرياضيات ارحم مليون مره من العلوم والله فوق مستوى اعماهم بس حسبي الله ونعم الوكيل باللي حط المنهج

الله يعينكم انا ماعندي عيال بس اختي بنتها في سنة رابعه تقول انا كبيرة ومتعلمه واشرح لها اشياء انا مو فاهمتها اصلا ولا الاسئلة الصعبه اللي ماتعرفين اجوبتها الله يعينكم ....

وحتى انا حايسة مع بنتي صف رابع منهج صعب ولاأقدر أشرح لها شي أحس إنه فوق مستواهم
أجل العلوم أول درس عن البراكين ,أكتبي فرضية تحققي من النتايج مدري وش يبون
وش يعرفهم بالبراكين
الله يعينهم بس

العلوم حلو بنتي أخذت الدرس الأول فقط مدرستهم يبدوا بطيئة الله اعلم اذا بزيد الصعوبه لكن أول درس كان حلو وماتع
لكن الرياضايات فعلا مصيبه الله يكون في عونهم الأطفال

الله لا يسامحهم دنيا واخره اللي حطوا هالمناهج عندي بنتين واحده في اولى والثانيه في رابع صعبه الرياضيلت والعلوم والله اني احاول اشرح لبنتي في رابع مو قادره بعض الدروس كنت اشوفها عند اخوها في ثاني متوسط وبنت اولى على طول دخلوها على اقسام النبات وفوائدها يا عمري توها ما تعرف الحروف يبغوها تعرف اجزاء النبات حسبي الله عليهم