الله ييسرها وكلنا امووورنا للواحد الاحد

وش هالتخلف قسم بالله مرات يوم اقرا بعض المواضيع او الردود احس الي كاتبينها بزران مو ناس واعيه وفاهمه .. لا وموضفينهم عاد ..


ياختي من بداية التقديم والمطابقه ونوع الوظيفه واضح ومميزاتها وش لك وش عليك ...

مساعد اداريه ع المرتبه السادسه في سلم الموظفين العام ...


غير هالشي من خزعبلات وقال وقيل ... المفروض ما احد يلتفت له مو نقراه وننشره ... اعتقد جميع المرشحات في سن واعي ومتزن مو كلمة تودينا وكلمه تجيبنا ...

لا وش ثاني بعد قسم كذا مره ودي اكتب موضوع عنه بس كسلانه لا اكتب عاد هالرد نرفزني قلت عاد بكتب والشكوى لله ..

الي هو لاحظة سب وشتم ودعاوي ع ديوان الخدمه والوزاره ... وكل مبني ع القال والقيل مافيه شي صار ...
والله العظيم في هالشهر الفضيل وانا اكتب الحين وانا صائم ... ان اخو زوجي موظف في ديوان الخدمه وووقت اعلان الترشيح للوظائف قلنا ان شاء الله بيساعدني ولا راح اطلع من الرياض ... وهو طق الصدر على اساس ان وظيفتي ما تتعدا بيتي علشان ما يتشحطط اخوه وعياله قال ابشر حرمتك وظيفتها ماراح تطلع برا الرياض وحط في بطنك بطيخ صيفي ... بس خلها تطابق وابشر ... قسم بالله يوم طلع الترشيح والا انا وين والرياض ووين ولا قدر يسوي لي شي قال اصلن هذي الوظائف مافيها اي وسطات كلها شغل كبيوتر والله ماقدرنا نسوي شي ... والنقاط هي الواسطه الوحيده في هالوظائف ...

ولاحظوووو الخنين في توتر يتكلم بكل ثقه ويتحدا اي شخص يقوله نقاطي اكثر ورشحو اقل مني او حطوني برغبه ورغبتي فيها اقل مني ....


والشي الثاني الوظائف طلعت من ديوان الخدمه خلاااااااااص ماعاد لهم شغل فيها ... راحت لوزارة التربيه ...

واقسم بالله الذي لا اله الا هو ان اصحاب زوجي فيها واتصل فيها علشان يعرف وين التوجغيه ويحاول يقربني لو شوي من الرياض قالو والله ان الموضوع هذا عليه تكتم. غير طبيعي ولا راح نعرف شي او نسوي شي كله شغل نقاط والوزاره شغاله عليه ولا حتى ندري متى يطلع الترشيح ... الله المستعان بس


طولت الرد عليكم ... بس قصدي انكم تخلون عنكم الخزعبلات والقيل والقال والدعوه ع المسلمين ...


اللهم يا مسهل الشديد و ياملين الحديد و يامنجز الوعيد و يا من هو كل يوم في امر جديد، اخرجني من حلق الضيق الى اوسع الطريق بك ادفع ما لا اطيق ، ولا حول ولا قوة الا بالله العلي العظيم،

حسبي الله ونعم الوكيل فيهم ماتهنيت لا في إجازة ولا في ذا الشهر بس قلق وانتظر متى يجئ يوم ١٥ ليه كذا جد مافيني أتحمل ما تسوى. علينا ذا الوظيفة طالعوا لنا حالات نفسية الله يسهل لنا وتجي ذا الرسالة الي نتوجة فيها.

مشكوره الاخت حلا بدون غلا
احترم فكر الناس الراقيه

ويارب التوجيه يكون الترم الثاني حتي يكون فيه ترتيب لاوضاعنا
وماتوفيقي الا بالله عليه توكلت واليه انيب

حلا وغلا يسلم فمك علا هالكلام والله من زمان شؤون المعلمين اذا سألناهم قالوا ماجانا شي من الوزاره الى الان ويمكن التوجيه اخر رمضان او مع العوده مدري مين افتى بيوم 15 ... وخلوا العالم علا اعصابهم لكن مانقول الا الله يكتب اللي فيه خيره يارب وصلى الله على سيدنا محمد وعلى اله وصحبه اجمعين