السلام عليكم حوامل يالله ما باقي لنا شي والله يسهل على الجميع مع ان وبكل صراحه شكل الشهر ما بيمر الا وطلعت الرووووح

بالنسبه لحوض الحوامل بغيت اعرف شو المواد اللي تنحط فيه غير الملح الخشن ؟
ومعقووووله المشد يرهل البطن ؟؟؟؟؟؟؟!!!!!!! لاني يالسه هالايام ادور عليه في الصيدليات

اخت شموووخ لا تصدقين كل اللي ينقال لج ما يندرى متى الوحده تولد .. في ولدي الاول قالولي تاريخ 22/12 وبعدين عقب ما قاسوا حجم الجنين قالولي بتولدين 4/1
وولدت 18/12

والثاني قالت لي 10 /1 من حجم الجنين و16 /1 من الحساب الزمني للدوره يعني ما يندرى انتي اول ما تدخلين التاسع مب من الحينه امشي من بداية التاسع والله يسهل عليج


ماجيك ليدي اتفق معاج انه تعب مررررررررررررررررره في الشهر الثامن لاني صدق مثل الاخت فراشه طفششششششششششششت وابغى اطلع من المستشفى وياي ولدي او بنتي (الثاني )
مع اني شايله هم ولدي الاولاني اذا بيغار من اخوه او اخته مع انه يحب اليهال بس الله اعلم

يالله حبيباتي بالتوفيق للجميع

هلا أخواتي وش أخباركم وهلا بكل الضيوف إلي شرفونا
الحمد الله يابنات خلصت هاليومين حوالي 80%من أغراضي والحمد لله مابقالي إلى حاجات صغيره وإن شاء الله أكملها
تكفون يابنات لا تفوتكم التخفيضات أغلب محلا ت الأطفال مسوين تنزيلات لحقو عليها قبل لتخلص
بنات طاطا وينهي عسى المانع خير من زمان عنها
الفراشه حبيبتي وش أخبار السكر معك إن شاء الله بخير حبيبتي أنا مره قالتلي دكتوره عن المشد إنه موحلو تلبسينه على طول لأنه يرهل البطن تقول بس إلبسيه لمدة ساعتين في اليوم وإني تتحركين مو قاعده علشان تستفيدين منه
وأحسن حاجه الرياضه وقت النفاس والمشي هم إلي بيساعدونك على عودة جسمك
وبعدين يابنات خلونا ندردش شوي وننسا الثقل ونسولف مع بعض((حريم لازم هذر))ونتكلم عن أخطاء نسويها وقت النفاس علشان كل وحده تستفيد من الثانيه ولا تتجاهلون الموضوع تراه مهم وخلونا نشوف أول وحده تعطينا خطا

هلا والله بفي تقريبا انا مثلج خلصت الكثير ما باقي الا شوية اغراض

اما عن المشد انتو تقصدون الاحزمه العريضه اللي تنشرى من الصيدليات ؟!وتضغط على البطن ..انا ناويه اشتريها بس ما اعتقد اني راح اقدر اتحرك كثير مع الخياطه

اما فترة النفاس بالنسبه لي في حملي الاول ..الوالده(الله يخليها لنا ) ما قصرت وريحتني فيها تمت عندي 20 يوم ولما ردت البيت حسيت اني ضايعه بدونها وهالحمل الثاني ما ادري شو راح اسوي لان زوجة اخوي راح تربي بنفس الفترة اللي راح اربي فيها يعني راح اسبقها تقريبا باسبوع فما ادري كيف بسوي ..وشايله هم كبير خااصه ان عندي ياهل من اول ويبغاله اهتمام ..الله المستعان

اي وحده عندها خبره كيف اقدر خلال اسبوع ارتاح من آلام الخياطه راح تسوي فيني خير

لان الخياطه في الحمل الاول ارهقتني

والله يسهل علينا جميعا هالفتره وخلال الولاده وفترة النفاس

السلام عليكم.كيف حالكم جميعا ؟اشتقت لكم بالحيل أالبارح مادخلت النت جانا ضيوف ثقيليين دم أتمنى تكونوا فقدتوني والا لا !!أنا عن نفسي فقدتكم بالحيل

كنت كاتبه لكم أخباري بالتفصيل بس مو راضيه تطلع الصفحة مادري وش المشكله اذا كتبت كثير ما يتم النشر علشان كذا قلت بكتب على شوي شوي أستحملوني عاد أذا أنتم ناستحملوني من بيستحملني!